Jeremiya 3:5 - Siswati 1996 Bible

⁵ Utangitfukutselela kokuphela yini? Lulaka lwakho lutawuchubeka kuze kube phakadze yini?’ Ukhuluma kanjalo-ke, kodvwa ube wenta konkhe lokubi longakwenta.”

Jeremiya 3:5 Cross References

2 Tikhronike 29:10

“Manje sengitimisele kwenta sivumelwane naSimakadze Nkulunkulu wema-Israyeli, kuze kutsi intfukutselo yakhe leyesabekako itewusuka lapha kitsi.

Tihlabelelo 85:5

Utasitfukutselela kuze kube phakadze yini? Kantsi lulaka lwakho utalwelula titukulwane ngetitukulwane yini?

Tihlabelelo 85:6

Ungeke yini usivuselele siphile, kuze kutsi sive sakho sijabule kuwe?

Isaya 57:16

Ngingeke ngihlale ngisola njalonjalo, futsi ngingeke ngihlale ngitfukutsele, ngobe phela umoya wemuntfu ungaze ucaleke embikwami, umphefumulo wemuntfu lengamdala.

Isaya 64:9

Awu Simakadze, ungatfukutseli kwekwengca, ungatikhumbuli tono tetfu phakadze naphakadze. Awu, siyakuncusa, sibuke, ngobe sonkhe sibantfu bakho.

Jeremiya 3:12

Hamba, umemetele lombiko ngasenyakatfo utsi: “ ‘Buya Israyeli longaketsembeki,’ kusho Simakadze. ‘Ngingeke ngisaphindza ngikuswacele, ngobe nginemusa,’ kusho Simakadze. ‘Ngingeke ngisakutfukutselela siphelane.

Jeremiya 8:5

Bahlubukeleni kepha labantfu? IJerusalema yentiwa yini lokuhlubuka njalo nje? Banamatsela ekuyengweni, bala kubuya.

Jeremiya 8:6

Ngibalalele kahle hle, kodvwa abakhulumi lokulungile. Kute namunye lophendvukako ebubini bakhe, atibute, atsi: “Ngenteni kantsi?” Ngulowo nalowo utihambela ngendlela yakhe njengelihhashi nalihlasela ekulweni.

Hezekeli 22:6

“ ‘Ase ubuke kutsi leso naleso sikhulu saka-Israyeli lesikuwe siwasebentisa kanjani emandla aso ekucitseni ingati.

Mikha 2:1

Maye kulabo labacabanga imicabango lemibi, labo labatsi balele babe bangakalali bacabanga emasu ekwenta bubi! Kutsi kungasa bakwente loko bebakuhlosile, ngobe banemandla ekukwenta loko.

Mikha 7:3

Bonkhe batingcweti ekwenteni lokubi. Tiphatsimandla nebehluleli bacela kudizelwa. Umuntfu lomkhulu uvele atjele labantfu loko lakufunako, bese babopha lisu.