Amose 4:3 - Siswati 1996 Bible

³ Nitawuhudvulwa lapho ngamunye nikhishwe ngetikhala letiselubondzeni, nilahlelwe ngephandle eHemoni,” kusho Simakadze.

Amose 4:3 Cross References

2 Emakhosi 25:4

Lubondza-ke lwalelidolobha lwase luyafohlwa, imphi yonkhe yabhuza ebusuku seyibaleka, yaphuma ngelisango lelisemkhatsini wetibondza letimbili letatingasengadzeni yenkhosi, lite nome emaBhabhulona abelitungeletile lelidolobha. Yabaleka yabhekisa emabombo ngase-Arabha,

2 Emakhosi 7:15

Bawalandzela emaSiriya, baze bayawufika ngasemfuleni iJordane; babehambe bakhandza timphahla tekwembatsa naletinye nje timphahla letatihambe tisakatwa ngemaSiriya kuyo yonkhe indlela ngesikhatsi abalekela ema-Israyeli.

Isaya 2:20

Ngalelo langa bantfu bayawulahla tithico tabo emagundvwaneni nasemalulwaneni; yebo, tithico tabo tesiliva kanye netithico tabo tegolide, lababetentele kutikhonta.

Isaya 31:7

Ngobe ngalelo langa ngulowo nalowo wenu uyakutilahla tithico tesiliva netegolide lenitente ngetandla tenu letigcwele kona.

Jeremiya 52:7

Lubondza-ke lwalelidolobha lwase luyafohlwa, imphi yonkhe yesuka yabaleka. Besuka edolobheni ebusuku, baphuma ngelisango lelisemkhatsini wetibondza letimbili letiseceleni kwengadze yenkhosi, lite nome emaBhabhulona abelitungeletile lelidolobha. Babaleka babhekisa emabombo ngase-Arabha,

Hezekeli 12:12

“Lenkhosi lesemkhatsini wabo iyakwetjatsa timphahla tayo ehlombe kusihlwa ihambe, kuyawumbiwa imbobo elubondzeni, imbelwe yona, kutsi itewuphuma kuyo. Iyawumbonya buso bayo, khona ingetilibona lelive.

Hezekeli 12:5

Batawutsi basabukile, umbe lubondza ulubhobose imbobo, bese uphuma kuyo lembobo kanye netimphahla takho.

Amose 6:7

Ngako-ke nitawuba kanye nebekucala kulabayawudzingiswa. Lokutamasa kwenu ngemadzili, nicambalale kamnandzi, kutawuphela.

Zefaniya 1:18

Isiliva yabo negolide yabo kungeke kubasindzise ngelilanga lelulaka lwaSimakadze. Emlilweni wesikhwele sakhe umhlaba wonkhe uyawushiswa, ngobe uyakwenta siphetfo lesisheshisako sabo bonkhe labahlala emhlabeni.

Matewu 16:26

Ngobe kuyawumsita ngani umuntfu kutfola live lonkhe, kepha alahlekelwe ngumphefumulo wakhe? Ingabe angakhiphani umuntfu kuhlenga umphefumulo wakhe?

Tikhulu 5:17

Gileyadi abehlala ngesheya kweJordane. Kepha Dani abentiwa yini kutsi azulazule ngasemikhunjini? Asheri wasala ngaselusentseni lwelwandle, wahlala akhululekile ematubukweni alo.