Genesisi 1:12 - Siswati 1996 Bible

¹² Umhlaba waveta konkhe lokumilako lokutsela tinhlavu, netihlahla tetitselo letitsela tinhlavu letiyinhlanyelo ngetinhlobo tato. Nkulunkulu wabona kutsi loko kuhle.

Genesisi 1:12 Cross References

Genesisi 1:11

Nkulunkulu watsi: “Umhlaba awuvete konkhe lokumilako: lokutsela tinhlavu, netihlahla tetitselo letitsela tinhlavu letiyinhlanyelo ngetinhlobo tato.” Kwase kuba njalo.

Genesisi 1:13

Kwahlwa, kwasa: Kwaba lilanga lesitsatfu.

Tihlabelelo 104:14

Uhlumisa tjani, kuze kudle imfuyo, uhlumise lokumilako kusitakale bantfu, kuze kuvele kudla emhlabeni,

Isaya 61:11

Ngobe njengaloku nemhlaba uhlumisa emahlumela, nengadze ihlumisa inhlanyelo ikhule, kanjalo-ke neNkhosi Simakadze iyawuhlumisa kulunga neludvumo, kuhlume embikwato tonkhe tive.

Makho 4:28

Umhlaba ngekwawo uveta kudla: Kucala kube likhaba, bese kuyabhaceka, kube netibhuluja leticinile,

Lukha 6:44

Tonkhe tihlahla tatiwa ngetitselo tato. Ungeke ukhandze emakhiwa atsele emanyeveni. Futsi ungeke uwakhe emagelebisi elugaganeni.

2 kubaseKorinthe 9:10

Lowo lonika inhlanyelo kumhlanyeli ephane ngesinkhwa sekudliwa, uyawuninika inhlanyelo aphindze ayente imile ikhule, asandzise nesivuno sekunikela kwenu ngekwephana.

KubaseGalathiya 6:7

Ningayengwa, Nkulunkulu akaphukutwa, ngobe umuntfu uyawuvuna loko lakuhlanyelako.

KumaHebheru 6:7

Umhlabatsi lonatsa emanti emvula nayina njalo nje, bese umilisa tilimo letiba lusito kulabo labawulimako, ubusiswa nguNkulunkulu.