फिलिप्‍पी 2:22 - Sunuwar Bible

²² गेपुकीमी तिमोथी कली तुइक्‍नीनी। दोपा तौमी आ आफ नु गेय पाइबा, मोपा मेको गो नु परमप्रभु यावे आ ग्‍येरपाइक्‍ब लोव़ शेंथ गाक्‍त।

फिलिप्‍पी 2:22 Cross References

प्रेरित 16:2

लिस्‍त्रा नु आइकोनीयम सहरमी बाक्‍ब थमा सुइक्‍ब नेल्‍लेमी तिमोथी रिम्‍शो मुर बाक्‍ब देंबाक्‍मा बाक्‍त।

रोमी 5:4

मिनु श्‍येत फाल्‍बपुकी रिम्‍शो थुं पाइश्‍शो दुम्‍नीम। रिम्‍शो थुं पाइश्‍शोपुकी आस पाइब दुम्‍नीम, दे तुइक्‍ताक्‍य। याकूब १:१२

१ कोरिन्‍थी 16:10

तिमोथीमी एको चिठी कुरशा जाक्‍मेनु, मेको कली रिम्‍शो पतीने। आ लोव़ नेनीने। मारदे हना गो नु बाक्‍शा, आं यो प्रभु आ गेय पना पन बाक्‍ब। १कोरिन्‍थी ४:१७; फिलिप्‍पी २:१९-२२

१ कोरिन्‍थी 4:17

मोपतीके गो प्रभु आ पशोमी, आ रिम्‍शो नु दाक्‍शो तौ तिमोथी इन बाक्‍तीके सोइक्‍ताक्‍ङ। मेकोमी गो ते ते मार मार लोव़ शेंदु, गो दोपा येसु ख्रीस्‍त आ लां खोदु, मेको नेल्‍ल इन कली शेंदल। प्रेरित १६:१-३

२ कोरिन्‍थी 2:9

गे टीनीनी देय मटीनीनी, दे गो इन कली ङोंइती ङा चिठी सोइश्‍शो नङ।

२ कोरिन्‍थी 8:22

मोपतीके मेको निक्‍शी नु आंइ लोक्‍ब का यो सोइक्‍नीकी। ङोंइती खेयप निक्‍शी सां सोइक्‍तकानु, मेको लोक्‍बमी रिम्‍शो गेय पा कोंइताक्‍व। मोपतीके मुल यो रिम्‍शो पाइब, दे तुइक्‍ताक्‍क। मेकोमी इन कली यो रिम्‍शो मिम्‍‍ब।

२ कोरिन्‍थी 8:24

मोपतीके मेको सां इन बाक्‍तीके जाक्‍मानु, मेको आन कली दाक्‍शा, वारच पतीने। मेको आन कली मार माल्‍दा, मेको गेने, आन लोव़ नेनीने। आं देंशो पाइतीनी हना, गोमी इन पर्बम पशो लोव़ थमा दुम्‍ब। मिनु गो ग्‍येरसीनुङ। थमा सुइक्‍ब नेल्‍लेमी यो “कोरिन्‍थीपुकीमी रिम्‍शो पामे बाक्‍त” दे तुइक्‍नीम। २कोरिन्‍थी ७:१४

२ कोरिन्‍थी 8:8

इन कली अधिकार तशो लोव़ मपाइनुङ। थमा पा दाक्‍चा दोपा तांइसीब देंशा हना, सुइमी गेन की गेन माइक्‍चा मपुंइसीथु, आंम थुंमी मिम्‍शा गेशो रे तांइसीब। शुशेमी मोपा गेम्‍तेक्‍म। मिनु गेपुकीमी यो दाक्‍तीक गेय कोंइदीने।

फिलिप्‍पी 1:12

आं लोक्‍बपुकी, आं कली दुम्‍शो श्‍येतमी ग्‍येरपाइक्‍ब लोव़ ब्रपाइक्‍तु। १तिमोथी २:९

