फिलिप्‍पी 4:15 - Sunuwar Bible

¹⁵ ग्‍येरपाइक्‍ब लोव़ शेंचा ङोंइती मासीडोनीया रागी प्रोंइशा लङा नोले, सुइमी आं कली वारच मपामे, गे फिलिप्‍पीपुकीम ला पाइतीनी। गेपुकीम आं शेंशो ताइतीनी, मिनु इन वारच पशो गो ताता। २कोरिन्‍थी ११:९

फिलिप्‍पी 4:15 Cross References

२ राजा 5:16

मिनु परमप्रभु यावे आ लोव़ पाइबमी “गो आ गेय पशो, परमप्रभु यावे ब्रोंइशा बाक्‍शो खोदेंशो पा, गो मारेइ मब्राइनुङ” देंमाक्‍त। नामानम मेको कली ताक्‍कीन कि ताक्‍कीन देंमाक्‍त। मो हना यो मेको मबिस्‍से बाक्‍त।

२ राजा 5:20

परमप्रभु आ मुर एलीशा आ गेय पाइब गेहाजी आ थुंमी “एको आं होव़पमी दा एको अरामी नामान आ चाक्‍शो मारेइ मब्रथु लेश्‍शा कका सोइक्‍ताक्‍व। मुल गो परमप्रभु यावे ब्रोंइशा बाक्‍शो खोदेंशो पा, गो मेको आ नोले लशा मारेइ थोव़क ताक्‍नुङ” दे मिम्‍ता बाक्‍त।

प्रेरित 16:40

मिनु जेल्‍खान रे ग्रूशा, लिडीया आ खिं जाक्‍ताक्‍स। मिनु पावल नु आ वारचपुकीमी थमा सुइक्‍ब आन कली ग्रुम्‍शा, आन थुं बारपाइश्‍शा वोइश्‍शा गाक्‍तेक्‍म।

रोमी 15:26

मासीडोनीया नु आकाया रागीमी बाक्‍ब थमा सुइक्‍बपुकीमी “यरूसलेमम बाक्‍ब थमा सुइक्‍बपुकीमी जचा मतामे” देंशो नेंशा, क्‍येट पोक्‍शा गेतीमी। मोपतीके मेको आन कली क्‍येट चोव़थ लाइनुङ। १कोरिन्‍थी १६:१; २कोरिन्‍थी ८:१-४

फिलिप्‍पी 1:12

आं लोक्‍बपुकी, आं कली दुम्‍शो श्‍येतमी ग्‍येरपाइक्‍ब लोव़ ब्रपाइक्‍तु। १तिमोथी २:९

फिलिप्‍पी 1:16

मोपा शेंबपुकीमी आं कली दाक्‍शा, गो परमप्रभु यावे आ ग्‍येरपाइक्‍ब लोव़ पतीके एकेर बाक्‍नुङ, दे तुइक्‍नीम।

फिलिप्‍पी 1:5

ङोंइती रे मुल सम्‍म ग्‍येरपाइक्‍ब लोव़ पचा कली आं कली वारच पाइतीनी।

फिलिप्‍पी 1:7

नेल्‍ल इन पर्बम मोदेंशो मिम्‍चा ठीक बाक्‍ब। मारदे हना गो इन कली शुश दाक्‍नुङ। आं जेल्‍खानमी चोक्‍चा पुंइसीशो, निसाफ पची ना नु ग्‍येरपाइक्‍ब लोव़ शेंची ना गो इन कली मिम्‍नुङ। गो नेल्‍ल खाल का ङा शिशी ताइब बाक्‍नय।

फिलिप्‍पी 2:12

आं दाक्‍शो लोक्‍बपुकी, गेपुकीमी नेल्‍ल नाक्‍त आं देंशो टीतीनी। गो बाक्‍ङानु ला ममाइ, गो मबाक्‍ङानु यो मेको क्‍येङा शुश रिम्‍शो पने। गेपुकी हिंशा ख्रिंख्रि पा इन पाप रे ब्रोंइतीक गेय पने। १पत्रुस १:१७