Genesisi 2:3 - Siswati 1996 Bible

³ Ngako-ke Nkulunkulu walibusisa lilanga lesikhombisa, walingcwelisa; ngobe ngalo waphumula emsebentini wakhe wonkhe wekudala.

Genesisi 2:3 Cross References

Genesisi 1:31

Nkulunkulu wakubona konkhe labesakwentile, kutsi kuhle kakhulu. Kwahlwa, kwasa: Kwaba lilanga lesitfupha.

Genesisi 2:2

Ngelilanga lesikhombisa Nkulunkulu abesawucedzile wonkhe umsebenti wakhe labewenta; wase uyaphumula.

Genesisi 2:4

Ladalwa kanjalo-ke lizulu nemhlaba. Ngesikhatsi Nkulunkulu Simakadze enta umhlaba nelizulu,

Nehemiya 9:14

Wabatisa liSabatha lakho lelingcwele, wabanika imiyalo, netimiso kanye nemitsetfo ngenceku yakho Mosi.

Eksodusi 23:12

“Uyawusebenta emalanga lasitfupha, kodvwa ngelilanga lesikhombisa ungasebenti, kuze kutsi tifuyo takho, netigcili letitalelwe kakho, kanye nebetive labasebenta kakho batewuphumula.

Eksodusi 34:21

“Uyawusebenta emalanga lasitfupha, kodvwa ngelilanga lesikhombisa uyawuphumula, ngisho nangesikhatsi sekulima nesekuvuna.

Taga 10:22

Sibusiso saSimakadze lesenta umuntfu acebe, akengeti kuhlupheka kuso.

Hezekeli 20:12

Ngabuye ngabanika emaSabatha ami abe sibonakaliso emkhatsini wetfu, kuze bati kutsi mine Simakadze ngimi lengabenta baba ngcwele.

Levithikusi 23:3

Ninemalanga lasitfupha leningasebenta ngawo nente umsebenti wenu, kodvwa lilanga lesikhombisa liSabatha lekuphumula, lilanga lekukhonta. Akukafaneli nente nome ngumuphi umsebenti lapho nihlala khona. Lelo liSabatha laSimakadze.

Makho 2:27

Jesu wachubeka watsi kubo: “LiSabatha lamiselwa kuphumuta bantfu; bantfu abamiselwanga kugcilatwa liSabatha.

Lukha 23:56

Base babuyela ekhaya bayawulungisa emakha nemafutsa ekugcobisa sidvumbu. Baphumula ngeliSabatha, njengobe kusho umtsetfo.