Jeremiya 2:2 - Siswati 1996 Bible

² “Hamba uyewumemetela eJerusalema, ukhulume beva utsi: Naku lokushiwo nguSimakadze, utsi: “ ‘Ngiyakukhumbula kutinikela kwakho ebusheni bakho, kutsi wawungitsandza kanjani usengumakoti, wangilandzela kulo lonkhe lihlane, eveni lelalingakahlanyelwa lutfo.

Jeremiya 2:2 Cross References

Tihlabelelo 129:1

“Bangihlupha kwasebusheni bami,” akasho njalo Israyeli atsi:

Eksodusi 14:31

Atsi ema-Israyeli nabona emandla lamakhulu Simakadze labewakhombise ngekubhubhisa emaGibhithe, acalela phansi kwesaba Simakadze nekubeka litsemba lawo kuye nakuMosi, inceku yakhe.

Eksodusi 16:8

Mosi wachubeka watsi: “Simakadze utanipha inyama kusihlwa, ekuseni aniphe sinkhwa lesenele, ngobe sewukuvile kukhonona kwenu. Tsine siyini nje? Phela anikhononi ngatsi, kodvwa nikhonona ngaSimakadze.”

Taga 1:20

Kuhlakanipha kumemeta etitaladini; kumemeta kakhulu nasetimakethe.

Ingoma Yetingoma 3:11

Phumani, nine madvodzakati aseSiyoni, nitewubukela inkhosi Solomoni, nasafake umchele wakhe, umchele lawetfweswa ngunina ngelilanga lagidzisa ngalo umfati, mhlazana inhlitiyo yakhe ijabulile.

Ingoma Yetingoma 3:6

Ngubani loya lokhuphuka achamuka ehlane, lofanana nensika yentfutfu, lotsaphuka emakha emure newemphepho leyakhiwe ngato tonkhe tinongo temhwebi?

Isaya 58:1

Nkulunkulu utsi: “Kumemetele ngelivi lelikhulu, ungatibambi. Phakamisa livi lakho njengelicilongo. Tjela bantfu bami kuhlubuka kwabo, indlu yakaJakobe tono tayo.

Jeremiya 11:6

Simakadze wakhuluma kimi, watsi: “Wamemetele onkhe lamavi emadolobheni akaJuda nasetitaladini taseJerusalema, utsi: ‘Lalelani timiso talesivumelwane, nitilandzele.

Jeremiya 19:2

uphumele eSigodzini sakaBheni Hinomu, lesisekungeneni kweLisango leLudzengelo. Ufike lapho umemetele nangu umlayeto lengikutjela wona,

Jeremiya 2:1

Livi laSimakadze lefika kimi, latsi:

Jeremiya 2:6

Abazange babute, batsi: ‘Uphi Simakadze lowasikhipha eGibhithe, wasihola sadzabula lihlane lelingenalutfo, sadzabula live lelinetingagadvu nemigedze, live lesomiso nebumnyama, live lelingahanjwa ngumuntfu nalelingahlalwa ngumunfu?’

Jeremiya 3:4

Akusiwe yini lotsandza kungibita ngekutsi: ‘Babe wami, mngani wami kwasebusheni bami?

Jeremiya 7:2

“Mani esangweni lendlu yaSimakadze; ushumayele umemetele nankha emavi: “ ‘Vanini livi laSimakadze, nonkhe nine sive sakaJuda leningena kulamasango kuyawukhonta Simakadze.

Hezekeli 16:22

Kuto tonkhe letento takho letinengekako, nakulobugwababane bakho, awuzange sewuwakhumbule emalanga ebusha bakho, ngesikhatsi usengcunu, ungakembatsi lutfo, usakhahlekhahlela esitibeni sengati yakho.’ ”

Hezekeli 16:60

Noko ngiyawusikhumbula sivumelwane lengasenta nawe ngesikhatsi sebusha bakho, ngiyawube sengimisa sivumelwane saphakadze nawe.

Hezekeli 16:8

“ ‘Kamuva ngatsi ngengca ngakuwe, ngatsi ngiyabuka ngakuwe, ngabona kutsi sewukhulile, sewungagana, ngakumbonya ngesembatfo sami ngakwembesa ngaso, ngivala bungcunu bakho. Ngakunika sifungo sami lesicinile, ngangena esivumelwaneni nawe, wena wase uba wami, kusho iNkhosi Simakadze.

