फिलिप्‍पी 4:9 - Sunuwar Bible

⁹ गो इन कली मार शेंदु, गे मार रुम्‍नी, मार नेंनी, आं कली मार पशो तनी, मेकोन पने। मो पाइतीनी हना, इन थुं नाइक्‍चा गेब परमप्रभु यावे गेपुकी नु बाक्‍ब।

फिलिप्‍पी 4:9 Cross References

यसैया 41:10

महिनो, मारदे हना गो गे नु बाक्‍नुङ। आइक्‍च थुं मपावो। मारदे हना गो इ परमप्रभु नङ। गो इ कली बोल्‍यो सेल्‍शा, वारच पाइनुङ। गो इ कली आं ग्राब ग्‍युरा गुइमी वारच पाइनुङ। यसैया ४३:१

यसैया 8:10

गे सल्‍ला पा लोव़सी गारपाइक्‍नीनी, तन्‍न मेको शोर गाक्‍शो दुम्‍ब। लोव़ पने, तन्‍न इन लोव़ मगाप्‍ब। मारदे हना परमप्रभु गो नु बाक्‍ब।

मत्ती 1:23

“नेनीने, कन्‍ने मीश आलमी कोव़ज कुरशा, तौ का थीब। मेको आल आ नें इम्‍मानुएल वोइक्‍नीम। इम्‍मानुएल देंशो ‘परमप्रभु यावे गोपुकी नु बाक्‍शो बाक्‍ब’ दे रुम्‍सीब” दे ब्रेक्‍शो बाक्‍ब। यसैया ७:१४

मत्ती 28:20

मिनु गोमी इन कली मार मार शेंदन्‍नी, मेको नेल्‍ल मेको आन कली शेंशा पपतीने। नेनीने, रागी मनुप्‍ची सम्‍म गो गेनायो गेपुक नु बाक्‍नुङ” देंत। मत्ती १६:२०

मत्ती 7:21

आं कली प्रभु, प्रभु देंशा ला स्‍वर्ग ङा राज्‍य ओव़चा मताइनीम। स्‍वर्गमी बाक्‍ब आं आफ आ दाक्‍शो पाइबपुकी ला ओव़चा ताइनीम। रोमी २:१३; याकूब १:२२

लूका 6:46

मारदे आं कली प्रभु, प्रभु, देंनीनी। तन्‍न आं देंशो मटीनीनी? मलाकी १:६; मत्ती ७:२१

लूका 8:21

मिनु येसुमी “परमप्रभु यावे आ लोव़ नेंशा, टीबपुकी कका थमा ङा आं ममा नु लोक्‍ब नम” दे माइक्‍मी बाक्‍त।

यूहन्‍ना 13:17

गेपुकी आं देंशो लोव़ तुइश्‍शा पाइतीनी हना, गे आसीक रशा ग्‍येरसीशो मुर दुम्‍नीनी” दे येसुमी देंत। मत्ती ७:२४

यूहन्‍ना 15:14

गेपुकी आं देंशो पना पन बाक्‍तीनी हना, आं वारच ननी। यूहन्‍ना ८:३१; मत्ती १२:५०

यूहन्‍ना 2:5

मिनु आ ममामी गेय पाइब आन कली “एकोमी मार देंमे, मोदेंशो पने” दे माइक्‍तीमी।

प्रेरित 9:6

मुल छुल बोक्‍शा दमस्‍कस सहर लावो। मिनु मेकेर जाक्‍दीश्‍शा, गे मार गेय पचा माल्‍नेवे तुइक्‍पाइक्‍चा पुंइसीनेवे” देंशो लोव़ नेंना बाक्‍त।

रोमी 15:33

नेल्‍ल इं थुं नाइक्‍पाइक्‍ब परमप्रभु यावे गेपुकी नु बाक्‍ल। आमेन।

रोमी 16:20

थुं नाइक्‍चा गेब परमप्रभु यावेमी रीब पा सैतान कली इन खोइल आगाम वोइक्‍ब। इं प्रभु येसु ख्रीस्‍तमी इन कली शिशी पवल।

१ कोरिन्‍थी 10:31

मोपतीके मार जाइतीनी ब्‍वाइतीनी हना यो, तूतीनी हना यो, मार पाइतीनी हना यो परमप्रभु यावे कली ठेयब सेल्‍चा कली पने। कलस्‍सी ३:१७

१ कोरिन्‍थी 14:33

मारदे हना परमप्रभु यावे खल बल ङा परमप्रभु मबाक्‍ब। मेको थुं नाइश्‍शा बाक्‍तीक परमप्रभु बाक्‍ब।

