Jeremiya 19:3 - Siswati 1996 Bible

³ utsi: ‘Vanini nali livi laSimakadze, nine makhosi akaJuda, nani bantfu baseJerusalema. Naku lokushiwo nguSimakadze longuSomandla, Nkulunkulu wesive sema-Israyeli, utsi: Lalelani! Ngitakwehlisela inhlekelele kulendzawo letakwenta kutsi tonkhe tindlebe letiyakuva ngayo tilume.

Jeremiya 19:3 Cross References

Tihlabelelo 102:15

Tive tiyawulesaba libito laSimakadze, nemakhosi onkhe emhlaba esabe bukhosi bakhe.

Tihlabelelo 110:5

Simakadze ungesekudla sakho, uyawuwacitsa onkhe emakhosi, mhlazana asatfukutsele.

Tihlabelelo 2:10

Ngako-ke nine makhosi, hlakaniphani; nifundze sifundvo, nine babusi bemhlaba.

Isaya 28:19

Njalo nje nasifika nome nini, siyakwendlula nani sinitfumbe kusa ngekusa, busuku nemini.” Kuvakala kwalomlayeto kuyawuletsa kwesaba nekutfutfumela kuphela nje.

Jeremiya 13:18

Khuluma enkhosini nasendlovukazini, utsi: “Yehlani etihlalweni tenu tebukhosi, ngobe lemichele yenu lemanyatelako itawudzilika lapha etinhloko tenu.”

Jeremiya 17:20

Batjele, utsi: ‘Vanini livi laSimakadze, nine makhosi akaJuda, nani nonkhe bantfu bakaJuda, nani nonkhe lenihlala eJerusalema, leniphuma ningena kulamasango.

Jeremiya 18:11

“Manje-ke khuluma kulabantfu bakaJuda nakulabo labakhile eJerusalema, utsi: ‘Naku lokushiwo nguSimakadze, utsi: Bukani la, ngilungiselela kunehlisela inhlekelele, nginibumbele luzungu. Ngako-ke phendvukani etindleleni tenu letimbi, ngulowo nalowo wenu aphendvuke, nitigucule tindlela tenu netento tenu.’

Jeremiya 19:15

“Naku lokushiwo nguSimakadze longuSomandla, Nkulunkulu wema-Israyeli, utsi: ‘Lalelani! Ngitatehlisela kulelidolobha nakuto tonkhe tabelo talo, tonkhe tehlakalo lengitimemetelele ngabo, kumelana nabo, ngobe babe nenkhani, bangete bawalalela emavi ami.’ ”

Jeremiya 25:29

Bukani, sengiyacala kwehlisela inhlekelele kulelidolobha lelineLibito lami, ngempela kungenteka yini kutsi nihlale ningajeziswa? Ningeke nihlale ningajeziswa, ngobe sengibita inkemba etikwabo bonkhe labahlala emhlabeni, kusho Simakadze Somandla.’

Jeremiya 35:17

“Ngako-ke, naku lokushiwo nguSimakadze Nkulunkulu longuSomandla, Nkulunkulu wema-Israyeli, utsi: ‘Lalelani! Ngitakwehlisela etikwaJuda nasetikwabo bonkhe labahlala eJerusalema yonkhe inhlekelele lengitsite itawubehlela. Ngakhuluma kubo, kodvwa abazange bangilalele; ngababita, kodvwa abazange basabele.’ ”

Jeremiya 44:3

ngenca yebubi lobentiwe ngulabo bantfu. Bangicunula, ngabatfukutselela ngekutfuncisa kwabo imphepho nangekukhonta labanye bonkulunkulu labangazange babati bona kanye nani naboyihlo.

Jeremiya 6:19

Awu mhlaba, vani! Ngitakwehlisela inhlekelele kulesive, sitselo semacebo abo, ngobe abakawalaleli emavi ami, bawala nemtsetfo wami.

Hezekeli 7:5

“Naku lokushiwo yiNkhosi Simakadze, itsi: Sigemegeme! Sigemegeme lekungazange sekuvakale ngaso siyeta.

Matewu 10:18

Niyawumiswa embikwebabusi nemakhosi ngelibito lami, kuze kube bufakazi kubo nakubetive.

Sembulo 2:29

“ ‘Lowo lonendlebe akeve loko lokushiwo nguMoya emabandleni!’ ”

1 Samuweli 3:11

Simakadze wakhuluma kuSamuweli, watsi: “Lalela la, kukhona lengitakwenta lapha ka-Israyeli lokutakwenta kutsi tindlebe talabo labatawuva ngako tincencetse.