फिलिप्‍पी 2:26 - Sunuwar Bible

²⁶ मेकोमी नेल्‍ल इन कली शुश मिम्‍ताक्‍व। मारदे हना गेपुकीमी “मेको रोइ पाप्‍तु” देंशो नेंतीनी ने। मोपतीके शुश सुर्ता पाप्‍तु।

फिलिप्‍पी 2:26 Cross References

२ सामुएल 13:39

अम्‍नोन बेक्‍शो शुश दुम नोले, पिपमी आ थुं अब्‍सालोम गे हिरदा बाक्‍त। २सामुएल ३:३; २सामुएल १४:२३; यहोसु १३:११

२ सामुएल 24:17

मिनु दाऊदमी मेको मुर आन कली साइक्‍ब परमप्रभु आ आ स्‍वर्ग ङा गेय पाइ‍ब कली तवा बाक्‍त। मिनु मेकोमी परमप्रभु यावे कली “पाप पाइब, गो आं का ला नङ। इन अरेशो लोव़ मटीब यो गो नङ। तन्‍न एको मुर मार पामे ङा? गे आं कली नु आं खिं ङा मुर आन कली श्‍येत गेने” देंमाक्‍त। गन्‍ती १६:२२

अय्‍युब 9:27

गो आं श्‍येत प्रेंनुङ। गो ग्‍येरशो कुल कोंइशा रित्‍नुङ, दें‍ती हना यो,

भजन संग्रह 69:20

आं कली रिश्‍शा कोव़शो आ पर्बम आं थुं जिक्‍शो बाक्‍ब। मिनु गो मारेइ पने मचाप्‍ब दुम्‍शो बाक्‍ती। आं कली शिशी पाइब ‘सुइ बाक्‍मा कों’ दे कोव़ता, तन्‍न सुइ मबाक्‍म। लेम्‍ब यो सुइ मबाक्‍म।

हितोपदेस 12:25

सुर्ता पतीकेम मुर आन थुं लुक्‍च लपाइक्‍ब। तन्‍न रिम्‍शो लोव़मी मेको आन कली ग्‍येरपाइक्‍ब। हितोपदेस १६:२४

यसैया 61:3

मेकोमी आं कली सियोनम रोंका पाइब आन कली पुलु आ पा ङा दारशो पियाम ग्‍योम्‍तीके ग्‍योम्‍पाइक्‍चा कली, हिशेक आ पा ङा ब्रोव़शो रिना पाइब तेल ख्रेक्‍चा कली नु आइक्‍च थुं दुम्‍तीके आ पा ङा ठेयब सेल्‍तीक थुं फेक्‍तीक खोदेंशो पा फेक्‍पाइक्‍चा कली सोइक्‍ताक्‍यी। मेको मुर आन कली ‘ठीक पतीके रवा’ दे नें वोइक्‍तेक्‍म। मेको परमप्रभु यावे आ ख्रुम्‍शो आ दारस कोंइतीके बाक्‍नीम।

मत्ती 11:28

गे श्‍येत जशो नु भारीम चिप्‍चा पुंइसीशोपुकी, आं गे जाक्‍कीन। मिनु नाइक्‍चा गेनन्‍नी। मत्ती १२:२०; मत्ती २३:४; येरमीया ३१:२५

मत्ती 26:37

पत्रुस नु जब्‍दी आ तौ निक्‍शी, सां आन कली इच्‍ची आइक्‍ची लाइक्‍तु। मेना येसु आ थुं शुश खाइश्‍शो बाक्‍‍माक्‍त। मत्ती १७:१; हिब्रू ५:७

प्रेरित 21:13

पावलमी चहिं “मारदे ङाक्‍शा ब्रेश्‍शा, आं थुं खाइक्‍पाइक्‍नीनी? मलथु मप्रोंइनुङ। यरूसलेम जाक्‍दीश्‍शा, प्रभु येसु आ नेंमी फ्रेंसीचा ला ममाइ, बेक्‍चा माल्‍ती हना यो, बेक्‍नुङ” देंत। प्रेरित २०:२४

