फिलिप्‍पी 2:27 - Sunuwar Bible

²⁷ इपाफ्रोडीटस थमा पा बेक्‍चा ङा रोइ पाप्‍तु। तन्‍न परमप्रभु यावेमी मेको कली शिशी पाइक्‍तु। मेको कली ला ममाइ, आं कली यो शिशी पाइक्‍ती। मोपतीके गो शुश श्‍येत मजङ।

फिलिप्‍पी 2:27 Cross References

२ राजा 20:1

मेना हिज्‍कीयाह रोइ पा बेक्‍चा चिक्‍ता बाक्‍त। मिनु आमोज आ तौ परमप्रभु यावे आ लोव़ पाइब यसैया हिज्‍कीयाह आ बाक्‍तीक जाक्‍शा, “परमप्रभु यावेमी इन कली मार देंत देंशा हना ‘इन खिं ङा मुर आन कली इन अरेचा माल्‍शो लोव़ अरेने। मारदे हना गे बेक्‍नीनी। मसानीनी’ देंत” देंमाक्‍त।

अय्‍युब 5:19

मेकोमी इन कली ६ खेयप श्‍येत दुम्‍त हना यो, प्रोंइब। ७ खेयप ङा श्‍येतमी इन कली मथी‍ब। भजन संग्रह ३७:२४; हितोपदेस २४:१६

भजन संग्रह 34:19

ठीक पाइबपुकी शुश श्‍येत जाइनीम। तन्‍न परमप्रभु यावेमी मेको आन कली श्‍येत नेल्‍ल रे प्रोंइब। २कोरिन्‍थी १:५

यसैया 27:8

ग्‍याइश्‍शा लाइक्‍चा पुंइसीशो रागी रे ग्रुंइशो मुर नु लडाइ पाइतीनी। परमप्रभुमी मेको आन कली मुइश्‍शा, पूर्ब ङा फश पवानु, ठेयब फश गिवारमी योल्‍पाइक्‍ब।

यसैया 38:17

एको श्‍येत थमा पा आं कली ब्रोंइचा कली बाक्‍त। गे आं कली दाक्‍शा, श्‍येत रे ग्रुंइताक्‍यीनी। मारदे हना गे आं पाप नेल्‍ल क्‍याम्‍ताक्‍नी। भजन संग्रह ३२:५; मीका ७:१८-१९

यसैया 43:2

गे ब्‍वाक्‍कु शोक्‍शा, गाक्‍चा माल्‍ते हना यो, गो गे नु बाक्‍नुङ। खोला शोक्‍साक्‍वे हना यो, मेकोम इ कली मयोल्‍ब। मीम गाक्‍शा लवेनु, मेकोम इ कली मजेप्‍ब। मेको मीम इ कली मदाक्‍ब। प्रस्‍थान १४:२१; भजन संग्रह ६६:१२; दानीएल ३:२५-२७

येरमीया 10:24

परमप्रभु यावे, आं कली रिम्‍शो सेल्‍यीनी। तन्‍न ठीक निसाफ पतीकेम ला रिम्‍शो सेल्‍यीनी। इन गाइक्‍तीकेम ममाइ। मो दुम्‍त हना, गे आं कली साइक्‍नीनी। येरमीया ३०:११; येरमीया ४६:२८; भजन संग्रह ६:२; हबकुक १:१२

येरमीया 45:3

गे “आबी, आबी, आं कली मार दुम्‍बा। परमप्रभु यावेमी आं श्‍येतम सुर्ता पतीक तेम्‍ताक्‍व। गो हुकयी पना पन दती। गो तेइ नाइक्‍चा मतङ” देंते।

येरमीया 8:18

मिनु “गो आं ग्‍येरसीतीक नेल्‍ल जाम्‍त। गो आं थुं खाइक्‍ती। येरमीया ४:१९

हबकुक 3:2

“परमप्रभु यावे, गो इन पशो नेल्‍ल नेंता। परमप्रभु यावे, गो इन पशो तशा, इन कली ठेयब सेल्‍नुङ। आंइ ब्रोंइतीक नाक्‍तीमी मेको लेंशा कोंइदीन। मेको तुइक्‍पतीन। गे गाइक्‍ताक्‍नी हना, यो इन शिशी मिम्‍तीन।

प्रेरित 9:37

मेको तबीता रोइ पा बेक्‍माक्‍त। मिनु आ मुरपुकीमी आ बेक्‍शो रां चिक्‍शा, खिं ङा तला तार ङा कोठा लाइश्‍शा वोदमे बाक्‍त।

१ कोरिन्‍थी 10:13

मुल सम्‍म गे फाल्‍ने मचाप्‍चा ङा पा थुं नाक्‍‍चा मपुंइसीनी। परमप्रभु यावे थमा सुइक्‍चा माल्‍शो बाक्‍ब। इन फाल्‍ने चाप्‍तीक सक्ति कोव़शा, इन फाल्‍ने मचाप्‍चा ङा पा थुं थाम्‍चा मगेब। तन्‍न गेप्‍तु हना यो, इन फाल्‍ने चाप्‍तीक सक्ति बारपाइक्‍ब दे तुइक्‍तीने। भजन संग्रह ६८:२०; २पत्रुस २:९

२ कोरिन्‍थी 2:7

मुल ङा मेरे माफ गेने। आ थुं नाइक्‍पाइश्‍शा बारपतीन। मोदेंशो मपाइतीनी हना, आ मरिम्‍शो पशो मिम्‍शा, आ कांइचीक बाक्‍शा, बेक्‍शो खोदेंशो दुम्‍ब।

फिलिप्‍पी 2:26

मेकोमी नेल्‍ल इन कली शुश मिम्‍ताक्‍व। मारदे हना गेपुकीमी “मेको रोइ पाप्‍तु” देंशो नेंतीनी ने। मोपतीके शुश सुर्ता पाप्‍तु।

फिलिप्‍पी 2:28

मेको कली इन बाक्‍तीके सोइक्‍चा दाक्‍नुङ। गेपुकी मेको कली लेश्‍शा जाक्‍शो तशा, ग्‍येरनीनी। मो दुम्‍मेनु, आं हेल्‍शो थुं यो सोपी दुम्‍ब।

फिलिप्‍पी 2:30

मेकोमी ख्रीस्‍त आ गेय पशा, आंम कली ममिम्‍थु, इन पा ङा आं कली वारच पथ जाक्‍मेनु, रोइ पा हेरा बेक्‍त।