फिलिप्‍पी 4:1 - Sunuwar Bible

¹ मोपतीके आं दाक्‍शो लोक्‍बपुकी, प्रभु कली थमा सुइश्‍शा, खोइल थेक्‍शा बाक्‍कीन। गो इन कली दाक्‍शा शुश मिम्‍नुङ। गेपुकीम आं कली ग्‍येरपाइश्‍शा, आं ग्रातीक सिरपेच खोदेंशो दुम्‍तीनी। २कोरिन्‍थी १:१४; १थिस्‍सलोनिकी २:१९-२०

फिलिप्‍पी 4:1 Cross References

अय्‍युब 31:36

थमा पा, गो मेको आं बलाम लाम्‍सीङ वा। गो मेको सिरपेच खोदेंशो पा गुक्‍सीङ वा।

भजन संग्रह 125:1

परमप्रभु यावे कली थमा सुइक्‍बपुकी सियोन डांडा खोदेंशो बाक्‍नीमी। मेको याक्‍ने मचाप्‍सीब। गेना हना यो बाक्‍ब।

भजन संग्रह 27:14

गो इ कली “परमप्रभु यावे आ वारच पतीके रिम्‍दो। बोल्‍यो दुमो। इ थुं बारपतो। मिनु परमप्रभु यावे आ वारच पतीके रिम्‍दो” दे कुम्‍सो पाता।

मत्ती 10:22

आं नें आ पर्बम नेल्‍लेमी इन कली मदाक्‍नीम। तन्‍न सु सुमी चहिं नोले सम्‍म फाल्‍शा बाक्‍नीमी, मेकोपुकी परमप्रभु यावे नु ब्रोंइशा बाक्‍चा ताइनीमी। २तिमोथी २:१२; मत्ती २४:९-१३

यूहन्‍ना 8:31

मिनु येसुमी आ कली थमा सुइक्‍ब यहूदी आन कली “गेपुकी आं देंशो पना पन बाक्‍तीनी हना, थमा पा आं शेंसीब ननी। यूहन्‍ना १५:७

प्रेरित 11:23

बारनाबास एन्‍टीओकम जाक्‍दीश्‍शा, परमप्रभु यावेमी शुश मुर आन कली शिशी पा आन थुं लेप्‍पाइश्‍शो तशा थाम्‍पा ग्‍येरसे बाक्‍त। मिनु मेको आन कली “मार दुम्‍त हना यो, प्रभु कली मप्रोंइचा, है” दे आन थमा सुइक्‍तीक थुं बारपाइक्‍मी बाक्‍त।

प्रेरित 14:22

मेको सांफा सहर ङा थमा सुइक्‍ब आन कली “मार दुम्‍त हना यो, थमा सुइक्‍चा मप्रोनीन। इन खोइल थेक्‍शा बाक्‍कीने। ख्रीस्‍त आ नेंमी शुश श्‍येत जचा पुंइसीशा ला परमप्रभु यावे आ राज्‍य ओव़चा ताइनय, दे रुपीने” दे आन थुं बारपदसे बाक्‍त। रोमी ५:३-५; १थिस्‍सलोनिकी ३:३

प्रेरित 2:42

मिनु नेल्‍ल काथा बाक्‍शा, सोइश्‍शोपुकीमी शेंशो लोव़ शेंसीशा, प्रभु भोज जशा, प्रार्थना पना पन बाक्‍बाक्‍मा बाक्‍त। प्रेरित २०:७

रोमी 2:7

सुमी परमप्रभु यावे आ राज्‍य माल्‍शा, रिम्‍शो गेय पना पन बाक्‍नीमी नु गेना हना यो ब्रोंइचा माल्‍नीमी, मेको गेना हना यो परमप्रभु यावे नु बाक्‍चा ताइनीम।

१ कोरिन्‍थी 15:58

मोपतीके आं दाक्‍शो लोक्‍बपुकी, इन खोइली थेक्‍शा, दल्‍गीर मपथु, प्रभु आ गेय पना पन बाक्‍कीन। प्रभु आ नेंमी पशो गेय गेनायो मोशीन मलाइब, दे तुइक्‍तीन।

१ कोरिन्‍थी 16:13

होस पा बाक्‍कीने। पोक्‍च थेक्‍शा थमा सुइश्‍शा बाक्‍कीन। ठेयब थुं पा बाक्‍कीने। सक्ति पाइश्‍शो गेय पना पन बाक्‍कीन। एफिसी ६:१०

२ कोरिन्‍थी 1:14

गे दोपा आंइ पर्बम इन नें बोरपाइक्‍ने चाप्‍नीनी, मोपान इं प्रभु येसु आ नाक्‍ती जाक्‍मेनु, गोपुकीमी इन कली तशा, आंइ नें बोरपाइक्‍ने चाप्‍नीकी। २कोरिन्‍थी ५:१२; फिलिप्‍पी २:१६

