फिलिप्‍पी 4:6 - Sunuwar Bible

⁶ सुर्ता मपने। परमप्रभु यावे नु लोव़ पा, इन माल्‍शो पुंइशा “गे रिम्‍शो पाइब बाक्‍नीनी” दे परमप्रभु यावे कली देनीन। मत्ती ६:२५-३४; १पत्रुस ५:७

फिलिप्‍पी 4:6 Cross References

१ राजा 8:28

मो हना यो परमप्रभु यावे, आं परमप्रभु इन गेय पाइब आं प्रार्थना नु आं पुंइशो लोव़ नेनीन। मुलाक्‍ती इन गेय पाइबमी इन ङोंइती ठेयब सेंदा पा पुंइशो लोव़ नेनीन।

२ इतिहास 32:20

मेना पिप हिज्‍कीयाह नु आमोज आ तौ परमप्रभु यावे आ लोव़ पाइब यसैयाम परमप्रभु कली ठेयब सेंदा पा पुन्‍से बाक्‍त।

भजन संग्रह 51:15

परमप्रभु आं कली लोव़ पपाइय्‍यीनी। मिनु गो इन कली ठेयब सेल्‍नुङ।

भजन संग्रह 55:17

गो सुनी, नाक्‍दो, नाक्‍ती श्‍येत जङानु, परमप्रभु कली आं श्‍येत आ पर्बम पुंइनुङ। मिनु मेकोमी आं लोव़ नेंब।

भजन संग्रह 55:22

इन थुं ङा श्‍येत नु मार पचा दो पचा देंतीके परमप्रभु यावे आ ङोंइती वोतीन। मिनु मेकोमी इन कली कुक्‍ब। मेकोमी ठीक पाइब आन कली गेनायो हिम्‍सीचा मगेब। १पत्रुस ५:७

भजन संग्रह 62:8

मुर नेल्‍ले, गेना हना यो परमप्रभु कली थमा सुतीन। मेको आ ङोंइती इन थुं ङा लोव़ देंनीन। मारदे हना परमप्रभु इं ख्रुइक्‍तीके बाक्‍ब। ठेयब सेंदा पा।

हितोपदेस 15:8

परमप्रभु यावे आ अरेशो मटीब आन चढ़ेशो तशा, परमप्रभु यावे ग्रांग्रा दी‍ब। तन्‍न रिम्‍शो थुं पाइश्‍शो मुर आन पुंइशो नेंशा ग्‍येरसीब। हितोपदेस २१:२७; यसैया १:११,१५; हितोपदेस २८:९; लूका १८:९-१४

हितोपदेस 16:3

इन पशो नेल्‍ल परमप्रभु यावे कली जिम्‍मा गेन। मिनु इन मिम्‍शो जाक्‍दीप्‍ब। भजन संग्रह ३७:३

ठेयब कुम्सो 2:14

पहाड मेर ङा पोव़ला मेर, सेरथे फुल्‍लु मेर बाक्‍ब आं दाक्‍शो ढुकुर, इ कुल कोंइदी। इ सेंदा नेंचा तङल। मारदे हना इ सेंदा रिम्‍शो बाक्‍ब। मिनु इ कुल दारशो बाक्‍ब।

येरमीया 32:16

मिनु गो नेरीयाह आ तौ बारुक कली मेको रू ग्‍याप्‍शो कागज गेङा नोले, गो परमप्रभु यावे कली एको लोव़ पा

येरमीया 33:3

मेकोमी “आं कली ब्रेत्‍ती। मिनु गो इ कली लोव़ लेत्‍नुङ। मिनु गो इ मतुइश्‍शो ठेयब नु ख्रुइश्‍शो थोव़क शेंनुङ” देंत।

दानीएल 3:16

मिनु शद्रक, मेशक नु अबेद-नेगोमी पिप कली “हजुर, पिप नेबुकदनेसर, गो मेको आ पर्बम इन कली मारेइ लोव़ पचा ममाल्‍नीकी।

दानीएल 6:10

मिनु दानीएलमी पिप दारामी मोपा ब्रेक्‍शा छाप थोक्‍शा ग्रुंइशो तुइश्‍शा, यरूसलेम गे कोव़शा सेल्‍शो खिं आ तला तारी लशा, पोक्‍च थेक्‍शा आ परमप्रभु कली प्रार्थना पाप्‍तु। मोपा नाक्‍त किंत किंत सां खेयप पार्थना पाप्‍तु। मिनु ङोंइती खोदेंशो पा परमप्रभु कली ठेयब सेल्‍‍तु। १रजा ८:४८

