Jeremiya 45:3 - Siswati 1996 Bible

³ Watsi kimi: ‘Nako kimi! Simakadze sewengete iminjunju etinhlungwini tami, sengiphelile ngenca yekububula kwami, angisatfoli nekuphumula.’ ”

Jeremiya 45:3 Cross References

Jobe 23:2

“Nalamuhla loku ngisakhala kakhulu, ngobe sandla saNkulunkulu simatima kimi, lite nome ngibubula.

Tihlabelelo 120:5

Maye kimi, lengingumchamuki lapha kaMesheki, ngihlala emathendeni akaKhedari.

Tihlabelelo 27:13

Impela ngiyakholwa nguloku: Buhle baSimakadze ngiyawububona ngisaphila kulomhlaba!

Tihlabelelo 42:7

Ngiva umsindvo wemanti lageletako, titiba nemabhudlo timemetana todvwana, shangatsi ngigujetelwa ngemagagasi netikhukhula temfula logcwele.

Tihlabelelo 6:6

Ngikhatsele kububula kwami, ngimantisa umcamelo wami ebusuku, ngimantise nembhedze wami ngetinyembeti.

Tihlabelelo 6:7

Liso lami liyadzikita ngenca yelusizi. Liso lami liyaguga ngenca yekukhaliswa titsa tami.

Tihlabelelo 69:3

Ngidvubuteke kabi ngenca yekukhala kwami, umphimbo wami womile, uyahoshota. Emehlo ami asacundzekile ngenca yekulindzela wena, Nkulunkulu wami.

Taga 24:10

Nawukhubatela ngesikhatsi lesibucayi, usuke unemandla lamancane.

Jeremiya 45:2

“Naku lokushiwo nguSimakadze Nkulunkulu wema-Israyeli, ukhuluma kuwe Bharuki, utsi:

Jeremiya 8:18

Kute likhambi kulolusizi lwami, inhlitiyo yami iselusizini.

Jeremiya 9:1

Kube mane inhloko yami beyisiyalu semanti nemehlo ami abe ngumtfombo wetinyembeti, bengitawukhala busuku nemini, ngenca yekubulawa ngesihluku kwesive sami!

Sililo 1:13

“Watfumela umlilo asetulu, wawehlisela phansi ematsanjeni ami. Webekela tinyawo tami linetha, wangincandzekisa. Wangenta ngaba ngulolahliwe, ngacaleka lilanga lonkhe.

Sililo 1:22

“Kodvwa konkhe kungalungi kwabo akute embikwakho, nabo ubaphatse njengaloku wentile kimi, ngenca yato tonkhe tono tami. Kububula kwami kunyenti, nenhlitiyo yami iyacaleka.”

Sililo 3:32

Nome akuletsa kudzabuka, kodvwa uyawubuye ahawukele, lukhulu kangako-ke lutsandvo lwakhe.

2 kubaseKorinthe 4:1

Nkulunkulu ngemusa wakhe wasiniketa lenkonzo; ngiko nje singadzinwa.

2 kubaseKorinthe 4:16

Ngako-ke asidzinwa; nome lingephandle letfu libhubha, kodvwa lingekhatsi lentiwa libe lisha imihla ngemihla.

KubaseGalathiya 6:9

Asingadzinwa kwenta lokuhle; ngobe nasingadzinwa, siyawuvuna ngesikhatsi lesifanele.

2 kubaseThesalonika 3:13

Bazalwane, ningadzinwa kwenta lokuhle.