Jeremiya 2:10 - Siswati 1996 Bible

¹⁰ Yewelelani ngesheya niye elugwini lwaseKhithimu nibuke, tfumelani eKhedari nibukisise kahle, nibone kutsi yake yaba khona yini intfo lefanana nale:

Jeremiya 2:10 Cross References

Genesisi 25:13

Emadvodzana a-Ishmayeli ngekwelamana kwawo bekunguNebayothi, litibulo lakhe, naKhedari, na-Adbeli, naMibsamu,

1 Emakhosi 9:9

Bantfu bayawuphendvula batsi: ‘Kungobe bamfulatsela Simakadze Nkulunkulu wabo, lowakhipha bokhokho babo eGibhithe, besuka bagugumatsa labanye bonkulunkulu basebentele bona, babakhonta bakhuleka kubo. Nguko nje Simakadze asabehlisele lenhlekelele lengaka.’ ”

1 Tikhronike 1:7

Emadvodzana aJavani bekubo-Elisha, naThashishi, nemaKhithi, nemaRodani.

1 Tikhronike 23:1

Kwatsi Davide nasakhulile kakhulu asalikhehla, wase ubeka Solomoni, umsa wakhe, kutsi abe yinkhosi yema-Israyeli.

1 Tikhronike 23:12

Emadvodzana aKhohati: Bekubo-Amramu, naJisihari, naHebroni, na-Uziyeli, babebane sebabonkhe.

Tihlabelelo 120:5

Maye kimi, lengingumchamuki lapha kaMesheki, ngihlala emathendeni akaKhedari.

Isaya 21:16

Naku-ke lokushiwo nguSimakadze kimi, utsi: “Njengesisebenti lesenta sivumelwane semnyaka munye nemcashi waso, balisisa kahle emalanga, ngobe ekugcineni kwawo lonkhe ludvumo lwakaKhedari lutawuphela.

Isaya 23:1

Leli livi lesembulo lelimacondzana neThire lelitsi: Lilani, nine mikhumbi yaseThashishi, ngobe iThire seyibhujisiwe, yasala ite indlu nome sikhumulo. Nivile ngalombiko ngesikhatsi nibuya eSiphrosi.

Isaya 23:12

Ukhulumile watsi: “Ungeke uphindze utijabulise, wena Ndvodzakati yaseSidoni, sewupitjitiwe! Sukumani newelele eSiphrosi, nakhona lapho ngeke nikutfole kuphumula.”

Jeremiya 49:28

Macondzana neKhedari nemibuso yaseHasori, leyahlaselwa nguNebukhadnezari, inkhosi yaseBhabhulona: Naku lokushiwo nguSimakadze, utsi: “Sukumani nihlasele iKhedari, nibhubhise bantfu basemphumalanga.

Hezekeli 16:16

Watsatsa letinye tetimphahla takho wenta ngato tindzawo letiphakeme letinemibala lemihle, lapho wawuchubela khona bugwababane bakho bekukhontela tithico. Tintfo letinjalo atikafaneli kutsi tenteke, futsi akukafaneli nje kutsi tibe khona.

Hezekeli 27:21

“ ‘Base-Arabiya nabo bonkhe labakhulu baseKhedari bekunguwona makhasimende akho lamakhulu, bona-ke babetsengiselana nawe ngemazinyane etimvu, nangetihhanca tetimvu kanye netimbuti.

Hezekeli 27:6

Ngema-okhi aseBhashani bakwentela emaphini ekugwedla. Ngetigodvo temsayipuresi lesuka elusentseni lwaseSiphrosi benta indzawo yakho yekuhambahamba emkhunjini, yahlotjiswa ngematinyo etindlovu.

Hezekeli 5:7

“Ngako-ke naku lokushiwo yiNkhosi Simakadze, itsi: Nine nibe ngemahlongandlebe kakhulu kwendlula letive letinitungeletile, nangete natilandzela timiso tami kanye nemitsetfo yami. Empeleni lizinga lekuphila kwenu alikefiki ngisho nakuleli letive letinitungeletile.

Danyela 11:18

Uyawujikisa ingcondvo yakhe ayibhekise emaveni lagudla tilwandle atsatse lamanyenti awo, kodvwa umkhuteli wemphi uyawucedza kutigabatisa kwakhe, akugucule lokutigabatisa kwakhe abuyisele lihlazo kuye.

Danyela 11:30

Imikhumbi yemave angasenshonalanga lagudla lwandle iyawumelana nayo, bese iyajabha. Iyawube seyiyagucuka bese itfukutselela sivumelwane lesingcwele. Iyawubuya ivelane nalabo labafulatsela sivumelwane lesingcwele.

Numeri 24:24

Imikhumbi iyawuchamuka elusentseni lwelwandle eKhithimu, imncobe Ashuri na-Ebheri, noko, naye uyawubhujiswa.”

1 kubaseKorinthe 5:1

Kubikiwe ngempela kimi kutsi kukhona bugwadla nebuphingi emkhatsini wenu, futsi buphingi lobungazange sebubekhona ngisho nakulabangakholwa, ngobe kutsiwa umuntfu ushenda nemkayise.

Tikhulu 19:30

Bonkhe lababetibona babekhuta bababate batsi: “Yehheni! Intfo lenje ayizange seyibonwe, futsi akuzange sekwenteke, seloku sive sema-Israyeli sakhuphuka nasiphuma eGibhithe. Cabangisisangi ngalokhu! Kufanele kutsatselwe tinyatselo! Sifuna kuva kahle kutsi kufanele sente njani!”