रोमी 1:11

मारदे हना इन थमा सुइक्‍तीक थुं बारपा बोल्‍यो सेलु, दे इन कली ग्रुम ग्रुम दाक्‍ती। रोमी १५:२९

रोमी 12:15

ग्‍येरसीशोपुकी नु ग्‍येरसीने, ङाक्‍शोपुकी नु ङाक्‍कीन। भजन संग्रह ३५:१३-१४; २कोरिन्‍थी ११:२९

रोमी 9:2

गो इं यहूदी लोक्‍ब आन कली तशा, आं थुं शुश खाइक्‍ती। मेको आन कली दो पङ, मार पङ देंशा आं थुं खुरसाक्‍यी।

१ कोरिन्‍थी 12:26

मोदेंशो पा कांइचीक दुम्‍शोपुकी, काम श्‍येत जाप्‍तु हना, नेल्‍ल श्‍येत जाइनीम। काम मान ताप्‍तु हना, नेल्‍ल गारशा ग्‍येरसीनीम।

२ कोरिन्‍थी 9:14

परमप्रभु यावे आ शिशी गे नु बाक्‍तीके मेकोपुकीम इन कली प्रार्थना पाइनीमी।

गलाती 6:2

कामी अर्को कली वारच पने। मोपा गे ख्रीस्‍त आ अरेशो लोव़ खाप्‍नीनी। २कोरिन्‍थी ११:२९

एफिसी 3:13

इन पर्बम गो श्‍येत जशो बाक्‍नुङ। मेको इन कली रिम्‍शो दुम्‍ब। मोपतीके आं कली श्‍येत जशो तशा महिनीन। कलस्‍सी १:२४

फिलिप्‍पी 1:3

गो इन कली मिम्‍शा, आं परमप्रभु यावे कली “गे रिम्‍शो पाइतीनी” देंनुङ। रोमी १:८; १कोरिन्‍थी १:४

फिलिप्‍पी 1:8

ख्रीस्‍त येसुमी आं कली दाक्‍पाइक्‍तीके थुं गेतीके गो इन कली ग्रुम्‍चा शुश दाक्‍ताक्‍ङ, परमप्रभु यावेमी मेको तुइक्‍ब।

फिलिप्‍पी 2:25

इन सोइश्‍शो आं कली वारच पाइब आं लोक्‍ब इपाफ्रोडीटस कली लेश्‍शा सोइक्‍नुङ। मेकोमी गो नु गेय पाप्‍तु। गो नु काथा गाक्‍शा, परमप्रभु यावे आ लोव़ शेंताक्‍व। फिलिप्‍पी ४:१८

फिलिप्‍पी 2:27

इपाफ्रोडीटस थमा पा बेक्‍चा ङा रोइ पाप्‍तु। तन्‍न परमप्रभु यावेमी मेको कली शिशी पाइक्‍तु। मेको कली ला ममाइ, आं कली यो शिशी पाइक्‍ती। मोपतीके गो शुश श्‍येत मजङ।

फिलिप्‍पी 4:1

मोपतीके आं दाक्‍शो लोक्‍बपुकी, प्रभु कली थमा सुइश्‍शा, खोइल थेक्‍शा बाक्‍कीन। गो इन कली दाक्‍शा शुश मिम्‍नुङ। गेपुकीम आं कली ग्‍येरपाइश्‍शा, आं ग्रातीक सिरपेच खोदेंशो दुम्‍तीनी। २कोरिन्‍थी १:१४; १थिस्‍सलोनिकी २:१९-२०

१ पत्रुस 1:6

गे मेको तुइश्‍शा, ग्‍येरनीनी। मुल इच्‍का नाक्‍त सम्‍म थुं थाम्‍चा कली मार मार श्‍येत जाइनीनी। १पत्रुस ५:१०; २कोरिन्‍थी ४:१७