गलाती 5:1

ख्रीस्‍तमी रिती थिती पतीके लां खोइक्‍चा प्रोंइपा, थमा सुइक्‍तीके लां कोंइशा, इं थुं हिरताक्‍व। मोपतीके जवा लाप्‍शो खोदेंशो पा लेंशा रिती थिती पा वाइलीम वाइल मदुमीने। गलाती ४:५; प्रेरित १५:१०

फिलिप्‍पी 1:27

गे इन नाक्‍त किंत किंत ङा पतीकेमी ख्रीस्‍त आ ग्‍येरपाइक्‍ब लोव़ कली शिरशो दुम्‍शा बाक्‍कीन। गो गेपुकी नु बाक्‍ती हना यो, मबाक्‍ती हना यो, इन सोक्‍त का दुम्‍शा, इन थुं का दुम्‍शा, ग्‍येरपाइक्‍ब लोव़ ङा थमा सुइक्‍तीके गेय पा वारच पमुने।

फिलिप्‍पी 1:8

ख्रीस्‍त येसुमी आं कली दाक्‍पाइक्‍तीके थुं गेतीके गो इन कली ग्रुम्‍चा शुश दाक्‍ताक्‍ङ, परमप्रभु यावेमी मेको तुइक्‍ब।

फिलिप्‍पी 2:16

मोपा ब्रोंइचा गेब लोव़ मप्रोंइब दुम्‍‍नीनी। मिनु ख्रीस्‍त आ जाक्‍ची ना गो मो मगाक्‍ङ, मो गेय यो मपङ, दे ग्‍येरशा बाक्‍चा तङल। २कोरिन्‍थी १:१४; १थिस्‍सलोनिकी २:१९

फिलिप्‍पी 2:26

मेकोमी नेल्‍ल इन कली शुश मिम्‍ताक्‍व। मारदे हना गेपुकीमी “मेको रोइ पाप्‍तु” देंशो नेंतीनी ने। मोपतीके शुश सुर्ता पाप्‍तु।

कलस्‍सी 4:12

ख्रीस्‍त येसु आ गेय पाइब इन मुर इपाफ्रासमी इन कली “रिम्‍शो बाक्‍कीन” देंत। मेकोमी इन कली मिम्‍शा, परमप्रभु यावे कली “कलस्‍सी आन कली रुप्‍तीक थुं गेशा, इन दाक्‍शो नेल्‍ल तुइक्‍तमेक्‍ल” दे पुंइना पुंइन बाक्‍ब। कलस्‍सी १:७; फिलेमोन २३

१ थिस्‍सलोनिकी 3:13

मोपा प्रभु येसु आ मुर नु जाक्‍ची ना इन थमा सुइक्‍तीक थुं बारपाइश्‍शा, दोस गेचा मपुंइसीब, इं आफ परमप्रभु यावे आ ङोंइती रिम्‍शो सेलल। १कोरिन्‍थी १:८; फिलिप्‍पी १:१०

२ थिस्‍सलोनिकी 2:15

आंइ लोक्‍बपुकी, खोइल थेक्‍शा बाक्‍कीन। आंइ शेंशो मप्रोनीन। गो शोव़म शेंशो नु चिठीम ब्रेक्‍शा शेंशो मप्रोनीन। २थिस्‍सलोनिकी ३:६

२ तिमोथी 2:1

आं तौ, गे ख्रीस्‍त येसुमी बाक्‍शो शिशी मिम्‍शा, बोल्‍यो दुम्‍शा बाक्‍को। एफिसी ६:१०

हिब्रू 10:23

ठेयब थुं पशा आस पा बाक्‍य। मारदे हना लोव़ गेबमी मेको लोव़ दोपा यो खाप्‍ब, दे तुइक्‍नय। हिब्रू ४:१४

हिब्रू 3:14

इं ङोंइती नाक्‍त ङा थमा सुइक्‍तीके नोले सम्‍म मप्रोंइतय हना, गो ख्रीस्‍त नु थुं का ङा दुम्‍शा बाक्‍नय। हिब्रू ६:११

हिब्रू 4:14

तन्‍न गो इं के ठेयब चढ़ेब का बाक्‍ब। मेको स्‍वर्ग लाक्‍शा लाइब, परमप्रभु यावे आ तौ, येसु बाक्‍ब। इं थमा सुइक्‍तीके बोल्‍यो सेल्‍शा, गेनायो मप्रोंइय। हिब्रू ३:१; हिब्रू ९:११,१२; हिब्रू १०:२३

२ पत्रुस 3:17

मोपतीके आं दाक्‍शो लोक्‍बपुकी, गे मेको ङोंइती रे तुइश्‍शा, होस पा बाक्‍कीन। मोपा मबाक्‍तीनी हना, गेपुकी दूली शेंब आन दूली शेंतीके खोइश्‍शा, इन थमा सुइक्‍तीके साम्‍नीनी।