Jeremiya 22:3 - Siswati 1996 Bible

³ Naku lokushiwo nguSimakadze, utsi: Yentani loko lokucotfo nalokulungile. Nimephule esandleni semcindzeteli wakhe lowo lodlelelwe. Ningakwenti lokubi nome nimphatse ngebudlova lowo losihambi nalongenayise, nemfelokati, futsi ningayicitsi ingati yemuntfu longenacala kulendzawo.

Jeremiya 22:3 Cross References

2 Samuweli 23:3

Nkulunkulu wema-Israyeli wakhuluma, Lidvwala laka-Israyeli latsi kimi: ‘Nangabe umuntfu ahola sive ngekulunga, asibuse ngekwesaba Nkulunkulu,

2 Emakhosi 24:4

kanye nekucitsa kwakhe ingati leyayingenacala, ngobe phela iJerusalema yayigcwele ingati yebantfu lababengenacala. Simakadze abengakatimiseli kutsetselela Manase ngaloko.

Jobe 22:9

Wahambisa bafelokati yabayaba, wapitjita emandla alabatintsandzane.

Jobe 24:9

Umntfwana longenayise uyahlutfulwa ebeleni, luswane lwalomphofu lutsatselwe kubhadala sikwelede.

Tihlabelelo 68:5

Nguye uyise wetintsandzane, nemlondvoloti webafelokati, unguNkulunkulu losendzaweni yakhe lengcwele.

Tihlabelelo 82:4

Bephuleni labamphofu nalabeswele, nibakhulule esandleni salababi.

Tihlabelelo 94:21

Bakha lisu lekuhlasela labalungile, balahla bantfu labangenacala.

Tihlabelelo 94:6

Babulala bafelokati, netihambi, basontse netintsandzane, ngobe tite boyise.

Eksodusi 22:21

“Ningacali nisiphatse kabi nome nisigcilate sihambi, ngobe nani nake naba tihambi eveni laseGibhithe.

Eksodusi 22:22

Ningamphatsi dlephu umfelokati nome intsandzane.

Taga 23:10

Ungayisusi iminyele lese yabekwa kadzeni nome-ke udle live letintsandzane.

Taga 6:17

Ngemehlo latichenyako, nelulwimi lolucala emanga, nembulali walote licala,

Isaya 1:23

Babusi benu babahlubuki, babangani bemasela; bonkhe batsandza imidizo, balandzelana netipho. Ababavikeli labo labate boyise; ngisho nendzaba yemfelokati abayinaki.

Isaya 58:6

“Ngiyo lena yini inhlobo yekuzila kudla lengiyikhetsile? Akusiko yini kutfukulula tibopho tebubi, nekukhumula tintsambo telijoko, nekukhulula labacindzetelwe, nekwephula onkhe emajoko?

Isaya 58:7

Akusiko yini kuhlephulelana kudla kwakho nalabalambile, nekulalisa tihambi endlini yakho, nekutsi nawubona lohlubulile umembulele, ungagucukeli labo labayinyama nengati yakho?

Jeremiya 19:4

Ngobe bangishiyile mine, benta lendzawo yaba yabonkulunkulu betive, bashise imihlatjelo kuyo kubonkulunkulu labangabati, bona kanye naboyisemkhulu, ngisho nemakhosi akaJuda, bagcwalise lendzawo ngengati lengenacala.

Jeremiya 21:12

awu, wenandlu yakaDavide, naku lokushiwo nguSimakadze, utsi: “ ‘Sebentisani umtsetfocotfo njalo nje ekuseni; nimephule esandleni semcindzeteli lowo lodlelelwe; ngaphandle kwaloko intfukutselo yami itawuvuka ivutse njengemlilo ngenca yebubi lenibentile, yebo, ivutse kubete nalongayicima.

Jeremiya 22:17

“Kodvwa emehlo akho nenhlitiyo yakho uwabeke enzuzweni lembi, ekucitseni ingati yalongenacala, yebo, nasencindzetelweni nasekudizeni.”

Jeremiya 26:16

Ngako letiphatsimandla nabo bonkhe bantfu bakhuluma kubaphristi nakubaphrofethi, batsi: “Lomuntfu akukafaneli kutsi agwetjwe intsambo! Ukhulume kitsi egameni laSimakadze Nkulunkulu wetfu.”

Jeremiya 5:28

sebakhuluphele baze bamanyatela. Tento tabo letimbi atinamkhawulo, ababameleli labo labate boyise kutsi bangalahlwa licala, abawalweli nemalungelo alabamphofu.”

Jeremiya 7:23

kodvwa ngabanika umyalo lotsi: Ngilaleleni, mine-ke ngiyawuba nguNkulunkulu wenu, nine nibe sive sami. Hambani ngato tonkhe tindlela tami lenginiyale ngato, kuze kunihambele kahle.

Jeremiya 9:24

Kodvwa lowo lotigabatisako akatigabatise ngaloku: Kwekutsi uyangicondza, futsi uyangati mine, kutsi nginguSimakadze lophatsana ngemusa, ehlulele ngekwemtsetfocotfo, abuse nangekulunga emhlabeni, ngobe ngiyajabula-ke kuloko,” kusho Simakadze.