१ कोरिन्‍थी 4:16

मोपतीके गो इन कली अर्ती का गेनन्‍नी। आं पशो खोदेंशो पने। १कोरिन्‍थी ११:१

२ कोरिन्‍थी 13:11

आं लोक्‍बपुकी, मुल रिम्‍शो बाक्‍कीन। रिम्‍शो पने। आं लोव़ नेंशा टीब दुमीने। इन दातेमी गारमुने। थुं नाइश्‍शा बाक्‍कीने। दाक्‍तीक नु थुं नाइक्‍तीक गेब परमप्रभु यावे गेपुकी नु बाक्‍ल। फिलिप्‍पी ४:४; रोमी १५:३३

ब्‍यवस्‍था 5:1

मिनु मोसामी इस्राएली नेल्‍ल आन कली ब्रेश्‍शा, मेको आन कली “इस्राएली नेनीन। परमप्रभु यावे आ फुल्‍लुम मुशा ब्रेक्‍शो लोव़ नु आ निसाफ पतीक लोव़ नेनीन। मुलाक्‍ती गो मेको इन कली शें‍नुङ। गे मेको लोव़ शेंसीशा, होस पने।

फिलिप्‍पी 3:17

आं दाक्‍शो लोक्‍बपुकी, गेपुकी आं खोदेंशो दुमीने। आंइ खोदेंशो पा गेय पाइब आन कली कोव़शा, मेको आन खोदेंशो पने। १कोरिन्‍थी ११:१

फिलिप्‍पी 4:7

परमप्रभु यावे आ गेशो थुं नाइक्‍तीके रुम्‍ने मचाप्‍चा ङा ठेयब बाक्‍ब। मेको थुं नाइक्‍तीके इन थुं नु इन मिम्‍शो ख्रीस्‍त येसु नु बाक्‍ब। यूहन्‍ना १४:२७; कलस्‍सी ३:१५

१ थिस्‍सलोनिकी 1:6

गेपुकी आंइ खोदेंशो नु प्रभु खोदेंशो पाइब दुम्‍तीनी। मारदे हना गेपुकी शुश श्‍येत जशा, परमप्रभु यावे आ लोव़ नेंतीनी। मिनु परमप्रभु यावे आ सोक्‍तीमी इन थुं ग्‍येरपाइक्‍तु। २थिस्‍सलोनिकी ३:७

१ थिस्‍सलोनिकी 2:14

आंइ लोक्‍बपुकी, गे यहूदीया ङा परमप्रभु यावे आ ग्रुम्‍तीक ङा ख्रीस्‍त येसुमी बाक्‍ब थमा सुइक्‍ब खोदेंशो दुम्‍तीनी। मारदे हना यहूदीया ङा मुरपुकीमी आंम रागी ङा थमा सुइक्‍ब आन कली श्‍येत गेशो खोदेंशो पा, इन रागी ङा मुरपुकीमी यो इन कली श्‍येत गेम्‍तेक्‍म। प्रेरित ८:१; प्रेरित १७:५-६

१ थिस्‍सलोनिकी 5:23

थुं नाइक्‍पाइक्‍ब परमप्रभु यावेमी इन कली थम रिम्‍शो सेलल। इन सोक्‍त, थुं नु रां इं प्रभु येसु ख्रीस्‍त मयिम सम्‍म रिम्‍शो नु दोस मताइब दुम्‍शा बाक्‍मल।

२ थिस्‍सलोनिकी 3:4

गोपुकीमी इन कली मार देंका, मेको पना पन बाक्‍शा, नोले यो पाइनीनी। प्रभुमी इन कली वारच पाइब, दे तुइक्‍नीकी। २कोरिन्‍थी ७:१६; गलाती ५:१०

२ तिमोथी 4:22

प्रभु गे नु बाक्‍ल। आ शिशी गे नु लील।

याकूब 1:22

गेपुकी परमप्रभु यावे आ लोव़ नेनीन। नेंचा ला ममाइ, मार मार देंशो बाक्‍मे, मेको यो पचा माल्‍नीनी। गेपुकीमी मेको लोव़ नेंशा मपाइतीनी हना, जोल पांइसीनीनी। मत्ती ७:२१; रोमी २:१३

२ पत्रुस 1:10

मोपतीके आं लोक्‍बपुकी, गेपुकीमी “गो ब्रेश्‍शो नु योव़शो मुर बाक्‍नीकी” दे गेना हना यो मिम्‍चा माल्‍नीनी। मो पाइतीनी हना, गे गेनायो नोले मशोंइ‍‍सीनीनी।

१ यूहन्‍ना 3:22

मिनु गो महिंथु पुंइतय हना, इं पुंइशो गेब। मारदे हना गोपुकी आ अरेशो लोव़ पशा, आ दाक्‍शो पाइनय। मर्कूस ११:२४