फिलिप्‍पी 3:1 - Sunuwar Bible

¹ आं दाक्‍शो लोक्‍बपुकी आं नोले ङा लोव़ मार बाक्‍ब देंशा हना, प्रभु नु बाक्‍शा ग्‍येरसीने। मोदेंशो लोव़ गो इन कली ब्रेक्‍ना ब्रेक्‍न बाक्‍ती हना यो, श्‍येत ममिम्‍नुङ। मेको इन कली बोल्‍यो दुम्‍चा कली बाक्‍ब। फिलिप्‍पी २:१८; फिलिप्‍पी ४:४

फिलिप्‍पी 3:1 Cross References

१ इतिहास 15:28

मोपा इस्राएली नेल्‍लेमी ठेयब रेयके पा नु ग्रोव़, तुराही, बुप्‍केल, तार पाइश्‍शो ताप्‍तीके नु बीना ताप्‍शा परमप्रभु यावे आ कबल पशो सन्‍दोस कुइश्‍शा कु‍मा बाक्‍त।

१ इतिहास 16:10

मेको आ ठेयब नें आ पर्बम ग्‍येरसीन। परमप्रभु यावे कली माल्‍बपुकीमी ग्‍येरसीन।

१ इतिहास 29:22

मेको नाक्‍त शुश ग्‍येरसीशा परमप्रभु यावे आ ङोंइती जशा, तूङमे बाक्‍त। मिनु नोले मेकोपुकीमी दाऊद आ तौ सोलोमन कली लेंशा पिप सेल्‍मे बाक्‍त। मिनु सोलोमन कली तेल लुक्‍शा पिप सेल्मे बाक्‍त। मिनु सादोक कली चढ़ेब सेल्‍मे बाक्‍त। १इतिहास २३:१

नेहेम्‍याह 8:10

मिनु मेकोपुकीमी मुर आन कली “मुल गे नेल्‍ल लने। ब्रोव़शो ब्रोव़शो जने ब्‍वने, तूङीन। मिनु मथीब आन कली यो मार मार सोइक्‍तीने। मारदे हना मुलाक्‍ती आंइ परमप्रभु आ ठेयब नाक्‍त बाक्‍ब। हिशेक मपने। मारदे हना परमप्रभु यावे आ गेशो ग्‍येरतीकेमी इन थुं बारपाइक्‍ब” देंतेक्‍म।

अय्‍युब 22:26

मेना नेल्‍ल क्‍येङा ठेयब सक्ति पाइश्‍शो कली मिम्‍शा, ग्‍येरशा बाक्‍नीनी। मिनु गे इन पिया पोक्‍शा परमप्रभु गे कोव़नीनी।

भजन संग्रह 149:2

इस्राएल आ कली सेल्‍ब आ पर्बम ग्‍येरसेक्‍ल। सियोन ङा मुर आन पिप आ पर्बम ग्‍येरसमल। भजन संग्रह १००:३; भजन संग्रह ९३:१

भजन संग्रह 32:11

गे ठीक पाइबपुकी, परमप्रभु यावे कली मिम्‍शा ग्‍येरसीने। रिम्‍शो थुं पाइश्‍शोपुकी ग्‍येरशा, कुम्‍सो पने।

भजन संग्रह 33:1

ठीक पाइबपुकी परमप्रभु यावे कली मिम्‍शा ग्‍येरसीने। रिम्‍शो थुं पाइश्‍शोपुकीमी परमप्रभु यावे कली ठेयब सेल्‍तीक कुम्‍सो पचा शिरनीम।

भजन संग्रह 37:4

परमप्रभु यावे कली तुइश्‍शा, ग्‍येरसीने। मेकोमी इन थुंम पुंइशो गेब। भजन संग्रह २०:५

भजन संग्रह 42:4

मिनु गो मेको नेल्‍ल मिम्‍शा, परमप्रभु, इन खिं लाइब शुश मुर आन कली लां कोंइशा, मेकोपुकी नु लना लन बाक्‍ङानु, ग्‍‍येरसीशा “गे रिम्‍शो पाइब बाक्‍नीनी” दे गो नेल्‍लेमी कुम्‍सो पा चाड मानेतक। भजन संग्रह २७:४

भजन संग्रह 5:11

सुमी इन कली थमा सुइक्‍नीमी, मेको ग्‍येरसीनीम। मेकोपुकी गेना हना यो शुश ग्‍येरशा, इन खाल पतीकेमी ग्‍येरशा बाक्‍नीम। मिनु इन कली तुइश्‍शा, इन नें दाक्‍शा, ग्‍येरशा कुम्‍सो पाइनीम।

भजन संग्रह 97:1

परमप्रभु यावे पिप बाक्‍ब। रागी ग्‍येरसेक्‍ल। ङोन ङोन ङा रागी ङा मुरपुकी यो ग्‍येरसीमल। भजन संग्रह ९३:१

