Jeremiya 10:3 - Siswati 1996 Bible

³ Ngobe emasiko etive akanamsebenti, bajuba sihlahla ehlatsini, bese kutsi umbati usibata ngelishizolo lakhe,

Jeremiya 10:3 Cross References

Tihlabelelo 115:4

Kodvwa tithico tebetive tentiwa ngesiliva nangegolide, tingumsebenti wetandla temuntfu.

Isaya 45:20

“Butsanani ndzawonye, nite; hlanganani, nine lenibaleke etiveni. Abati lutfo labo labetfwala tithico tetingodvo, bathandaze etithicweni letingeke tisindzise.

Jeremiya 1:16

Ngiyawukhipha tigwebo tami esiveni sami ngenca yabo bonkhe bubi baso: ngekungifulatsela kwaso, ngekutfuncisa imphepho kulabanye bonkulunkulu, nangekukhonta loko lokwentiwe tandla tabo.

Jeremiya 10:8

Tonkhe atinangcondvo tetfwele bulima, tifundziswa tithico letingenamsebenti tetigodvo.

Jeremiya 14:22

Sikhona yini sona sinye setithico tebetive letingenamsebenti lesiletsa imvula? Tona tibhakabhaka ngekwato tiyatehlisa yini tihlambi temvula? Cha, nguwe, lowenta loko, Simakadze Nkulunkulu wetfu. Ngako-ke litsemba letfu likuwe, ngobe nguwe lowenta konkhe loku.

Jeremiya 16:19

Awu Simakadze, mandla ami nesiphephelo sami, nqaba yami ngesikhatsi sekuhlupheka, tive tiyakuta kuwe tisuka emikhawulweni yonkhe yemhlaba, titsi: “Bobabe betfu babengenalutfo ngaphandle kwabonkulunkulu labalite, tithico letingenamsebenti letingazange setibentele lutfo loluhle.

Jeremiya 2:5

Naku lokushiwo nguSimakadze, utsi: “Cala lini boyihlo labalitfola kimi, kutsi bangaze baphambuke kangaka kimi? Balandzela tithico letingenamsebenti, nabo sebagucuka baba lite.

Levithikusi 18:30

“ ‘Gcinani lemiyalo yami, ningayilandzeli lemikhuba nemasiko lababewenta nisengakafiki. Ningatingcolisi ngayo. NginguSimakadze, Nkulunkulu wenu.’ ”

Matewu 6:7

“Kodvwa nanithandazako, ningalibali kukhuluma emagama lamanyenti langasho lutfo, njengebetive labacabanga kutsi batawuvakala ngekukhuluma kwabo lokunyenti.

Imisebenti yebaPhostoli 19:26

Niyatibonela, futsi niyativela konkhe lokwentiwa ngulendvodza lenguPawula. Utsi bonkulunkulu labakhiwe ngetandla abasibo bonkulunkulu sibili, sewugucule bantfu labanyenti, hhayi kuleli lase-Efesu kuphela kodvwa cishe kulo lonkhe lase-Asiya.

KubaseRoma 1:21

ngobe batsi kantsi Nkulunkulu bayamati bangete bambonga bamnike neludvumo lolumfanele njengaNkulunkulu. Esikhundleni saloko imicabango yabo yaba lite, netinhlitiyo tabo taba mnyama.

1 yaPhetro 1:18

Nati kutsi nahlengwa ngani ekuhambeni kwenu lokwakulite, lenakunikwa bokhokho. Anihlengwanga ngetintfo letigugako njengesiliva negolide;