फिलिप्‍पी 3:18 - Sunuwar Bible

¹⁸ गो इन कली का निक्‍शी मुर आन पर्बम लोव़ पाता। मुल आं थुं खाइश्‍शा, ङाक्‍शा लोव़ पाइनुङ। मारदे हना मेकोपुकी ख्रीस्‍त आ जोरी सत्रु दुम्‍शा, आ बेक्‍शो आ पर्बम मारेइ ममिम्‍नीम। १कोरिन्‍थी १:२३; गलाती ६:१२

फिलिप्‍पी 3:18 Cross References

भजन संग्रह 119:136

गो ङाक्‍नुङ। मारदे हना मुरपुकीमी इन अरेशो लोव़ मटीम।

यसैया 8:11

मिनु परमप्रभु यावेमी आं गुइ ग्‍याइश्‍शा आं कली लोव़ पा “गे मेको मुर आन खोदेंशो मपावो। मेको आन लांम मगाक्‍को।

येरमीया 13:17

तन्‍न गेपुकीम मेको मनेंतीनी हना, गो इन ठेयब लेश्‍शो आ पतीके, गो आं थुंम सुइ आन मतुइक्‍चा ङा पा ङाक्‍नुङ। परमप्रभु यावे आ हुल ग्‍याइश्‍शा लाइक्‍चा पुंइसीतीके गो हुइ हुइ पा ङाक्‍नुङ। मिनु आं मिक्‍च रे प्रेक्‍कु दोक्‍ब। येरमीया ८:२३; येरमीया १४:१७; लूका १९:४१

येरमीया 9:1

परमप्रभुमी “आं पिया ब्‍वाक्‍कु बुक्‍तीक दुम्‍शो हना, नु आं मिक्‍ची प्रेक्‍कु बुक्‍तीक दुम्‍शो हना, गो नाक्‍दो नाक्‍ती ङाक्‍ङ वा। श्‍येत जशो साइश्‍शो आं मुर आन पर्बम ङाक्‍ङ वा। येरमीया १३:१७; लूका १९:४१

दानीएल 4:37

मुल गो, नेबुकदनेसरमी ‘स्‍वर्ग ङा पिप ठेयब बाक्‍ब’ दे मान पाइनुङ। मारदे हना आ पशो नेल्‍ल थमा बाक्‍ब। आ पतीके नेल्‍ल ठीक बाक्‍नीम। मेकोमी ठेयब लेश्‍शो मुर आन कली ब्रेम्‍शो सेल्‍ने चाप्‍ब” दे पिपमी देंत। लूका १:५१; लूका १८:१४

लेवी 11:16

ठेयब हुहुचील, ग्रीब बुक्‍स, ब्‍वाक्‍कुम बाक्‍ब चिक्‍ब, मिनु बाज नेल्‍ले,

लेवी 13:8

मिनु चढ़ेबमी लेंशा कोव़चा माल्‍ब। आ गार कुशुलम बारशा लशो बाक्‍त हना, चढ़ेबमी ‘मेको कली ग्रांग्रा दिशो बाक्‍ब’ देंचा माल्‍ब। मेको कोव़र खोदेंशो याक्‍सीब रोइ बाक्‍ब।

लूका 19:41

मिनु यरूसलेम सहर आ नेक्‍था जाक्‍शा, सहर तांइसेनु, येसु मेको सहर आ पर्बम ङाक्‍शा

प्रेरित 20:19

गो प्रभु आ वाइल दुम्‍शा, ठेयब मलेत्‍थु प्रभु आ गेय पना पन गाक्‍ती। मोपा गाक्‍ङानु, यहूदीपुकीमी खेदा पा शुश श्‍येत गेशा, आं थुं खाइक्‍पा ङाक्‍पाइक्‍तीमी।

रोमी 9:2

गो इं यहूदी लोक्‍ब आन कली तशा, आं थुं शुश खाइक्‍ती। मेको आन कली दो पङ, मार पङ देंशा आं थुं खुरसाक्‍यी।

