2 Samuweli 3:3 - Siswati 1996 Bible

³ Yesibili bekunguKhileyabi, umsa wa-Abigayili, umfelokati waNabali waseKhameli. Yesitsatfu bekungu-Absalomu, umsa waMakha, indvodzakati yaThalmayi, inkhosi yaseGeshuri.

2 Samuweli 3:3 Cross References

2 Samuweli 13:1

Ngekuhamba kwesikhatsi Amnoni, umsa waDavide, watsandza Thamari labemuhle kakhulu, angudzadzewabo-Absalomu, umsa waDavide.

2 Samuweli 14:23

Jowabe wesuka lapho waya eGeshuri, wabuya na-Absalomu wamletsa eJerusalema.

2 Samuweli 14:24

Kodvwa inkhosi yatsi: “Kufanele ahambe aye endlini kakhe, akukafaneli abonane nebuso bami.” Ngako Absalomu wavele waya endlini kakhe, wangete wabonana nebuso benkhosi.

2 Samuweli 14:32

Absalomu waphendvula watsi: “Buka la, ngitfumele livi kuwe ngatsi: ‘Kota lapha, khona ngitekutfumela enkhosini kutsi uyewubuta utsi: “Ngibuyiselweni lena eGeshuri? Ngabe kuncono kimi kube ngisatihlalele lapho!” ’ Manje ngifuna kubonana nenkhosi; nangabe nginelicala lelitsite, ayivele ingibulale.”

2 Samuweli 15:7

Ekupheleni kweminyaka lemine Absalomu wakhuluma enkhosini, watsi: “Ngicela kutsi sengimane ngiye eHebroni kuyawufeza sifungo sami lengasenta kuSimakadze.

2 Samuweli 15:8

Ngesikhatsi inceku yakho iseseGeshuri kulaseSiriya ngenta sifungo ngatsi: ‘Nangabe Simakadze angibuyisele eJerusalema, Simakadze ngiyakumkhonta eHebroni!’ ”

2 Samuweli 18:33

Inkhosi yehlulwa buhlungu. Yasukuma yakhuphukela ekamelweni lelalingetulu kwelisango yayawukhala khona. Isakhuphuka, yayihambe ikhala itsi: “Awu, ndvodzana yami, Absalomu! Ndvodzana yami, ndvodzana yami, Absalomu! Kube kufane kwafa mine esikhundleni sakho! Awu, Absalomu, ndvodzana yami, ndvodzana yami!”

2 Samuweli 2:2

Ngako Davide wenyuka kanye nebafati bakhe lababili, bo-Ahinowami waseJezreyeli kanye na-Abigayili, umfelokati waNabali waseKhameli.

1 Emakhosi 1:6

Uyise Davide abengazange amekhute, ambute nekumbuta atsi: “Uyentelani lentfo lenjana?” Adoniya abemuhle kakhulu, elama Absalomu.

1 Emakhosi 2:15

Watsi: “Njengobe wati, umbuso bekungewami. Israyeli wonkhe abesabheke kimi kutsi ngiyinkhosi yakhe. Kodvwa tintfo tajika, umbuso watsatfwa ngumnaketfu, ngobe lowo mbuso yena uwunikwe nguSimakadze.

1 Tikhronike 3:1

Lawa ngemadvodzana aDavide latalelwa wona aseseHebroni: Litubulo bekungu-Amnoni, labetalwa ngu-Ahinowami waseJezreyeli; yesibili bekunguDanyela, labetalwa ngu-Abigayili waseKhameli;

1 Tikhronike 3:2

yesitsatfu bekungu-Absalomu labetalwa nguMakha, indvodzakati yaThalmayi, inkhosi yaseGeshuri; yesine bekungu-Adoniya, labetalwa nguHagithi;

Dutheronomi 3:14

Jayire, umsa waManase, watsatsa sonkhe sifundza sase-Agobhu, kuze kuyewufika emnyeleni wemaGeshuri nemaMakhathi. Leyo ndzawo wayetsa ngaye; kuze kube ngulamuhla iBhashani yatiwa ngekutsi yiHavothi Jayire.

Joshuwa 13:13

Kodvwa ema-Israyeli akazange atidvungulule atikhiphe letive takaGeshuri nesakaMakha, ngako-ke tachubeka tahlala emkhatsini wema-Israyeli, kwaze kwaba ngulamuhla.

1 Samuweli 25:3

Libito layo lendvodza bekunguNabali, kantsi umkayo bekungu-Abigayili. Lomkakhe abehlakaniphile amuhle, kodvwa lendvodza yayingumKhalebi losibheva lesibi.

1 Samuweli 25:42

Wasukuma ngekushesha wakhwela embongolweni yakhe, aphekeletelwa timphekeleteli takhe letisihlanu; wahamba netitfunywa taDavide, wafike waba ngumkakhe.

1 Samuweli 27:8

Davide nemadvodza akakhe benyuka bayawuhlasela emaGeshuri, nemaGizi kanye nema-Amaleki. Kusukela etikhatsini takadzeni letive tatihlala kulelo live, kuze kuyekufika eShuri naseGibhithe.