यसैया 41:16

गे मेको आन कली हारशा, फशेम योल्‍पाइक्‍नेवे। मिनु फश गिवारम मेको आन कली एर ओंथ फ्रशा योल्‍ब। मेना गे परमप्रभु यावे कली तुइश्‍शा, ग्‍येरनेवे। इस्राएली आन का ला बाक्‍शो परमप्रभु आ मुर दुम्‍‍शा, ग्‍येरसीनेवे” देंत।

यसैया 61:10

गो परमप्रभु यावे कली मिम्‍शा, ग्‍येरसीनुङ। आं थुं नेल्‍लेमी आं परमप्रभु कली मान पाइनुङ। मारदे हना मेकोमी आं कली पाप रे प्रोंइतीके वा खोदेंशो पा फेक्‍पाइश्‍शा, ठीक पतीकेमी सुम्‍ती। दोदेंशो पा ग्‍युम्‍लेम माहुर चुइक्‍सीबा नु ग्‍युम्‍लीम ग्‍योम्‍सीबा, मोदेंशो पा परमप्रभु यावेमी आं कली ग्‍योम्‍ताक्‍यी। मत्ती २२:११-१२

यसैया 65:14

आं गेय पाइबपुकी थुंम ग्‍येरसीशा, कुम्‍सो पाइनीमी। गेपुकी चहिं श्‍येत जशा, इन थुं लुक्‍च लशा खाइश्‍शा, वाइ ब्रेश्‍शा ङाक्‍नीनी।

योएल 2:23

गे सियोन ङा मुरपुकी ग्‍येरसीन। गेपुकी परमप्रभु यावे, इन परमप्रभु आ पर्बम शुश ग्‍येरसीन। मारदे हना मेकोमी आ ठीक पतीकेम इन कली ङोंइती ङा रेउ गेशो बाक्‍त। मेकोमी इन कली शुश रेउ गेशो बाक्‍त। ङोंइती नु नोले ङा रेउ ङोंइती खोदेंशो पा गेशो बाक्‍त। येरमीया ५:२४

सेफन्‍याह 3:14

सियोन आ तमी, ठेयब सेंदा पा कुम्‍सो पावो। इस्राएल, ठेयब सेंदा पा ग्रीङो। यरूसलेम आ तमी इ थुं नेल्‍लेम ग्‍येरशा सोम्‍शा बाक्‍को।

सेफन्‍याह 3:17

परमप्रभु यावे, इन परमप्रभु इन दातेमी बाक्‍ब। मेको बोल्‍यो बाक्‍शा, श्‍येत रे प्रोंइब बाक्‍ब। मेको इन कली तशा, शुश ग्‍येरशो बाक्‍ब। मेकोमी आ दाक्‍तीकेमी इन कली नक मुर सेल्‍ब। मेकोमी इन कली तशा ग्‍येरशा कुम्‍सो पाइब। यसैया ६२:५

जकरिया 10:7

मिनु एफ्राइम आ खिं ङा मुर लडाइ पाइब खोदेंशो पा बोल्‍यो दुम्‍नीम। अङगुर शांबु तूशो खोदेंशो पा ग्‍येरसीनीम। आन आलपुकीम मेको तशा शुश ग्‍येरसीनीम। मेकोपुकीमी ‘गो परमप्रभु यावे आ मुर नय’ दे शुश ग्‍येरसीनीम।

मत्ती 5:12

ग्‍येरसीने। मारदे हना स्‍वर्गमी इन कली ठेयब इनाम वोइश्‍शो बाक्‍ब। साइ नेसी रे मुल सम्‍म परमप्रभु यावे आ लोव़ पाइब आन कली खेदा पा श्‍येत गेस ङा गेस पाम्‍तेक्‍म। हिब्रू ११:३३-३८; याकूब ५:१०

लूका 1:47

मारदे हना मेको आं कली श्‍येत रे प्रोंइब, परमप्रभु बाक्‍ब। गो ग्‍येरसीनुङ।

रोमी 5:11

मेको ला ममाइ, इं प्रभु येसु ख्रीस्‍तम इं पशो पाप रे प्रोंइतीके आ पर्बम परमप्रभु यावे आ मुर दुम्‍शा ग्‍येरनय।

२ कोरिन्‍थी 13:11

आं लोक्‍बपुकी, मुल रिम्‍शो बाक्‍कीन। रिम्‍शो पने। आं लोव़ नेंशा टीब दुमीने। इन दातेमी गारमुने। थुं नाइश्‍शा बाक्‍कीने। दाक्‍तीक नु थुं नाइक्‍तीक गेब परमप्रभु यावे गेपुकी नु बाक्‍ल। फिलिप्‍पी ४:४; रोमी १५:३३

एफिसी 6:10

मिनु आं नोले ङा लोव़, प्रभु कली तुइश्‍शा सक्ति पाइश्‍शो मुर दुमीन। मोपा प्रभु आ सक्तिमी बोल्‍यो दुम्‍शा बाक्‍कीन। एफिसी ३:१६; १कोरिन्‍थी १६:१३; २तिमोथी २:१; १यूहन्‍ना २:१४

