Jeremiya 1:1 - Siswati 1996 Bible

¹ Emavi aJeremiya, umsa waHilkiya, lomunye webaphristi base-Anathothi, eveni lakaBhenjamini.

Jeremiya 1:1 Cross References

1 Emakhosi 2:26

Inkhosi Solomoni yakhuluma ku-Abiyatha, umphristi, yatsi: “Ncandzeka, ubuyele ekhaya kini e-Anathothi. Kufanele ufe, kodvwa ngingeke ngikubulale nyalo, ngobe wetfwala libhokisi lesivumelwane saSimakadze Somandla embikwababe, Davide, wabambisana nababe kuto tonkhe tinkinga takhe.”

1 Tikhronike 6:60

Esiveni sakaBhenjamini banikwa iGibeyoni, neGeba, ne-Alemethi, ne-Anathothi kanye nemadlelo alamadolobha. Emadolobha labelwa tinsendvo temaKhohati aba li-13 asawonkhe.

2 Tikhronike 35:25

Jeremiya wacamba tingoma tesililo saJosaya, kuze kube ngulamuhla bonkhe bahlabeli besilisa nebesifazane basamkhumbula Josaya ngaletingoma tesililo sakhe. Letingoma tase tiba tingoma temihambo yema-Israyeli, tabhalwa encwadzini yetililo.

2 Tikhronike 36:12

Wenta lokubi emehlweni aSimakadze Nkulunkulu wakhe, wangete watitfoba embikwaJeremiya, umphrofethi, lowakhuluma livi laSimakadze.

2 Tikhronike 36:21

Live lase lijabula ngekuphumula kwangemaSabatha, ngaso sonkhe leso sikhatsi sekulahlwa kwalo, laphumula, kwaze kwaphela leminyaka lengema-70, kwagcwaliseka livi laSimakadze labelikhulume ngemlomo wemphrofethi Jeremiya.

Ezra 1:1

Ngemnyaka wekucala wekubusa kwaKhuresi, inkhosi yasePheresiya, kuze kugcwaliseke livi laSimakadze lelakhulunywa nguJeremiya, Simakadze watsintsa inhlitiyo yaKhuresi, inkhosi yasePheresiya kutsi ente simemetelo kulo lonkhe lelingaphansi kwakhe, nekutsi asibhale phansi atsi:

Ezra 2:23

Emadvodza ase-Anathothi abeli-128,

Isaya 1:1

Lona ngumbono lowabonwa ngu-Isaya, umsa wa-Amose, ngebakaJuda nangebaseJerusalema ngesikhatsi kusabusa bo-Uziya, naJothamu, na-Ahazi, naHezekiya, emakhosi akaJuda.

Isaya 10:30

Khala, Ndvodzakati yaseGalimu! Lalela, nawe Layisha! Nine base-Anathothi labahluphekile.

Isaya 2:1

Leli livi lelefika ku-Isaya, umsa wa-Amose, mayelana nesive sakaJuda nesaseJerusalema:

Jeremiya 11:21

Ngako-ke naku lokushiwo nguSimakadze ngemadvodza ase-Anathothi lafunana nemphilo yami, atsi: “Ungaphrofethi ngelibito laSimakadze, funa sikubulale ngetandla tetfu,”

Jeremiya 29:27

Kepha manje awukamkhalimeli ngani loJeremiya wase-Anathothi, lotishaya shangatsi nguyena mphrofethi lapho emkhatsini wenu?

Jeremiya 30:1

Leli livi laSimakadze lelefika kuJeremiya, litsi:

Jeremiya 37:12

naJeremiya wase uyalishiya lelidolobha waya eveni lakaBhenjamini kutsi ayewutfola naye sabelo sakhe selifa emkhatsini wesive sakhona.

Hezekeli 1:3

kwefika livi laSimakadze kumphristi Hezekeli, umsa waBuzi, ngasemfuleni iKhebari eveni lemaBhabhulona. Ngulapho-ke lapho sandla saSimakadze sasisetikwakhe khona.

Danyela 9:2

ngemnyaka wakhe wekucala abekiwe, mine Danyela ngafundza ngeva kahle emiBhalweni njengekwelivi laSimakadze kuJeremiya, umphrofethi, kutsi kubhidlitwa kweJerusalema kuyawutsatsa iminyaka lengema-70, lapho iyawusala khona ikhala libhungane.

Amose 1:1

Lawa ngemavi a-Amose, lomunye webantfu lababefuye timvu eThekhowa, ngaloko lakuboniswa lokumacondzana nema-Israyeli iminyaka lemibili umhlaba ungakatamatami, ngesikhatsi Uziya ayinkhosi yakaJuda, Jerobowamu, umsa waJehoyashi, ayinkhosi yaka-Israyeli.

Amose 7:10

Amasiya, umphristi waseBetheli, watfumela sigijimi kuJerobowamu, inkhosi yaka-Israyeli, watsi: “Amose wakha luzungu ngawe embusweni waka-Israyeli. Live lingeke liwamele onkhe lamavi akhe.

Matewu 16:14

Bamphendvula batsi: “Labanye batsi inguJohane uMbhabhatisi, labanye batsi ingu-Elija, kantsi labanye batsi inguJeremiya nome ingulomunye nje webaphrofethi.”

Matewu 2:17

Ngako-ke kwagcwaliseka lokwakhulunywa ngumphrofethi Jeremiya nakatsi:

Matewu 27:9

Ngako kwagcwaliseka loko lokwashiwo ngumphrofethi Jeremiya kutsi: “Batsatsa tinhlavu letingema-30 tesiliva, intsengo yakhe. Lentsengo ngaye yalungiswa ngulabanye bemadvodzana aka-Israyeli.