Jeremiya 12:1 - Siswati 1996 Bible

¹ Yebo Simakadze, wena uhlala ungcwele, nangiletsa indzaba embikwakho. Noko ngifuna kukhuluma nawe macondzana nekwehlulela kwakho. Kwentiwa yini kutsi indlela yalomubi iphumelele? Kwentiwa yini kutsi labangaketsembeki bahlale kahle bakhululekile?

Jeremiya 12:1 Cross References

Genesisi 18:25

Akube khashane nawe kwenta intfo lenje! Ungababhubhisi labalungile kanye nalababi, bese labalungile baba njengalabangakalungi! Akube khashane nawe loko. Angeke yini umehluleli wemhlaba wonkhe ente kulunga?”

Ezra 9:15

Maye, Simakadze, Nkulunkulu wema-Israyeli, wena ulungile! Lamuhla sisele siyinsali. Lapha sisembikwakho ngenca yelicala letfu, noko kute nome munye longakhona kuma embikwakho.”

Nehemiya 9:33

Kuko konkhe loko lokusehlele wena bewusolo ulungile wenta tintfo ngekwetsembeka, lite nome tsine besenta lokubi.

Jobe 12:6

Emakhaya etigebengu akaphazanyiswa lutfo, nalabo labacunula Nkulunkulu baphephile, yebo, labo labaphetse nkulunkulu wabo ngetandla tabo.

Jobe 13:3

Kodvwa mine ngifisa kukhuluma kuSomandla, nekuphikisana naNkulunkulu ngalendzaba yami.

Jobe 24:12

Kuquma kwalabafako kuvakala edolobheni, nemiphefumulo yalabalimele ikhalela kusitwa. Kodvwa Nkulunkulu kute lambeka licala ngaloko lokubi lokwentiwe.

Jobe 24:23

Angabenta bativele kuphumula lokuphephile, kodvwa emehlo akhe abuka tindlela tabo.

Jobe 8:17

Situngeletela timphandze taso encunjini yematje, setame kufuna indzawo lapho emkhatsini walamatje.

Tihlabelelo 116:5

Simakadze unemusa nekulunga; Nkulunkulu wetfu unesihe.

Tihlabelelo 119:137

Wena, Simakadze, ulungile, nemitsetfo yakho ilungile.

Tihlabelelo 119:75

Ngiyati, Nkulunkulu, kutsi tehlulelo takho tilungile, nekutsi ungijezise njengobe kungifanele.

Tihlabelelo 145:17

Simakadze ulungile kuto tonkhe tindlela takhe, unemusa emisebentini yakhe yonkhe.

Tihlabelelo 37:1

Ungatihluphi ngalababi, ungahawukeli kulabenta lokubi.

Tihlabelelo 37:35

Ngake ngabona lomubi asidlova, watenweba njengesihlahla semsedari waseLebanoni.

Tihlabelelo 51:4

Ngonile kuwe, wena wedvwa, ngente lokunengekako emehlweni akho; ngako kwehlulela kwakho kumsulwa, nekungilahla kwakho ngelicala kulungile.

Tihlabelelo 51:6

Ngempela, wena utsandza liciniso lelingekhatsi enhlitiyweni; ngako-ke uyawungifundzisa timfihlakalo tekuhlakanipha kwakho.

Tihlabelelo 92:7

kutsi nome lababi bangahluma njengetjani, nato tonkhe tigilamkhuba tichuma, noko tiyawubhujiswa phakadze naphakadze.

Taga 1:32

Labate lwati babulawa kweduka kwabo; tilima tibulawa kweneliseka kwato.

Umshumayeli 8:14

Kukhona lokunye lokulite lokwentekako lapha emhlabeni: Kukhona bantfu labalungile labehlelwa nguloko lokufanele kwehlele lababi, kantsi futsi kukhona nalababi labehlelwa nguloko lokufanele kwehlele labalungile. Ngatsi nako loko kulite.

Isaya 41:21

Simakadze utsi: “Bekani indzaba yenu.” INkhosi yakaJakobe itsi: “Khulumani kutsi niphika nitsini.”

Isaya 48:8

Anikeva, futsi anikacondzi, kusukela endvulo tindlebe tenu tatisolomane tivalekile. Empeleni bengati kahle hle kutsi naniyengana kanjani, nanibitwa ngekutsi nibahlubuki kusukela ekutalweni.