१ कोरिन्‍थी 1:18

“ख्रीस्‍त पाप क्‍याम्‍चा कली साइक्‍चा पुंइसाक्‍व” देंशो लोव़ नेंशा, नरक लाइबपुकीमी “मूर्ख लोव़ बाक्‍ब” देंनीम। गो पाप रे ब्रोंइशोपुकीमी चहिं “एको लोव़म परमप्रभु यावे आ सक्ति बाक्‍ब” दे तुइक्‍नय। २कोरिन्‍थी ४:३; रोमी १:१६

१ कोरिन्‍थी 6:9

ठीक मपाइबपुकी परमप्रभु यावे आ राज्‍य ओव़चा मताइनीम दे मतुइक्‍नीनी? दूली ममिम्‍तीने। मरिम्‍शो पाइबपुकीमी दोदेंशो पाइनीम देंशा हना, पात्‍के, तेल्‍लेम पाइनीमी, मूर्ति कली पूजा पाइनीमी, मुर आन मीश लाइक्‍नीमी, वोंइश मुर वोंइश मुर ब्‍वांइ‍सीनीमी, १तिमोथी १:९-११; गलाती ५:१९-२१

२ कोरिन्‍थी 11:13

मेकोपुकी परमप्रभु यावे आ सोइश्‍शो मनम। ख्रुइश्‍शा जोल पा गेय पाइनीम। ख्रीस्‍त आ सोइश्‍शो दुम्‍खु पा शेंथ गाक्‍नीम। २कोरिन्‍थी २:१७

२ कोरिन्‍थी 11:29

मुरुमी “मचाप्‍नीकी” देंनीम। गो चहिं गेना हना यो चाप्‍नुङा ङा? मुरुम पाप पाम्‍तेक्‍म हना, गो शुश सुर्ता पाइनुङ।

२ कोरिन्‍थी 2:4

एको चिठी ब्रेक्‍तुनु, आं थुं खाइश्‍शा “दोपा अर्ती गेङमी? हुइश्‍शा रिम्‍शो दुम्‍नीमी कों? दोपा रिम्‍शो दुम्‍नीमी?” दे इन कली शुश मिम्‍शा, ङाक्‍थ्री दुम्‍ती। इन थुं खाइक्‍पाइक्‍चा कली ममाइ, इन कली दाक्‍तीके मोदेंशो दुम्‍त, दे मिम्‍तीन।

गलाती 1:7

थमा लोव़ चहिं का ला बाक्‍ब, दे रुपीन। ख्रीस्‍त आ ग्‍येरपाइक्‍ब लोव़ दूली पा शेंबपुकी जाक्‍शा, आन दूली शेंशोमी इन थुं क्‍याल्‍पाइक्‍तेक्‍म। प्रेरित १५:१,२४

गलाती 2:14

मिनु मेको आन मोदेंशो पशो चहिं ख्रीस्‍त आ लोव़ नु मगारब देंती। मोपतीके मेको आन कली खुप्‍शा, केफास कली “गे यहूदी नवे। तन्‍न इं यहूदी बुद पा आन पतीके पचा प्रोंइशा, अर्को रागी ङा मुर खोदेंशो दुम्‍ते। मोपतीके अर्को रागी ङा मुर आन कली इं यहूदी रिती थिती पपाइक्‍चा दुम्‍बा?

गलाती 2:21

परमप्रभु यावेमी मो गेशो शिशी खेर मसोइक्‍नुङ। यहूदी आन पतीके पाप रे ब्रोंइसीब हना, ख्रीस्‍त साइक्‍चा पुंइसीशा बेक्‍शो शोर गाक्‍शो मदुम्‍बा ङा?” दे केफास नु मेकेर देल्‍शा बाक्‍ब आन कली माइक्‍तामी।

गलाती 5:21

गेहे पाइनीमी, तूशा दुक्‍शा हेंथे पाइनीमी, शुश जाइनीमी। मारेइ मारेइ मरिम्‍शो पशा गाक्‍नीम। साइ गोमी मोदेंशो गेय पाइबपुकी परमप्रभु यावे आ राज्‍य ओव़चा मताइनीम, दे शेंताक्‍न्‍नी। मुल लेंशा मिम्‍पाइक्‍तन्‍नी। एफिसी ५:५; प्रकाश २२:१५