Sililo 3:36

nekudlelela umuntfu lilungelo lakhe lekwehlulelwa ngebucotfo bemtsetfo, kungabe Simakadze angeke yini atibone tintfo letinjengaleto?

Hezekeli 18:12

Ucindzetela labamphofu nalabeswele, adlelele bantfu. Akasibuyiseli sibambiso. Ubuka tithico. Wenta tintfo letisinengiso.

Hezekeli 18:7

Akacindzeteli muntfu, kodvwa ubuyisela sibambiso lasitsatsile nakenta sebolekiso. Akadleleli, kodvwa wephana nangekudla kwakhe kulabalambile, anikele ngekwekwembatsa kulabo labahlubulile.

Hezekeli 22:7

Kuwe tikhulu tabaphatsa kabi boyise, nabonina tabedzelela; ekhatsi kuwe tabacindzetela betive, taphatsa kabi intsandzane nemfelokati.

Hezekeli 45:9

“ ‘Naku lokushiwo yiNkhosi Simakadze, itsi: Senone kakhulu, nine babusi baka-Israyeli. Khawulani lobudlova benu bekucindzetela bantfu. Yentani lokulungile nalokwemukelekako kuNkulunkulu kutsi kulungile. Ningaphindzi nicoshe bantfu bami eveni labo, kusho iNkhosi Simakadze.

Joweli 3:19

Kodvwa iGibhithe iyawuphundleka ibe lihlane, i-Edomu ibe lihlane lelingenalutfo, ngenca yebudlova lobentiwe esiveni sakaJuda, eveni labacitsa kulo ingati lengenacala.

Levithikusi 19:15

“ ‘Ungehluleli ngekukhetsa, ngekulahla lomphofu ngelicala uvune lomkhulu, kodvwa mehlulele ngekulunga makhelwane wakho.

Amose 5:15

Tondzani lokubi nitsandze lokulungile, etinkhundleni yehlulelani ngekungakhetsi. Mhlawumbe Simakadze Nkulunkulu longuSomandla angaba nesihawu kuyo insali yakaJosefa.

Amose 5:24

Kodvwa kwenta tintfo ngekungakhetsi akube yintfo legeleta njengemfula, kulunga kube yintfo legeleta njengemfula longashi.

Mikha 3:11

Babusi balamadolobha bawabusa ngekudizelwa, kanjalo nebaphristi bayatsengwa kuze bachaze bahumushe nemtsetfo, nebaphrofethi imibono netembulo tabo batichaza ngekudizelwa; noko basajinge bachoshe ngekutsi Simakadze unabo, batsi: “Kute lokutasehlela, ngobe Simakadze unatsi.”

Mikha 6:8

Cha, Simakadze usitjelile lokungukona kukuhle. Lakufunako kitsi ngunaku: Ufuna sente kulunga, siphatsane ngemusa, siphilele Nkulunkulu ngentfobeko.

Malakhi 3:5

“Ngako, ngiyawusondzela kini kutakwehlulela. Ngiyawushesha kutsi ngifakaze ngimelane netangoma, netiphingi, nabofakazi bemanga, ngimelane nalabo labadlelela tisebenti emaholo ato, labo labacindzetela bafelokati netintsandzane, bemuke betive emalungelo abo, kodvwa bangangesabi mine,” kusho Simakadze longuSomandla.

Matewu 23:23

“Maye kini, bafundzisi bemtsetfo nebaFarisi! Batentisi! Ngobe nikhipha kwelishumi kwashaladi, napelepele, nelidile, niyekele lokungukona kubalulekile kwemtsetfo: kwehlulela, bubele, nekukholwa; loko benifanele kukwenta ngaphandle kwekuyekela loku.

Dutheronomi 10:18

Uyabavikela labo labatintsandzane nebafelokati; nesihambi uyasitsandza asiphe kudla nekwekwembatsa.

Dutheronomi 24:17

“Ningabadleleli betive nome tintsandzane emalungelo langewabo nome nitsatse sembatfo semfelokati sibe sibambiso salakwebolekile.

Dutheronomi 24:7

“Nangabe umuntfu ubanjwe atfumba lomunye um-Israyeli, amphatse njengesigcili nome amtsengise, lowo longumtfumbi kufanele abulawe. Niyakukukhipha kanjalo-ke lokubi lokumila emkhatsini wenu.

Dutheronomi 25:1

“Nangabe emadvodza abanga lokutsite, kufanele akumikise enkantolo, behluleli bayekulijuba lelo cala, bavikele longenacala balahle lonelicala.

Dutheronomi 27:19

“ ‘Ucalekisiwe umuntfu logodla emalungelo kuto tindzindzi, nakuto tintsandzane kanye nakubafelokati.’ “Bonkhe bantfu bayawuphendvula batsi: ‘Amen.’

YaJakobe 1:27

Kukholwa lokumsulwa lokungenasici embikwaNkulunkulu longuBabe ngunaku: kuhambela tintsandzane nebafelokati elusizini lwabo, nekutigcina ungangcoliswa live.