Jeremiya 2:12 - Siswati 1996 Bible

¹² Awu mazulu, tfutfumelani nimangale ngaloku! Yetfukani ngekwetfuka lokukhulu,” kusho Simakadze.

Jeremiya 2:12 Cross References

Isaya 1:2

Lalelani, nine mazulu! Lalela nawe, mhlaba! Ngobe Simakadze sewukhulume, watsi: “Bantfwabami ngibondlile ngabakhulisa, kodvwa sebangihlamukile.

Isaya 29:9

Yetfukani nimangale, banini timphumphutse nibe ngulabangenamehlo, dzakwani, kodvwa hhayi ngenca yeliwayini, yendzani, kodvwa ningayendziswa tjwala.

Jeremiya 18:13

Ngako-ke naku lokushiwo nguSimakadze, utsi: “Butani kuletinye tive nitsi: ‘Ngubani lowake weva ngentfo lenje?’ Intfo leyesabeka kakhulu yentiwe yiNtfombi lengu-Israyeli.

Jeremiya 22:29

Awu live, live, live, vani livi laSimakadze!

Jeremiya 4:23

Ngabuka umhlaba, wawungenasimo, ungenalutfo; ngabuka nasemazulwini, kukhanya kwawo kwase kunyamalele.

Jeremiya 6:19

Awu mhlaba, vani! Ngitakwehlisela inhlekelele kulesive, sitselo semacebo abo, ngobe abakawalaleli emavi ami, bawala nemtsetfo wami.

Mikha 6:2

Nine tintsaba, nani tisekelo taphakadze temhlaba lalelani licala lelibekwa nguSimakadze! Simakadze ubeka sive sakhe licala. Utsi sive sakhe, lesingu-Israyeli, sinelicala.”

Matewu 27:45

Kepha kusukela ngeli-awa leli-12 emini umhlaba wonkhe waba mnyama, kwaze kwaba li-awa lesitsatfu.

Dutheronomi 32:1

“Lalelani, mazulu, ngitawukhuluma. Vani, wena mhlaba, emavi emlomo wami.