मत्ती 10:19

इन कली मोपा राप्‍पदमेनु, मार लोव़ पका? मार देंका? दे सुर्ता मपने। मार देंचा माल्‍बा, मेको लोव़ तुइक्‍पाइक्‍चा पुंइसीनीनी। प्रस्‍थान ४:१२; लूका १२:११-१२; प्रेरित ४:८

मत्ती 13:22

चू घारीम जुक्‍शा सुम्‍शो खोदेंशो बाक्‍त हना, लोव़ नेंब। तन्‍न दोपा ठेयब दुम्‍नुङा? दोपा क्‍येट चेमु? दे मिम्‍शा, आ थमा सुइक्‍तीके देक्‍ब। मिनु नेंशो लोव़मी फल मसिप्‍ब। मत्ती ६:१९-३४; १तिमोथी ६:९

मत्ती 6:34

मोपतीके दीसा मार दुम्‍बा, दे सुर्ता मपने। मारदे हना दीसा ङा श्‍येत दीसान दुम्‍ब। मुलाक्‍ती ङा श्‍येतम दीसा ङा श्‍येत मतेम्‍दीने। प्रस्‍थान १६:१९

मत्ती 6:8

मेको आन पशो खोदेंशो मपने। मारदे हना पुंइचा क्‍येङा ङोंइती इन आफोमी इन माल्‍शो तुइश्‍शो बाक्‍ब।

लूका 10:41

मिनु येसुमी मारथा कली “मारथा, आं लोव़ नेनो। इ थुंमी ग्‍येत्‍थ लुक्‍च मिम्‍शा, पीर पाइबाक्‍ते।

लूका 12:22

मिनु आ शेंसीब आन कली “मार जचा, मार फेक्‍चा, दे सुर्ता मपने।

लूका 12:29

मार जचा मार तूचा, दे थुंमी सुर्ता मपने।

लूका 18:1

मिनु येसुमी आ शेंसीब आन कली “परमप्रभु यावे कली पुंइचा नु ‘गे रिम्‍शो पाइब बाक्‍नीनी’ देंचा गेनायो मप्रोंइचा” दे रुप्‍पाइक्‍चा कली कथा सेला बाक्‍त। १थिस्‍सलोनिकी ५:१७

लूका 18:7

मारदे हना निसाफ पाइब आ पशो खोदेंशो पा परमप्रभु यावेमी आ योव़शो आन कली आन पुंइशो मगेबा ङा? मेकोपुकीमी नाक्‍त किंत किंत पुंइचा मप्रोंइथु बाक्‍नीम। मुल मगेप्‍तु हना, काबु ङा काबु गेब। मिनु ग्रापाइक्‍ब।

१ कोरिन्‍थी 7:21

मेना वाइलीम वाइल बाक्‍तीनी हना, वस्‍ता मपने। प्रोंइचा पुंइसाक्‍नी हना, ग्‍येरशा लने। फिलेमोन १६; एफिसी ६:६

१ कोरिन्‍थी 7:32

गे सुर्ता मपथु, थुं नाइश्‍शा बाक्‍शो तचा दाक्‍नुङ। ग्‍युंबे मपशो वोंइश मुरपुकीमी दोपा प्रभु आ दाक्‍शो पचा, दे मिम्‍नीम।

२ कोरिन्‍थी 1:11

मोपतीके परमप्रभु कली “श्‍येत रे प्रोंइयीकी” दे पुंइना पुंइन बाक्‍नीकी। मिनु गेपुकीमी यो “पावल नु आ वारच आन कली श्‍येत रे प्रोनीन” दे पुनीने। नोले आंइ कली श्‍येत रे प्रोंइशो तशा, शुश मुरुमी “गे रिम्‍शो पाइब ननी, आंइ पुंइशो गेतीकी, रिम्‍शो पाइतीनी” दे परमप्रभु कली ठेयब सेल्‍नीम, दे तुइक्‍नीकी। फिलिप्‍पी १:१९

एफिसी 5:20

मिनु गेपुकीमी मार दुम्‍त हना यो, गेना हना यो इं आफ परमप्रभु यावे कली “गे रिम्‍शो पाइतीनी” दे प्रभु येसु ख्रीस्‍त आ नेंमी देंचा माल्‍नीनी। थिस्‍सलोनिकी ५:१८

