Jeremiya 1:5 - Siswati 1996 Bible

⁵ “Ngisengakakubumbi esitalweni senyoko ngakwati, watsi usengakatalwa, ngavele ngakwehlukanisela; ngakubeka kutsi ube ngumphrofethi etiveni.”

Jeremiya 1:5 Cross References

Tihlabelelo 139:15

Ematsambo ami abengakafihlakali kuwe, ngesikhatsi ngibunjwa ekusitsekeni ngelukwa esiswini samake.

Tihlabelelo 139:16

Wangibona ngiselihlwili. Onkhe emalanga ami abhalwa encwadzini yakho, ajutjwa, lisengakefiki nalinye lawo.

Eksodusi 33:12

Mosi wakhuluma kuSimakadze, watsi: “Wena watsi kimi: ‘Khipha labantfu,’ kodvwa awuzange ungilayele kutsi utangitfuma nabani. Yebo, washo kona kimi watsi: ‘Ngiyalati libito lakho, futsi uzuze umusa emehlweni ami.’

Eksodusi 33:17

Simakadze wakhuluma kuMosi, watsi: “Ngitakwenta loku lokushito, ngobe uzuze umusa emehlweni ami, futsi ngikwati kahle.”

Isaya 44:2

Naku lokushiwo nguSimakadze, lowo lowakwenta, wakubumba esiswini, nalonguyena atakukusita, utsi: Ungesabi, wena Jakobe, nceku yami, Jeshuruni, lengimkhetsile.

Isaya 49:1

Lalelani kimi, nine tichingi, vanini loku, nine tive letikhashane, Simakadze wangibita ngisengakatalwa, kusukela ekutalweni walibita libito lami.

Isaya 49:5

Manje-ke utsi Simakadze, lowo lowangibumba esiswini kutsi ngibe yinceku yakhe, kuze ngitewubuyisela Jakobe kuye, ngibutsele ema-Israyeli kuye, ngobe ngihloniphekile emehlweni aSimakadze, naNkulunkulu wami waba ngemandla ami,

Jeremiya 1:10

Buka la, lamuhla ngikubeka etikwetive nasetikwemibuso kutsi usiphule ubuye uhhihlite; ubhidlite ubuye uketule, nekutsi wakhe ubuye uhlanyele.”

Jeremiya 1:4

Livi laSimakadze lefika kimi, latsi:

Jeremiya 20:15

Akacalekiswe umuntfu lowabikela babe, lowamjabulisa kakhulu nakatsi: “Utalelwe umntfwana, ngumfana!”

Jeremiya 25:13

“Lelive ngiyawuliletsela tonkhe letintfo lengikhulume ngato letimelene nalo, ngilehlisele konkhe lokubhalwe kulencwadzi kwaphrofethwa nguJeremiya ngato tonkhe letive.

Jeremiya 36:2

“Tsatsa incwadzi legocotwako ubhale kuyo onkhe emavi lengiwakhulumile kuwe mayelana na-Israyeli naJuda kanye nato tonkhe letinye tive, kusukela esikhatsini lengacala ngaso kukhuluma kuwe, ekubuseni kwenkhosi Josaya, kuze kube ngunyalo.

Jeremiya 50:34

Noko uMhlengi wabo unemandla; nguSimakadze Somandla libito lakhe. Uyakumela indzaba yabo ngemandla, kuze atewuletsa kuphumula eveni labo, kodvwa kungabi nakuthula kulabo labahlala eBhabhulona.

Lukha 1:15

ngobe uyakuba ngumuntfu lomkhulu ebusweni baNkulunkulu, akayiwulinatsa liwayini nome-ke yini ledzakisako, uyawugcwaliswa ngaMoya Longcwele kusukela angakatalwa.

Lukha 1:41

Kwatsi lapho Elizabethe nakeva kubingelela kwaMariya, umntfwana wagcuma esiswini sakhe. Elizabethe wagcwaliswa ngaMoya Longcwele,

Lukha 1:76

Nawe-ke, mntfwana, uyawubitwa ngekutsi ungumphrofethi waNkulunkulu Losetikwako Konkhe; uyakwendvulela iNkhosi kulungisa tindlela tayo,

Johane 10:36

Mine ngingulowehlukaniselwe Babe, ngitfunywe nguye emhlabeni. Ningigwebelani ngekuhlambalata ngobe ngitsite: ‘NgiyiNdvodzana yaNkulunkulu’?

KubaseRoma 1:1

Lencwadzi iphuma kuPawula, inceku yaKhristu Jesu, nemphostoli lokhetsiwe wabitwa nguNkulunkulu kutsi ashumayele liVangeli.

KubaseRoma 8:29

Ngobe labo labatinchanti Nkulunkulu wabakhetsanchanti kutsi babe nesimo seNdvodzana yakhe kuze yona itewuba litubulo kubazalwane labanyenti.

1 kubaseKorinthe 8:3

Kodvwa nangabe umuntfu atsandza Nkulunkulu, yena-ke watiwa nguye Nkulunkulu.

Kubase-Efesu 1:22

Nkulunkulu wabeka konkhe ngaphansi kwemandla akhe, wambeka kutsi abe yinhloko etikwako konkhe ebandleni.