ब्‍यवस्‍था 12:18

तन्‍न परमप्रभु यावे, इन परमप्रभु आ ङोंइती, आ योव़शो बाक्‍तीकेमी मेको गेपुकी नु इन तमी तौ, वाइलीम वाइल नु इन सहरम बाक्‍शो लेवीपुकी नु जने ब्‍वने। गेपुकी इन पशो नेल्‍लेमी परमप्रभु यावे, इन परमप्रभु आ ङोंइती ग्‍येरसीने। ब्‍यवस्‍था १४:२३

ब्‍यवस्‍था 16:11

मिनु गेपुकी, इन तमी तौपुकी, वाइलीम वाइल, इन सहरम बाक्‍शो लेवी आ थर ङा मुरपुकी, इन दातेमी बाक्‍शो अर्को रागी ङा मुरपुकी, रोम रोइक्‍च नु आन वोंइश बेक्‍शो मीश मुर नेल्‍ल परमप्रभु यावे, इन परमप्रभु आ नें वोइक्‍चा कली नोले योव़शो बाक्‍तीकेमी मेको आ ङोंइती ग्‍येरसीचा माल्‍नीनी।

फिलिप्‍पी 3:3

मारदे हना गोपुकी थमा ख्रोइक्‍तीक चिनु ङा मुर बाक्‍नय। गोपुकीमी परमप्रभु यावे आ सोक्‍त आ पतीकेमी खुम्‍की पा बाप्‍शा, परमप्रभु यावे कली गेय पशा, ख्रीस्‍त येसु आ पतीकेमी ग्‍येरस‍य। मुर आ पतीकेमी थमा मसुइय्‍य। रोमी २:२९

फिलिप्‍पी 4:4

प्रभु नु बाक्‍शा गेना हना यो ग्‍येरसीन। गो लेंशा “ग्‍येरसीने” देंनुङ। फिलिप्‍पी ३:१; २कोरिन्‍थी १३:११; १थिस्‍सलोनिकी ५:१६

फिलिप्‍पी 4:8

आं लोक्‍बपुकी, आं नेल्‍ल क्‍येङा नोले ङा लोव़ मार बाक्‍ब देंशा हना, तेको थमा बाक्‍बा, तेको शिरशो बाक्‍बा, तेको ठीक बाक्‍बा, तेको ग्रांग्रा मदिशो बाक्‍बा, तेको दाक्‍चा ङा बाक्‍बा, तेको रिम्‍शो लोव़ बाक्‍बा, तेको नेल्‍ल क्‍येङा रिम्‍शो नु दोस गेचा मपुंइसीब बाक्‍बा, तेको “रिम्‍शो पाइब” दे माइक्‍चा पुंइसीब बाक्‍बा, मेको आ पर्बम मिम्‍तीन।

१ थिस्‍सलोनिकी 4:1

मिनु आंइ नोले ङा लोव़, आं लोक्‍बपुकी, प्रभु येसु आ नेंमी इन कली शुश शेंतीक नु अरेतीक लोव़ पाइनीकी। गेपुकी आंइ कली दोपा बाक्‍शो तनी, मोपा बाक्‍शा, परमप्रभु यावे कली ग्‍येरपतीन। गेपुकी मेको क्‍येङा यो शुश रिम्‍शो पने।

१ थिस्‍सलोनिकी 5:16

मिनु गेना हना यो ग्‍येरसीन। फिलिप्‍पी ४:४

याकूब 1:2

आं लोक्‍बपुकी, इन थमा सुइक्‍तीके ठीक बाक्‍म कों, मबाक्‍म, दे थुं थाम्‍चा पुंइसाक्‍नी हना, ग्‍येरसीने। रोमी ५:३-५; १पत्रुस ४:१३

१ पत्रुस 3:8

मिनु नोले गे नेल्‍ल थुं का ङा दुम्‍शा, मुर आन कली दाक्‍शा, इन लोक्‍ब नु दाक्‍मुने। ब्रेम्‍शो थुं पाइश्‍शो मुर दुमीन।

१ पत्रुस 4:13

गे ख्रीस्‍त आ श्‍येत जशो खोदेंशो पा श्‍येत जाइतीनी हना, ग्‍येरसीने। मारदे हना आ छेङछेङ पा जाक्‍ची ना शुश ग्‍येरनीनी। प्रेरित ५:४१; याकूब १:२; रोमी ८:१७

२ पत्रुस 3:1

आं दाक्‍शो लोक्‍बपुकी, गो इन कली चिठी निक्‍शी ब्रेक्‍ताक्‍ङ। गो एको चिठी निक्‍शीमी इन थुंमी मिम्‍पाइश्‍शा फ्रुक्‍पाइक्‍ता। २पत्रुस १:१३

१ सामुएल 2:1

हान्‍नाहमी “आं थुं परमप्रभु यावे नु ग्‍येरसीब। गो परमप्रभु यावे आ पर्बम आं पिया पोक्‍नुङ। गो आं जोरी सत्रु आन कली ग्राती। गेम आं कली प्रोंइतीके गो ग्‍येरसाक्‍यी। लूका १:४६-५५