फिलिप्‍पी 1:16

मोपा शेंबपुकीमी आं कली दाक्‍शा, गो परमप्रभु यावे आ ग्‍येरपाइक्‍ब लोव़ पतीके एकेर बाक्‍नुङ, दे तुइक्‍नीम।

फिलिप्‍पी 1:5

ङोंइती रे मुल सम्‍म ग्‍येरपाइक्‍ब लोव़ पचा कली आं कली वारच पाइतीनी।

फिलिप्‍पी 1:7

नेल्‍ल इन पर्बम मोदेंशो मिम्‍चा ठीक बाक्‍ब। मारदे हना गो इन कली शुश दाक्‍नुङ। आं जेल्‍खानमी चोक्‍चा पुंइसीशो, निसाफ पची ना नु ग्‍येरपाइक्‍ब लोव़ शेंची ना गो इन कली मिम्‍नुङ। गो नेल्‍ल खाल का ङा शिशी ताइब बाक्‍नय।

फिलिप्‍पी 2:20

मारदे हना मेको खोदेंशो अरु मबाक्‍नीम। “गेपुकी दोपा बाक्‍नी माइ” दे थमा पा शुश मिम्‍शा, सुर्ता पाप्‍तु। १कोरिन्‍थी १६:१०

१ तिमोथी 1:18

आं तौ तिमोथी, परमप्रभु यावेमी इ पर्बम पशो लोव़ तुइक्‍पाइक्‍ती। मेको लोव़ इ कली मिम्‍पाइक्‍नुङ। मेको लोव़ मिम्‍शा ग्राने चाप्‍नेवे। १तिमोथी ४:१४; १तिमोथी ६:१२; यहूदा ३

१ तिमोथी 1:2

गे थमा सुइक्‍ब, आं दाक्‍शो तौ खोदेंशो तिमोथी, इ कली चिठी ब्रेक्‍ताक्‍ङ। इं आफ परमप्रभु यावे नु प्रभु येसु ख्रीस्‍त आस दाक्‍चा गे नु बाक्‍ल। आस शिशीमी इ कली थुं नाइश्‍शा बाक्‍चा गेम्‍सेक्‍ल। प्रेरित १६:१-२; तीतस १:४

१ तिमोथी 4:6

गे एको लोव़ थमा सुइक्‍ब लोक्‍ब आन कली शेंताक्‍वी हना, ख्रीस्‍त येसु आ रिम्‍शो गेय पाइब दुम्‍नेवे। गे थमा सुइक्‍तीक ङा लोव़ नु रिम्‍शो शेंतीके तुइक्‍ना तुइक्‍न आ नोले खोइक्‍नेवे। २तिमोथी २:१५

२ तिमोथी 1:2

एको चिठी आं दाक्‍शो तौ तिमोथी, इ कली ब्रेक्‍ताक्‍ङ। इं आफ परमप्रभु यावे नु इं प्रभु येसु ख्रीस्‍त आस दाक्‍चा गे नु लील। मेको आस शिशीमी इ कली थुं नाइश्‍शा बाक्‍चा गेम्‍सेक्‍ल।

२ तिमोथी 3:10

मिनु गे आं शेंतीके, आं गेय पतीके “मार पाइनुङ” दे आं मिम्‍तीके, आं थमा सुइक्‍तीके, आं फाल्‍तीके, आं दाक्‍तीके नु थमा सुइक्‍तीके मप्रोंइशो ताप्‍तीवी।

तीतस 1:4

तीतस, एको चिठी इ कली ब्रेक्‍ताक्‍ङ। गो निक्‍शी इस के थमा सुइक्‍तीक का दुम्‍शा, गे आं तौ खोदेंशो दुम्‍ते। इं आफ परमप्रभु यावे नु इं पाप रे प्रोंइब येसु ख्रीस्‍तमी इ कली शिशी नु थुं नाइक्‍चा गेम्‍सेक्‍ल। १तिमोथी १:२