गलाती 6:12

दूली शेंबपुकीमी ख्रोइक्‍तीक चिनु ख्रोइक्‍चा माल्‍ब देंशा, इन कली यहूदी रिती थिती पपाइक्‍चा माल्‍नीम। “ख्रीस्‍त शीम केप्‍शा कांटी थोक्‍शा साइक्‍चा पुंइसाक्‍व” दे शेंतीक लोव़ आ पर्बम खेदा पचा पुंइसीब, दे तुइक्‍नीम। मोपतीके खेदा पचा मपुंइसेक्‍ल, दे दूली लोव़ शेंनीम। गलाती ५:११

गलाती 6:14

नें बोरपाइक्‍चा दा गो यो आं नें बोरपाइश्‍शा गाक्‍ती। तन्‍न मुर आन पशो तशा ममाइ। इं प्रभु येसु ख्रीस्‍त इं पा ङा शीम केप्‍शा कांटी थोक्‍शा साइक्‍चा पुंइसीशा, इं पाप क्‍याम्‍ताक्‍व, दे ख्रीस्‍त आ पशो मिम्‍शा, आं नें बोरपाइश्‍शा गाक्‍ती। ख्रीस्‍त आ गेय ङा लाक्‍शा मारेइ ठेयब ममिम्‍नुङ। रागी ङा मिम्‍तीक पतीक नेल्‍ल बेक्‍शो खोदेंशो मिम्‍ताक्‍ङ। रागीमी यो आं कली बेक्‍शो खोदेंशो मिम्‍ताक्‍व। १कोरिन्‍थी १:३१; १कोरिन्‍थी २:२

एफिसी 4:17

परमप्रभु यावे कली मतुइक्‍ब मुरपुकी जाम्‍शा लाइब गेय ला मिम्‍शा पाइनीम। मिनु गेपुकी मुल रे मेको आन खोदेंशो मपने, दे प्रभु आ नेंमी इन कली रिम्‍शो पा अरेनुङ। रोमी १:२१-२४

फिलिप्‍पी 1:4

गो परमप्रभु यावे नु लोव़ पङानु, गेना हना यो नेल्‍ल इन कली मिम्‍शा, ग्‍येरशा पाइनुङ।

१ थिस्‍सलोनिकी 4:6

सुइ वोंइश मुरुम आ लोक्‍ब कली मोदेंशो पा श्‍येत मगेवल। मारदे हना प्रभुमी मोदेंशो पाइब आन कली क्‍येक्‍क लेप्‍ब, दे ङोंइती रे इन कली शेंताक्‍क। लेवी १९:११

२ थिस्‍सलोनिकी 3:11

इन दातेमी का निक्‍शीमी काइ गेय मपथु, हिरशा गाक्‍शा मो बाक्‍नीम, देंशो नेंतक।

२ पत्रुस 2:10

मिनु सु सु आन दला दाक्‍स नु ग्रांग्रा दिचा ङा गेय पाइनीमी नु अधिकार गेशो आन कली मटीनीमी, मेकोपुकीमी नेल्‍ल क्‍येङा शुश सजाइ ताइनीम। मोदेंशो जोल पा शेंब काइ महिंब दुम्‍शा, ठेयब लेश्‍शा, थमा सुइक्‍ब आन कली शुक्‍शी पचा महिंनीम।

यहूदा 1:13

मेको समुन्‍द्र ङा ठेयब हिंचा ङा छाल खोदेंशो बाक्‍नीम। आंम मुने ङा बोग्‍यो ग्रुंइनीम। दोक्‍शो सोरुल खोदेंशो बाक्‍नीम। मेको आन कली नेल्‍ल क्‍येङा मरिम्‍शो छिङछिङ ङा बाक्‍तीके वोइश्‍शो बाक्‍ब। यसैया ५७:२०