एफिसी 6:18

मिनु गेपुकीमी गेना हना यो परमप्रभु यावे आ सोक्‍तीमी पतीके परमप्रभु यावे नु लोव़ पशा पुनीन। पुंइचा मदथु, परमप्रभु यावे आ मुर नेल्‍ल आन पर्बम पुनीन।

कलस्‍सी 3:15

ख्रीस्‍त आ थुं इन थुंम नाइश्‍शा हुकुम पचा गेने। गेपुकी रां का ङा दुम्‍चा कली योव़सीशो बाक्‍नीनी। गेपुकीमी प्रभु कली “गे रिम्‍शो पाइब बाक्‍नीनी” दे शुश देनीन। फिलिप्‍पी ४:७; १कोरिन्‍थी १२:१३,२७; एफिसी ४:३-४

कलस्‍सी 3:17

मार मार लोव़पुकी, गेयपुकी, मारेइ मारेइ पनीनु, नेल्‍ल प्रभु येसु आ नेंमी पने। इं आफ परमप्रभु यावे कली “गे रिम्‍शो पाइतीनी” दे येसु आ नेंमी देनीन। १कोरिन्‍थी १०:३१

कलस्‍सी 4:2

गेपुकीमी प्रार्थना पचा मप्रोंइथु, पना पन बाक्‍कीन। परमप्रभु यावे कली “गे रिम्‍शो पाइब बाक्‍नीनी” देंचा मप्रेंदीन। रोमी १२:१२; १थिस्‍सलोनिकी ५:१७

१ तिमोथी 2:1

आं के नेल्‍ल क्‍येङा ठेयब अरेशो लोव़ मार बाक्‍ब देंशा हना, परमप्रभु यावे नु बाक्‍शा, मेको नु लोव़ पचा नु नेल्‍ल मुर आन पर्बम पुंइना पुंइन बाक्‍चा माल्‍नय। मेको आन पर्बम “गे मेको आन कली रिम्‍शो पाइतीनी” दे परमप्रभु यावे कली ठेयब सेल्‍चा माल्‍नय।

१ तिमोथी 5:5

आ वोंइश बेक्‍शो मीश मुर रिम्‍शो बाक्‍त हना, परमप्रभु यावे कली ला मिम्‍ब। मेकोमी नाक्‍दो नाक्‍त प्रार्थना पा पुंइना पुंइन बाक्‍ब। लूका २:३७

१ पत्रुस 4:7

रागी नु रागीमी बाक्‍शो मारेइ मारेइ नुप्‍चा चिक्‍शो बाक्‍तेक्‍म। मोपतीके इन गेय पचा ङोंइती मिम्‍शा नु आंम रां कली अरेशा प्रार्थना पने। १कोरिन्‍थी १०:११; १यूहन्‍ना २:१८

१ पत्रुस 5:7

गेपुकीमी “मार जाइनीकी? मार तूनीकी? मार फेक्‍नीकी? मार दुम्‍नीकी?” दे हिंशा, सुर्ता पचा ममाल्‍नीनी। मारदे हना परमप्रभु यावेमी इन कली कोव़ब। भजन संग्रह ५५:२१; मत्ती ६:२५; फिलिप्‍पी ४:६

१ सामुएल 1:15

मिनु हान्‍नाहमी “आं प्रभु, गो थुं खाइश्‍शो मीश मुर का बाक्‍नुङ। गो मारेइ अङगुर शांबु मतूङु। गो परमप्रभु यावे आ ङोंइती आं थुं ङा श्‍येत नेल्‍ल शोव़ता।

१ सामुएल 30:6

दाऊद कली हिंचा ङा दुम्‍शो बाक्‍त। मारदे हना मुरपुकीम मेको आन तमी तौ नेल्‍ल योल्‍ने थुम्‍तीके, दाऊद कली फुल्‍लु आप्‍शा साइक्‍नीकी देंशो बाक्‍मा बाक्‍त। तन्‍न दाऊदमी परमप्रभु यावे, आ परमप्रभु कली सक्ति पुना बाक्‍त।

१ सामुएल 7:12

मिनु सामुएलमी फुल्‍लु का लाइश्‍शा, मिस्‍पा नु येशाना आस दातेमी ख्रुक्‍गा बाक्‍त। मेको कली एबेन-एजेर नें वोइश्‍शा “परमप्रभु यावेम आंइ कली एक सम्‍म वारच पाप्‍तु” देंमाक्‍त।