फिलिप्‍पी 3:14 - Sunuwar Bible

¹⁴ परमप्रभु यावेमी ख्रीस्‍त येसु आ नेंमी आ बाक्‍तीके रे इनाम गेचा कली मार देंमे, मेकोन शुश पाइनुङ। १कोरिन्‍थी ९:२४

फिलिप्‍पी 3:14 Cross References

लूका 16:16

साइ ङोंइती रे परमप्रभु यावे आ अरे‍शो लोव़ नु आ लोव़ पाइब आन ब्रेक्‍शो यूहन्‍ना आ पाला सम्‍म शेंताक्‍म। यूहन्‍ना जाक्‍म रे परमप्रभु यावे आ राज्‍य ङा लोव़ नेंपाइक्‍नीम। मिनु शुश मुरुमी मेको लोव़ नेंशा, थमा सुइश्‍शा, परमप्रभु यावे आ राज्‍यम ओव़चा बोल पाइनीम। मत्ती ११:१२-१३

रोमी 11:29

परमप्रभु यावेमी गेशो नु आ योव़तीक गेनायो मजाम्‍ब। गन्‍ती २९:१३

१ कोरिन्‍थी 9:24

इनाम तांइसीब, दे दोरबपुकी “ङोंइती जाक्‍दीत्‍नुङ” दे मिम्‍शा दोरनीम। दोरमानु, नेल्‍ल क्‍येङा ङोंइती जाक्‍दीप्‍बम ला इनाम ताइब दे मतुइक्‍नीनी? मोपतीके गे यो इनाम तकल दे मिम्‍शा दोरीने। २तिमोथी ४:७; फिलिप्‍पी ३:१४

२ कोरिन्‍थी 4:17

मारदे हना मुल जशो श्‍येत इच्‍का ला बाक्‍ब। नोले मेकोमी इं कली मरुप्‍चा ङा ठेयब छेङछेङमी बाक्‍चा गेब। रोमी ८:१७-१८; १पत्रुस १:६

फिलिप्‍पी 3:3

मारदे हना गोपुकी थमा ख्रोइक्‍तीक चिनु ङा मुर बाक्‍नय। गोपुकीमी परमप्रभु यावे आ सोक्‍त आ पतीकेमी खुम्‍की पा बाप्‍शा, परमप्रभु यावे कली गेय पशा, ख्रीस्‍त येसु आ पतीकेमी ग्‍येरस‍य। मुर आ पतीकेमी थमा मसुइय्‍य। रोमी २:२९

कलस्‍सी 2:18

सुइमी इन कली “मतुइक्‍ब मुर ननी” देंचा मगेने। मेकोपुकीमी आंम मिम्‍शो प‍शो बाक्‍नीम, स्‍वर्ग ङा गेय पाइब आन कली सेउ पचा माल्‍नीनी, दे शेंनीमी। “गो ङोमु खोदेंशो पा ततीके तुइक्‍ताक्‍क” देंनीमी। मेको मुरपुकी मो ठेयब लेश्‍शा बाक्‍शा, आन मिम्‍शो ला शेंनीम।

१ थिस्‍सलोनिकी 2:12

“परमप्रभु यावे आ मुर दुम्‍शा, मेको आ ङोंइती शिरशो दुम्‍शा बाक्‍कीन” दे इन कली पन कि पन, दे शेंशा शुश अरेतक। परमप्रभु यावेमी इन कली आंम राज्‍य नु आ छेङछेङमी बाक्‍चा गेचा कली ब्रेप्‍ब। एफिसी ४:१-२; फिलिप्‍पी १:२७

२ तिमोथी 1:9

परमप्रभु यावेमी सैतान रे प्रोंइशा “आं मुर नम” दे ब्रेत्‍ताक्‍व। इं रिम्‍शो पतीके कोव़शा ममाइ, आ माल्‍शो नु शुश ङोंइती रे ख्रीस्‍त येसुमी इं कली गेशो दाक्‍तीके आ पर्बम ब्रेत्‍ताक्‍व। तीतस ३:५

हिब्रू 3:1

मोपतीके परमप्रभु यावे आ मुर, आं लोक्‍बपुकी, गे यो स्‍वर्ग रे ब्रेत्‍चा पुंइसीशो बाक्‍नीनी। सोइश्‍शो, दे नें वोइक्‍चा पुंइसीशो नु इं थमा सुइक्‍तीक ङा नेल्‍ल क्‍येङा ठेयब चढ़ेब येसु कली मिम्‍तीने। हिब्रू ४:१४

हिब्रू 6:1

मोपतीके ख्रीस्‍त आ पर्बम शेंचा माल्‍शो लोव़ लेंशा मशेंचा। में क्‍येङा लाक्‍शा पाको दुम्‍य। ङोंइती शेंचा माल्‍शो लोव़ चहिं मार बाक्‍ब देंशा हना, मरिम्‍शो गेय पचा प्रोंइशा, आन थुं परमप्रभु यावे गे लेत्‍चा, परमप्रभु यावे कली थमा सुइक्‍चा, ब्‍वाक्‍कुम ख्रुम्‍शा ग्रुंइपांइसीचा,

१ पत्रुस 1:13

मोपतीके इन थुं फ्रेंदीन। गेय पचा ङोंइती मिम्‍तीन। येसु ख्रीस्‍त जाक्‍मेनु, इन कली शिशी पाइब, दे आस पा बाक्‍कीन। लूका १२:३५-३६

१ पत्रुस 5:10

मिनु का निक्‍शी नाक्‍त श्‍येत जनी नोले नेल्‍ल शिशी पाइब परमप्रभु यावेमी “गेना हना यो छेङछेङमी बाक्‍चा गेनुङमी” दे ख्रीस्‍त आ नेंमी इन कली ब्रेश्‍शो बाक्‍त। मेकोमी इन कली आ राज्‍यम गारचा ङा सक्ति पाइश्‍शो नु ठीक सेल्‍ब। १पत्रुस १:६

२ पत्रुस 1:3

परमप्रभु यावे आ सक्तिमी ब्रोंइचा नु परमप्रभु यावे आ ङोंइती बाक्‍चा कली मार मार माल्‍या, मेको नेल्‍ल इं कली मो गेप्‍तु। दोपा गेप्‍तु देंशा हना, मेको कली तुइक्‍तीके गेप्‍तु। आ छेङछेङमी बाक्‍चा नु आ पतीके नेल्‍ल पचा कली योव़तु। १पत्रुस २:४

प्रकाश 3:21

सु सुमी सैतान कली ग्रानीमी, मेको आन कली आं ठेयब नित्‍तीकेमी निप्‍पाइक्‍नुङ। गो ङोंइती ग्राती। मोपा गो आं आफ आ ठेयब नित्‍तीकेमी आफ नु निस्‍साक्‍यी। मत्ती १९:२८