फिलिप्‍पी 3:11 - Sunuwar Bible

¹¹ दुम्‍ने चाप्‍ब हना, गो यो बेक्‍शो रे सेंसीने चबुल, देंती।

फिलिप्‍पी 3:11 Cross References

भजन संग्रह 49:7

सुइमी आंम लोक्‍ब कली क्‍येट थाप्‍शा, बेक्‍चा रे प्रोंइने मचाप्‍ब। मोपा मेकोमी परमप्रभु कली शुश क्‍येट थाप्‍शा आ गिंम प्रोंइने मचाप्‍ब। मीका ६:६-८; मत्ती १६:२६

लूका 14:14

मिनु मेकोपुकीमी इ देदेङ लेन्‍ने मचाप्‍नीम। तन्‍न परमप्रभु यावेमी निसाफ पची ना इ पशो नेल्‍ले ताइनेवे” देंमाक्‍त। १कोरिन्‍थी १५:२३; प्रेरित २४:१५

यूहन्‍ना 11:24

मिनु मारथामी “नोले ङा नाक्‍ती आंस लोक्‍ब सेंसीब दे गो तुइक्‍नुङ” देंत।

प्रेरित 23:6

मिनु पावलमी कछडीम बाक्‍बपुकी का निक्‍शी सदुकी, का निक्‍शी फरिसी बाक्‍नीम, दे तुइश्‍शा, ठेयब सेंदा पा “आं लोक्‍बपुकी, गो फरिसी नङ। गो फरिसी आ तौ नङ। बेक्‍शो रे सेंसीशा ब्रोंइचा तांइसीब, दे थमा सुइश्‍शो लोव़मी आं कली दोस गेशा, मुददा कोप्‍ताक्‍यीमी” देंमाक्‍त। प्रेरित २२:३; प्रेरित २६:५; गलाती १:१४

प्रेरित 26:7

मिनु मेको लोव़ नेल्‍ल खाप्‍ब, दे आंइ १२ थर ङा यहूदी नेल्‍लेमी थमा सुइश्‍शा, परमप्रभु यावे कली नाक्‍दो नाक्‍त ठेयब सेल्‍शा बाक्‍नीकी। मेको आन थमा सुइश्‍शो खोदेंशो पा गो यो थमा सुइक्‍ब का नङ। मेको थमा सुइश्‍शो आ पर्बम आं कली दोस गेतीमी, अग्रीप्‍पा सरकार। प्रेरित २४:१५

प्रेरित 27:12

मेकोपुकीमी “हिउंदमी एकेर बाक्‍चा मदुम्‍ब” देंतेक्‍म। मो देंमानु, अरुमी यो “मो हना फोनीक‍स गे लचा” देंतेक्‍म। फोनीकसमी जाक्‍दीन्‍ने चाप्‍नय। मिनु मेकेरेन हिउंद लाक्‍चा रिम्‍शो दुम्‍ब देंतीके लाइतक। फोनीकस चहिं क्रेट टापु ङा नेल्‍ल क्‍येङा पच्‍छिममी बाक्‍ब।

रोमी 11:14

मारदे हना अर्को रागी ङा मुर आन कली थमा सुइश्‍शो तशा, आं जात ङा मुर का निक्‍शीमी यो रुश पा थमा सुइक्‍नीमी कों, दे आस पा बाक्‍ती।” १कोरिन्‍थी ९:२०-२२; १तिमोथी ४:१६

१ कोरिन्‍थी 15:23

मिनु नेल्‍ल का का पा सेंसीनीम। ङोंइती ख्रीस्‍त सेंसाक्‍व। मिनु नोले आ जाक्‍ची ना मेको कली थमा सुइक्‍बपुकी सेंसीनीम। १थिस्‍सलोनिकी ४:१६-१७

१ कोरिन्‍थी 9:22

गो बोल मपाइश्‍शो मुर आन कली शेंशा, ख्रीस्‍त आ लोव़ रुप्‍पाइश्‍शा, आ मुर दुम्‍मल, दे गो बोल मपाइश्‍शो खोदेंशो दुम्‍ती। का निक्‍शी ख्रीस्‍त आ लोव़ रुप्‍‍शा, आ मुर दुम्‍मल, दे गो मेको नेल्‍ल आन खोदेंशो दुम्‍ती। रोमी ११:१४

