Jeremiya 1:7 - Siswati 1996 Bible

⁷ Kodvwa Simakadze wakhuluma kimi, watsi: “Ungasho kutsi, ‘ngisengumntfwana.’ Kufanele uhambe uye kubo bonkhe bantfu lengikutfuma kubo, ufike usho loko lengikutfuma kona.

Jeremiya 1:7 Cross References

1 Emakhosi 22:14

Kodvwa Mikhaya waphendvula watsi: “Ngifunga kuphila kwaSimakadze, ngitamtjela loko lengikutjelwa nguSimakadze kuphela.”

1 Emakhosi 3:7

“Manje-ke, Simakadze Nkulunkulu wami, sewubeke inceku yakho kutsi ibe yinkhosi endzaweni yababe Davide. Kodvwa mine ngisengumfanyana nje, ngimncane, angati nekwati kutsi ngitawenta kanjani umsebenti wami.

2 Tikhronike 18:13

Kodvwa Mikhaya waphendvula, watsi: “Ngifunga kuphila kwaSimakadze, ngitamtjela loko Nkulunkulu wami lakushoko kuphela.”

Eksodusi 6:29

watsi: “NginguSimakadze. Tjela Faro, inkhosi yaseGibhithe, konkhe loko lengikutjela kona.”

Jeremiya 26:2

“Naku lokushiwo nguSimakadze, utsi: Mani esibuyeni selithempeli laSimakadze, ukhulume kubo bonkhe bantfu basemadolobheni akaJuda labayaye bete batewukhontela lapha ethempelini laSimakadze. Batjele konkhe lengikutfume kona, ungashiyi nalinye livi.

Jeremiya 43:1

Watsi kube Jeremiya acedze kutjela bantfu onkhe lamavi aSimakadze longuNkulunkulu wabo, konkhe Simakadze labemtfume kutsi abatjele,

Jeremiya 7:27

“Nawubatjela konkhe loku, bangeke bakulalele; nawubabita, bangeke basabele.

Hezekeli 2:7

Kufanele wena ukhulume emavi ami kubo, nome bayakulalela nome abakulaleli, ngobe banenkhani.

Hezekeli 3:27

Kodvwa mine nangikhuluma nawe, ngitawuvula umlomo wakho, futsi utabatjela utsi: ‘Naku lokushiwo yiNkhosi Simakadze.’ Lowo loyakuva akeve, nalowo longafuni akale; ngobe bayindlu lehlubukako.”

Amose 7:15

Kodvwa Simakadze wangitsatsa ekweluseni kwami timvu, watsi kimi: ‘Hamba uyewuphrofetha esiveni sami, ema-Israyeli.’

Jona 3:2

“Hamba, uye eNineve, kulelidolobha lelikhulu, ufike umemetele lesimemetelo lengikunike sona.”

Numeri 22:20

Ngalobo busuku Nkulunkulu wefika kuBhalamu, watsi: “Njengobe lamadvodza akulandzile, hamba nawo, kuphela wente loko lengikutjela kona.”

Numeri 22:38

Bhalamu waphendvula watsi: “Sengikhona, kepha nginawo yini mine emandla ekukhuluma lutfo ngaphandle kwaloko lengikutjelwa nguNkulunkulu?”

Matewu 28:20

nibafundzise kugcina konkhe lenginiyale ngako. Nibokwati kutsi mine nginani onkhe emalanga, kuze kube ngusekupheleni kwetikhatsi.”

Imisebenti yebaPhostoli 20:27

Ngobe angizange nginifihlele lutfo lwentsandvo yaNkulunkulu.