Jeremiya 24:2 - Siswati 1996 Bible

² Lesinye saletitja sasinemakhiwa lamahle kakhulu, afanana nalasheshe avutfwa. Lesinye sasinemakhiwa lamabi kakhulu, amabi kangangekutsi abengeke adleke.

Jeremiya 24:2 Cross References

Isaya 5:4

Bekufanele ngenteni lokunye kulesivini sami, ngetulu kwaloku lese ngikwentile? Pho, kwentiwe yini kutsi nangifuna emagelebisi lamahle kuso, sona sitsele emagelebisi esiganga lamunyu?

Isaya 5:7

Phela, sivini saSimakadze longuSomandla yindlu yaka-Israyeli, kantsi sive sakaJuda sona sititfombo tekujabula kwakhe. Abebheke umtsetfocotfo, kodvwa wakhandza kucitfwa kwengati, wabheka kulunga, kodvwa weva kukhala kwelusizi.

Jeremiya 29:17

yebo, naku lokushiwo nguSimakadze longuSomandla, utsi: ‘Ngiyawutfumela inkemba, nendlala, nesifo lesibulalanako kutsi kuyewumelana nabo, ngiyawubenta babe njengemakhiwa labune adzimate abola lokwekutsi kute nalongawadla.

Hoseya 9:10

“Ngesikhatsi nangitfola Israyeli, bekungatsi ngitfola emagelebisi elugwadvule; ngesikhatsi ngibona boyihlo, bekungatsi ngibona titselo tekucala esihlahleni semakhiwa. Kodvwa kwatsi nabefika eBhali Pheyori, batehlukanisela leso sithico lesilihlazo, nabo baze benyanyeka njengalentfo bebayitsandza.

Mikha 7:1

Kute litsemba! Mine ngifanana nemuntfu lolambile lotfole tihlahla tite titselo nemagelebisi kute emvinini. Onkhe emagelebisi kanye nemakhiwa lamnandzi bawakhe bawacedza.

Nahume 3:12

Tonkhe tinqaba takho tinjengemikhiwa lenemakhiwa ayo ekucala lasavutsiwe; nangabe inyakatiswa, lamakhiwa adzilikela emlonyeni walowo lowadlako.

Numeri 18:13

Tonkhe titselo tekucala letivutsiwe tako konkhe lokusensimini yabo, labakunikela kuSimakadze, tiyawuba takho. Bonkhe bantfu labahlantekile ngekwemtsetfo ekhaya lakho bangakudla.

Matewu 5:13

“Nine niluswayi lwelive, kodvwa nangabe luswayi selulahlekelwe bunandzi balo, pho, lobunandzi balo bungabuyiselwa njani? Alusenamsebenti walutfo, kuphela nje kutsi lulahlwe ngephandle, lunyatselwe ngetinyawo.