Jeremiya 11:20

Kodvwa, awu, Simakadze Somandla, wena lowehlulela ngekulunga, uvivinye inhlitiyo nengcondvo, ngicela kubona wena utikhiphela sibhongo kubo, ngobe mine ngitinikele kuwe ngatilahla ematsambo.

Jeremiya 12:6

Bomnakenu nemndeni wakenu nabo futsi bakutsengisile, baphakamisa sililo lesikhulu kakhulu ngekutsi abakufuni. Ungabetsembi nome bakhuluma kahle kuwe.”

Jeremiya 3:20

Kodvwa njengemfati longaketsembeki endvodzeni yakhe, kanjalo, wenandlu yaka-Israyeli, awuketsembeki kimi,” kusho Simakadze.

Jeremiya 3:7

Bengicabanga ngitsi emvakwekwenta konkhe loko, nakanjani utawubuyela kimi, kodvwa akakwenti loko, ngisho nadzadzewabo longaketsembeki, Juda, ukubonile loko.

Jeremiya 32:16

“Emvakwekutsi lencwadzisivumelwane yekutsenga sengiyinike Bharuki, umsa waNeriya, ngathandaza kuSimakadze, ngatsi:

Jeremiya 5:11

Indlu yaka-Israyeli nendlu yakaJuda betingaketsembeki nakancane nje kimi,” kusho Simakadze.

Jeremiya 9:2

Kube mane benginendzawo yekuphumulela tihambi ehlane, lapho bengingashiya khona sive sami, ngisuke kuso, ngobe bonkhe batiphingi, sicumbi sebantfu labangaketsembeki.

Sililo 1:18

“Simakadze ulungile, noko ngayihlubuka imitsetfo yakhe. Lalelani, nonkhe nine tive, bukani kuhlupheka kwami. Emajaha akami netintfombi takami sebatfunjiwe.

Hezekeli 18:25

“Kodvwa nine nitsi: ‘Indlela yaSimakadze ayikalungi.’ Lalelani-ke, ninendlu yaka-Israyeli, ayikalungi yini indlela yami? Angitsi tindlela tenu letingakalungi?

Danyela 9:14

Simakadze akazange angabate kwehlisela lenhlekelele etikwetfu, ngobe Simakadze Nkulunkulu wetfu ulungile kuko konkhe lakwentako; noko tsine asikalilaleli livi lakhe.

Danyela 9:7

“Simakadze, wena ulungile, kodvwa lamuhla nje sesitseleke ngelihlazo, bantfu bakaJuda netakhamiti taseJerusalema, nawo onkhe ema-Israyeli, yebo, labasedvute nalabakhashane kuwo onkhe emave, lapho usisakatele khona ngenca yekungetsembeki kwetfu kuwe.

Hoseya 6:7

Njenga-Adamu, sebasephulile sivumelwane, abaketsembeki kimi.

Habakhuki 1:4

Ngako-ke umtsetfo sewuchwale waze waba butsakatsaka, akusehlulelwa ngebucotfo. Lababi behlula labalungile, kuze kutsi bucotfo bemtsetfo buphanjukiswe.

Zefaniya 3:5

Simakadze ulungile ekhatsi kwalelidolobha; akenti lutfo lolungakalungi. Kusa ngekusa bantfu bakhe ubaphatsa ngekungakhetsi, kulelo nakulelo langa lelisha akayekeli kwehlulela ngebucotfo, noko labangakalungi abalati lihlazo.

Malakhi 2:17

Senimkhatsatile Simakadze ngemavi enu. Niyabuta nitsi: “Simkhatsate ngani?” Nimkhatsate ngekukhuluma nitsi: “Bonkhe labenta lokubi bahle emehlweni aSimakadze, futsi uyajabula ngabo,” nome: “Uphi loNkulunkulu wema-Israyeli lowehlulela ngebucotfo?”

Malakhi 3:15

Kodvwa nyalo sibita labatigabatisako sitsi bangulababusisiwe. Impela benti balokubi bayaphumelela, ngisho nalabo labamelene naNkulunkulu nabo bayaphunyula.’ ”

Dutheronomi 32:4

“Yena uLidvwala, imisebenti yakhe iphelele; yebo, netindlela takhe tonkhe tilungile. Nkulunkulu lowetsembekile longakwenti lokubi, ucotfo akakhetsi muntfu.