Jeremiya 4:16 - Siswati 1996 Bible

¹⁶ “Khulumani loku etiveni, nikumemetele eJerusalema, nitsi: ‘Imphi letewuvimbetela iphuma eveni lelikhashane, isuse umsindvo wekuhlaba inyandzaleyo, kutsi kuhlaselwe emadolobha akaJuda.

Jeremiya 4:16 Cross References

Isaya 34:1

Sondzelani, nine tive, nitewulalela; lalelisisani, nine tive! Umhlaba awuve, nako konkhe lokukuwo, umhlaba, nako konkhe lokuphuma kuwo!

Isaya 39:3

Umphrofethi Isaya wase uya ku-Hezekiya, inkhosi, wambuta watsi: “Atsiteni lamadvodza, kona abebuyaphi?” Hezekiya waphendvula watsi: “Abephuma eveni lelikhashane kakhulu, eBhabhulona, ete kimi.”

Jeremiya 1:15

Sekusedvutane kutsi ngibite tonkhe tive temibuso yangasenyakatfo,” kusho Simakadze. “Emakhosi ato ayakuta, atewumisa tihlalo tawo tebukhosi ekungeneni kwemasango aseJerusalema. Ayakuta ahlasele lonkhe lubondza loluyitungeletile kanye nawo onkhe emadolobha akaJuda.

Jeremiya 16:6

“Labaphakeme nalabaphansi bayawufela kulelive. Bangeke bangcwatjwe, futsi abayiwukhalelwa, futsi kute labayawubazilela nalabayawuhhula ngenca yabo.

Jeremiya 2:15

Emabhubesi abhodlile, amhhongela. Live lakhe alente laba lihlane lelingenalutfo, emadolobha akhe ashisiwe, asala akhala libhungane.

Jeremiya 31:10

“Vanini livi laSimakadze, nine tive; limemeteleni etichingini letikhashane, nitsi: ‘Lowo lowasakata Israyeli uyawumbutsa futsi, uyakwelusa umhlambi wakhe njengemelusi.’

Jeremiya 39:1

IJerusalema yatfunjwa kanjena-ke: Ngemnyaka wemfica wekubusa kwaSedekiya, inkhosi yakaJuda, ngenyanga yelishumi, Nebukhadnezari, inkhosi yaseBhabhulona, washuca wayawuhlasela iJerusalema, washuca nayo yonkhe imphi yakhe wayivimbetela.

Jeremiya 4:17

Akaka wena Jerusalema, njengemadvodza lagadze insimi, ngobe ungihlubukile,’ ” kusho Simakadze.

Jeremiya 5:15

Yebo, wenandlu yaka-Israyeli,” kusho Simakadze, “ngitawuletsa sive lesikhashane sitekulwa nani, sive sasendvulo lesicinile, sive lesikhuluma lulwimi leningalwati, yebo, lesikhuluma lulwimi leningaluva.

Jeremiya 5:6

Ngako-ke batawuhlaselwa libhubesi leliphuma ehlatsini, batawuphangwa yimphisi lephuma ehlane, ingwe itawubalalela endleleni edvutane nemadolobha abo; itemdzabudzabula abe ticucu nome ngubani lotsi uyaphuma, ngobe kuhlubuka kwabo kukhulu, nekweduka kwabo kunyenti.

Jeremiya 50:2

“Memetelani nikhulume emkhatsini webetive, phakamisani siboniso semphi, nimemetele, ningafihli lutfo, kodvwa tsanini: ‘IBhabhulona itawutfunjwa, Bheli utawuhlazeka, Maduki yena agcwale kwesaba. Titfombe tayo tiyawuhlazeka netithico tayo tigcwale kwesaba.’

Jeremiya 6:18

Ngako lalelani, nine tive. Caphelisisani, nani bofakazi, kutsi kuyakwenteka njani kubo.

Jeremiya 6:19

Awu mhlaba, vani! Ngitakwehlisela inhlekelele kulesive, sitselo semacebo abo, ngobe abakawalaleli emavi ami, bawala nemtsetfo wami.

Jeremiya 6:22

Naku lokushiwo nguSimakadze, utsi: “Buka, kuta imphi, lechamuka eveni langasenyakatfo, sive lesikhulu sichukulutiwe, sisukela emikhawulweni yemhlaba.

Jeremiya 6:23

Bahlome ngebutjoki nangesikhali; banelulaka, abanamusa. Bevakala njengelwandle loludvumako, nabagijima ngemahhashi abo; beta njengebantfu labavivele imphi, batewuhlasela wena, awu, Ndvodzakati yaseSiyoni.”

Jeremiya 8:19

Lalelani kukhala kwesive sami, sikhala eveni lelikhashane kakhulu, sitsi: “Simakadze akekho yini eSiyoni? Kungabe iNkhosi yayo ayikho yini lapho?” “Bangitfukutseliseleni ngaletitfombe tabo, ngaletithico tabo tebetive letingenamsebenti?”

Hezekeli 21:22

Esandleni sayo sangesekudla kuyawuta inkatho yaseJerusalema, lapho itakwakha khona imigcala yekudzilita lubondza, iyale kutsi kugwazwe, kuhlatjwe umkhosi, nekutsi kwakhiwe imigcala yekudzilita macondzana nemasango, kwakhiwe lutsango netakhiwo tekuvimbetela.