Jeremiya 1:11 - Siswati 1996 Bible

¹¹ Livi laSimakadze lefika kimi, latsi: “Jeremiya, ubonani?” Mine ngaphendvula ngatsi: “Ngibona ligala lesihlahla se-alimondi.”

Jeremiya 1:11 Cross References

Genesisi 30:37

Jakobe watsatsa imizaca leyayisemanti yetihlahla telibhabhabhulomu, ne-alimondi, nepleni, wayebula wayenta imishi, yasala yaba mhlophe.

Isaya 55:11

linjalo-ke nelivi lami leliphuma emlonyeni wami: Lingeke libuye kimi yabayaba, kodvwa liyawukwenta loko lengikuhlosile, liwufeze umgomo walo lengilikhiphele wona.

Jeremiya 24:3

Simakadze wangibuta watsi: “Ye Jeremiya, ubonani?” Mine ngaphendvula ngatsi: “Ngibona emakhiwa. Lawa lamahle, mahle kakhulu, kodvwa lawa lamabi, mabi kangangekutsi angeke adleke.”

Hezekeli 12:25

Kodvwa mine, Simakadze, ngiyawukhuluma loko lengikutsandzako, futsi kuyagcwaliseka ngaphandle kwekulibala. Ngobe ngemalanga enu, ninendlu lehlubukako, ngiyawukufeza konkhe lengikukhulumile, kusho iNkhosi Simakadze.’ ”

Hezekeli 12:28

“Ngako-ke khuluma kubo, utsi: ‘Naku lokushiwo yiNkhosi Simakadze, itsi: Kute nalinye lemavi ami leliyawulibala, konkhe lengikushoko kuyawugcwaliseka, kusho iNkhosi Simakadze.’ ”

Hezekeli 7:10

“Lilanga selilapha! Selifikile! Imbhubhiso seyehlile, indvuku seyihlumile, kutidla kwachakaza!

Amose 7:8

Simakadze wangibuta watsi: “Ubonani, ye Amose?” Ngatsi: “Silinganiso.” Simakadze watsi: “Buka la! Ngibeka silinganiso kubantfu bami ema-Israyeli; ngingeke ngisabacolela.

Amose 8:2

Simakadze wase uyangibuta utsi: “Ubonani, ye Amose?” Ngamphendvula ngatsi: “Ngibona libhasikidi lelinetitselo letivutsiwe.” Simakadze wase ukhuluma kimi utsi: “Sikhatsi sesive sami saka-Israyeli sesiphelile, ngingeke ngisasicolela.”

Zakhariya 4:2

Yangibuta, yatsi: “Ubonani?” Ngaphendvula, ngatsi: “Ngibona lutsi lwetibane luyigolide lonkhe, lunesitja lesinemafutsa ngetulu, netibane letisikhombisa kulo, netimbobo letisikhombisa tetintsambo tetibane talo.

Zakhariya 5:2

Lengilosi yangibuta, yatsi: “Ubonani?” Ngaphendvula, ngatsi: “Ngibona kundiza incwadzi legocotwako, ingemamitha langaba yimfica budze, nemamitha langaba mane nesigamu bubanti.”

Numeri 17:8

Ngelilanga lelilandzelako Mosi wangena ethendeni lebufakazi, kulelibhokisi lesivumelwane, wakhandza kutsi indvuku ya-Aroni, leyayimele sive semaLevi, yayingakahlumi kuphela kodvwa yaze yaba nemidvumba yachakaza yatsela titselo tema-alimondi.