Jeremiya 3:8 - Siswati 1996 Bible

⁸ Ngamnika Israyeli longaketsembeki sitifiketi sesehlukaniso, ngamcosha ngenca yako konkhe loko kuphinga kwakhe. Noko ngakubona loko kungetsembeki kwadzadzewabo longuJuda kutsi akesabi; naye waphindze waphuma wayawuphinga.

Jeremiya 3:8 Cross References

2 Tikhronike 21:11

Abesakhe netindzawo letiphakeme etintsabeni takaJuda, wabangela bantfu baseJerusalema kutsi baphinge ngekukhonta tithico, wedukisa sive sakaJuda.

Isaya 50:1

Naku lokushiwo nguSimakadze, utsi: “Iphi incwadzi yenyoko yesehlukaniso, lengamcosha ngayo kutsi ahambe? Nome-ke nganitsengisa kumuphi kulengibakweledako? Natsengiswa ngenca yetono tenu, ngenca yemacala enu unyoko wacoshwa.

Jeremiya 2:19

Bubi benu butanijezisa, nekuhlubuka kwenu kutanitsetsisa. Cabangani-ke nibukisise kahle kutsi kubi kangakanani nekutsi kunibabela kangakanani, nanishiya Simakadze Nkulunkulu wenu, ningangesabi mine,” kusho Simakadze, Simakadze longuSomandla.

Jeremiya 3:1

“Nangabe indvodza ilahla umkayo, bese lomfati wendza kulenye indvodza, lendvodza ingabuyela yini kulomfati? Utsi kepha lelive lingete langcola lonkhe? Kodvwa utiphatsise kwengwababane ngekuphinga nemadvodza lamanyenti; manje sewungabuyela njani kimi?” kusho Simakadze.

Jeremiya 33:24

“Awukanaki yini kutsi labantfu batsi: ‘Simakadze uyilahlile lemibuso lemibili layikhetsa’? Ngako bababukela phansi labantfu bami, ababatsatsi ngekutsi nabo basive.

Jeremiya 5:7

“Kufanele ngani kutsi nginitsetselele? Bantfwabenu bangishiyile mine, bafunga ngemabito abonkulunkulu labangesibo bonkulunkulu. Ngabanika konkhe lababekweswele, noko bachubeka nekuphinga, babutsana etindlini tetingwadla.

Hezekeli 16:46

Dzadzewenu lomdzala abenguSamariya, labehlala nemadvodzakati akhe ngasenyakatfo kwakho; dzadzewenu lomncane bekunguSodoma labehlala nemadvodzakati akhe ngaseningizimu kwakho.

Hezekeli 16:47

Wena-ke awuzange umane ubalingise nje kuphela, nome-ke ukope kuphela nje letindlela tabo letinengekako, kodvwa kuto tonkhe tindlela takho wena washesha wase wonakala kakhulu kunabo.

Hezekeli 16:51

Samariya akazange ente ngisho nencenye nje yaletono lotentile wena. Wena wente tintfo letinyenti letinengekako kunabo, wadzimate wenta labodzadzewenu babonakala shangatsi bona sebalungile ngato tonkhe letintfo lotentile wena.

Hezekeli 23:44

Balala naye njengobe emadvodza alala nengwababane, alala kanjalo-ke nalamantfombatane labephetfwe luntjingintjingi lwenkhanuko, bo-Ohola na-Oholibha.

Hezekeli 23:9

“Ngako-ke ngavele ngamnikela etandleni temashende akhe, ema-Asiriya, labewakhanuka.

Hoseya 3:4

Ngako ema-Israyeli asetawuhlala emalanga lamanyenti angenambusi, angenankhosi, angenamhlatjelo nome ematje langcwele, angenasidziya sebaphristi nome sithico.

Dutheronomi 24:1

“Nangabe indvodza ishada nemfati, bese kutsi emvakwaloko incuma kutsi ayisamtsandzi ngesici lesitsite, ingambhalela incwadzi yesehlukaniso imnike yona, bese iyamkhipha ekhaya layo, imcoshe.

Dutheronomi 24:3

nayo iphindze futsi ingete yamtsandza, ingambhalela incwadzi yesehlukaniso imnike yona imkhiphe ekhaya layo, imcoshe, nome lendvodza yakhe yesibili ife,