Genesisi 4:11 - Siswati 1996 Bible

¹¹ Sewucalekisiwe emhlabatsini lekunguwona ukhamise umlomo wawo wemukela ingati yemnakenu esandleni sakho.

Genesisi 4:11 Cross References

Genesisi 3:14

Nkulunkulu Simakadze watsi enyokeni: “Njengobe sewente loku, sewucalekiswe ngetulu kwato tonkhe tilwane: tonkhe tifuyo, nato tonkhe tilwane tesiganga. Sewuyawuhamba ngesisu sakho, ngesikhatsi sonkhe sekuphila kwakho udle lutfuli lwemhlabatsi.

Genesisi 4:14

Asubuke, sewuyangicosha lamuhla la emhlabatsini, ngisuke nasebukhoneni bakho, ngibe ngumhambuma neluzulane emhlabeni; kantsi futsi wonkhe lohlangana nami uyawungibulala.”

Genesisi 5:29

Lendvodzana wayetsa libito, watsi nguNowa, atsi: “Lona-ke nguye lotasidvudvuta emsebentini wetfu nasekukhatsatekeni kwetfu kuwo lomhlabatsi lowacalekiswa nguSimakadze.”

Jobe 16:18

“Awu, mhlaba, awusiyigcibedzela ingati yami. Shangatsi kukhala kwami kungete kwathuliswa.

Isaya 26:21

Bukani, Simakadze uphumela ngephandle kwendzawo yakhe yekuhlala, utewujezisa tive temhlaba ngenca yetono tato. Umhlaba utawuveta ebaleni yonkhe ingati leyacitsekela kuwo, lababulewe kuwo ungeke usabafihla.

KubaseGalathiya 3:10

Bonkhe labetsembele ekwenteni lokufunwa ngumtsetfo bangephansi kwesicalekiso, ngobe kubhaliwe kutsi: “Bacalekisiwe bonkhe labangagcini konkhe lokubhaliwe emculwini wemtsetfo, kutsi bakwente.”

Sembulo 12:16

Kodvwa umhlaba wasita lomfati ngekutsi uvule umlomo wawo umite lomfula lowawucitfwe ngunyokangwenya ngemlomo wakhe.