१ कोरिन्‍थी 9:27

तन्‍न आं रां कली हेंथे पचा मगेथु, गेय पाइब वाइल खोदेंशो सेल्‍नुङ। मारदे हना अरु आन कली मोदेंशो शेंताक्‍ङमी। मिनु गो आंम आं देंशो मपाता हना, आं कली सुइमी महिक्‍नीम। रोमी १३:१४

२ कोरिन्‍थी 11:3

बुस्‍सुमी हव्‍वा कली मिलो शिलो पा जोल पा आ थुं हिरपा, परमप्रभु यावे कली मटीब सेल्‍शो खोदेंशो पा, दूली शेंबपुकीमी इन थुं क्‍याल्‍शा, ख्रीस्‍त कली दाक्‍चा रे हेंथे लां खोइक्‍पाइक्‍नीम। उत्‍पत्ती ३:४,१३

१ थिस्‍सलोनिकी 3:5

गो इन कली श्‍येत जशो तशा फाल्‍ने मचबु। मोपतीके तिमोथी कली इन थमा सुइक्‍तीक दोपा बाक्‍म, दे तुइक्‍चा कली कोव़थ सोइक्‍ताक्‍ङ। मुर आन कली पाप पपाइक्‍बमी इन कली बिग्रेवा कों, आंइ पशो गेय यो मोशा लम कों, दे गो हिंती। फिलिप्‍पी २:१६

२ थिस्‍सलोनिकी 2:3

इन कली दूली शेंतीके शेंब आन कली थमा मसुतीन। मारदे हना प्रभु येसु ख्रीस्‍त आ नाक्‍त जाक्‍चा क्‍येङा ङोंइती परमप्रभु यावे कली मटिथु नेल्‍ल क्‍येङा मरिम्‍शो पाइब का ग्रूब। मेको कली जाम्‍शा लाइब आ तौ यो देंनीम। १तिमोथी ४:१; १यूहन्‍ना २:१८

२ तिमोथी 4:8

मुल रे ठीक पतीके ङा सिरपेच गुप्‍चा दे आं कली वोइश्‍शो बाक्‍त। प्रभु ठीक निसाफ पाइब बाक्‍ब। मेकोमी आं कली आ नाक्‍तीम सिरपेच गेब। आं कली ला ममाइ, सु सुमी आ जाक्‍शो दाक्‍नीमी, मेको आन कली यो गेब। २तिमोथी २:५; १पत्रुस ५:४; याकूब १:१२; प्रकाश २:१०; मत्ती २५:२१

हिब्रू 11:35

मीश मुरपुकीमी आन तौ बेक्‍शा लशा, बेक्‍शो रे सेंसीशो तामे बाक्‍त। मिनु मेको आलपुकी एको रागीम ब्रोंइमा बाक्‍त। कोइमी “बेक्‍शा नोले बेक्‍शो रे सेंसीशा गेनायो मबेक्‍सीब, ग्‍येरशा बाक्‍चा तांइसीब” दे थमा सुइश्‍शा, श्‍येत जशा यो फाल्‍शा बाक्‍मा बाक्‍त। शुश श्‍येत जशा तुप्‍चा पुंइसमा बाक्‍त हना यो “थमा सुइक्‍चा प्रोंइनीकी” दे मदेंमा बाक्‍त। “थमा सुइक्‍चा प्रोंइनीकी” देंशो नम हना, प्रोंइशा सोइक्‍तेम वा। “थमा सुइक्‍चा मप्रोंइनीकी” देंशोमी श्‍येत जना जन साइक्‍चा पुंइसमा बाक्‍त। १राजा १७:१७-२४; २राजा ४:८-३७;

प्रकाश 20:5

मिनु अर्को लीशो मुरपुकी चहिं हजार का बर्स नोले ला सेंसीनीम। मेको ङोंइती ङा सेंसीतीके बाक्‍ब। १थिस्‍सलोनिकी ४:१६