Hezekeli 23:19

Noko yena wachubeka wadlanga ngalobugwababane bakhe, njengobe abekhumbula emalanga ebusha bakhe ngesikhatsi asagwadla eGibhithe.

Hezekeli 23:3

Tagucuka taba tingwababane eGibhithe. Tagwadla kusukela kwasebusheni bato. Kulelo live emabele ato abebhujungwa, netingono tebuntfombi bato tatiphiciketwa khona.

Hezekeli 23:8

Akazange akuyekele kugwadla labekucale eGibhithe, lekwatsi ngesikhatsi sebusha bakhe emadvodza alala naye, amphiciketa khona tingono tebutjitji bakhe, atfululela inkhanuko yawo kuye.

Hoseya 11:1

“Ngesikhatsi Israyeli asengumntfwana, ngamtsandza, indvodzana yami ngayibita, ngayikhipha eGibhithe.

Hoseya 2:15

Ngulapho-ke ngitambuyisela khona tivini takhe, ngente Sigodzi sase-Akhori sibe ngumnyango welitsemba. Ngulapho-ke lapho ayawuhlabela khona njengasemalangeni akhe ebusha, nanjengalelo langa laphuma ngalo eGibhithe.

Hoseya 2:17

“Emabito aboBhali ngiyakuwesusa emlonyweni wakhe; nemabito abo angeke asacelelwa lusito.

Hoseya 2:7

Uyawucoshana nemashende akhe, kodvwa ngeke awakhandze; uyakuwafuna, kodvwa angeke awatfole. Uyawube sewutsi: ‘Ngitawuncandzeka ngibuyele endvodzeni yami yakucala, ngobe ngaleso sikhatsi bekukuhle kakhulu kimi kunanyalo.’

Hoseya 8:1

“Beka licilongo etindzebeni takho temlomo! Lusweti lusetikwendlu yaSimakadze, ngobe sive sisephulile sivumelwane sami, sawuhlubuka nemtsetfo wami.

Hoseya 9:10

“Ngesikhatsi nangitfola Israyeli, bekungatsi ngitfola emagelebisi elugwadvule; ngesikhatsi ngibona boyihlo, bekungatsi ngibona titselo tekucala esihlahleni semakhiwa. Kodvwa kwatsi nabefika eBhali Pheyori, batehlukanisela leso sithico lesilihlazo, nabo baze benyanyeka njengalentfo bebayitsandza.

Jona 1:2

“Hamba uye eNineve, lidolobha lelikhulukati, ufike umemetele kubantfu balo utsi bubi babo sebenyukele kimi.”

Matewu 11:15

Lowo lonendlebe yekuva akeve.

Lukha 12:13

Lomunye abesesicunjini wase utsi kuJesu: “Mfundzisi, tjela umnaketfu kutsi angabele incenye yelifa.”

Dutheronomi 2:7

“Simakadze Nkulunkulu wenu unibusisile ngayo yonkhe imisebenti yenu yetandla leniyentako. Uninakekele ngesikhatsi nisahamba nidzabula lelihlane lelikhulukati. Kuyo yonkhe leminyaka lengema-40 Simakadze Nkulunkulu wenu abesolomane anani, anizange seneswele lutfo.

Dutheronomi 33:3

Ngempela nguwe lotsandza lesive; bonkhe labangcwele basesandleni sakho. Bakhotsama etinyaweni takho bonkhe. Kuwe bemukela tifundvo,

Dutheronomi 8:2

Khumbulani kutsi Simakadze Nkulunkulu wenu wanihola njani kuyo yonkhe indlela yenu ehlane kuleminyaka lengema-40, wanitfobisa wanivivinya, khona atewukwati lenanikucondzile enhlitiyweni yenu nekutsi nitayigcina yini imiyalo yakhe, nome cha.

YaJakobe 4:4

Aniketsembeki, ninjengetiphingi. Anati yini kutsi kutsandzana nelive kubutsa kuNkulunkulu? Lofisa kuba ngumngani welive, utenta sitsa kuNkulunkulu.

Sembulo 2:4

Kodvwa tsine nawe sehlukana la ekutseni wena awusangitsandzi njengobe bewungitsandza kucala.