फिलिप्‍पी 2:21 - Sunuwar Bible

²¹ नेल्‍लेमी आंम आंम दाक्‍शो ला मिम्‍शा, पना पन बाक्‍नीमी। येसु ख्रीस्‍त आ दाक्‍शा मिम्‍शो चहिं मपाइनीम। २तिमोथी ४:१०,१६

फिलिप्‍पी 2:21 Cross References

२ राजा 12:6

तन्‍न योआशमी सासन पवा आ २३ बर्स सम्‍म यो चढ़ेबपुकीम मेको बिग्रेशो मारेइ मसेल्‍पदमे बाक्‍त।

यसैया 56:11

कुचुमपुकी शुश जचा ब्‍वचा दाक्‍नीम। गेनायो मरूनीम। मेको गोठला यो मोदेंशो मरुप्‍ब बाक्‍नीम। मेको नेल्‍ल आंम आन लां खोइक्‍ब बाक्‍नीम। मारेइ मारेइ आंम के सेल्‍चा दाक्‍‍नीम। मेको नेल्‍ल खाल का ङा बाक्‍नीम। येरमीया ६:१३

मलाकी 1:10

मिनु लेंशा “गेपुकीमी आं चढ़ेतीकेमी मो मी मुइक्‍चा क्‍येङा का लशा लाप्‍चो चोक्‍नी हना, रिम्‍शो दुम वा। गो इन कली तशा मग्‍येरसीशो बाक्‍नुङ। मिनु इन चढ़ेशो यो मताक्‍नुङ” दे मुर नेल्‍ल आन परमप्रभु यावेमी देंत। मलाकी २:१३; यसैया १:१३

मत्ती 16:24

मिनु येसुमी आ शेंसीब आन कली “सुमी आं नोले खोइक्‍चा थुं पाइबा, मेकोमी आंम दला दाक्‍स पचा प्रोंइशा, श्‍येत जचा महिंथु, आ नोले खोइय्‍यील। मत्ती १०:३८-३९; १पत्रुस २:२१

लूका 14:26

“सु सु गो नु बाक्‍चा दाक्‍नीमी, मेकोपुकीमी आम आफ, आंम मीश, आंम वोंइश, तमी तौ, लोक्‍बपुकी नु आंम कली यो ममिम्‍थु, आं नोले खोइय्‍यीमील। मारदे हना मेको मिम्‍बपुकीमी आं नोले खोइक्‍ने मचाप्‍नीम। लूका १८:२९-३०; ब्‍यवस्‍था ३३:९; १कोरिन्‍थी ७:२९

प्रेरित 13:13

मिनु पावल नु आ वारचपुकी पाफोस सहरमी जहाज ङोइश्‍शा समुन्‍द्र शोक्‍शा, पाम्‍फीलीया रागी ङा पेरगा सहरमी जाक्‍दीम्‍मा बाक्‍त। यूहन्‍ना मर्कूस चहिं पावल नु बारनाबास आस कली प्रोंइशा, यरूसलेम लेम्‍माक्‍त। प्रेरित १५:३८

प्रेरित 15:38

पावलम चहिं मलाइक्‍चा, दे मबिस्‍से बाक्‍त। मारदे हना ङोंइती काथा गाक्‍शा, पाम्‍फीलीया रागीमी बाक्‍मानु, गेय प्रोंइशा आ का ला लेश्‍शो बाक्‍‍माक्‍त। प्रेरित १३:१३

१ कोरिन्‍थी 10:24

होस पांइसीने, आंम इन कली ला मिम्‍चा प्रोंइशा, अरु आन कली यो रिम्‍शो दुम्‍ल दे मिम्‍शा गेय पने। रोमी १५:२; फिलिप्‍पी २:४

१ कोरिन्‍थी 10:33

गो मोदेंशो पा नेल्‍ल आन कली ग्‍येरपाइक्‍चा ङा गेय पचा दाक्‍नुङ। आंम आं कली ममिम्‍सीथु, मेको आन कली रिम्‍शो दुम्‍ल, दे मिम्‍शा, गेय पाइनुङ। “शुशेमी ख्रीस्‍त कली थमा सुइश्‍शा, आ मुर दुम्‍मल” दे मिम्‍शा बाक्‍ती। १कोरिन्‍थी ९:२०-२२

१ कोरिन्‍थी 13:5

दाक्‍तीकेमी ठेयब मलेप्‍ब नु मुने दोक्‍चा ङा लोव़ मपाइब। दाक्‍तीकेमी आं के ला ठीक मदेंब। दाक्‍तीकेमी रीब पा मचुरब, ईख मकुरब। फिलिप्‍पी २:४

२ कोरिन्‍थी 1:5

ख्रीस्‍त आ नेंमी गिश श्‍येत जाइनीकी, मिश ख्रीस्‍त आ नेंमी थुं नाइक्‍पाइक्‍चा पुंइसीनीकी। भजन संग्रह ३४:२०; रोमी ८:१७; भजन संग्रह ९४:१९

फिलिप्‍पी 2:4

गेपुकी का का पा नेल्‍लेमी आंम दाक्‍शो ला ममिम्‍थु, अरु मुर आन दाक्‍शो “मार बाक्‍मे” मेको यो मिम्‍तीन। १कोरिन्‍थी १०:२४; १कोरिन्‍थी १३:५

२ तिमोथी 1:15

नेल्‍ल एसीया ङा मुरपुकीमी आं कली प्रोंइतीमी दे तुइक्‍नेवे। मेको आन दातेमी फीगेलस नु हेरमोगेनेस बाक्‍नीसी। २तिमोथी ४:१६

२ तिमोथी 3:2

मारदे हना मुरपुकीमी आंम कली ला दाक्‍नीम। क्‍येट कली शुश दाक्‍नीम। ठेयब लेश्‍शा, अरु नेल्‍ल आन कली दिप्‍नीम। मरिम्‍शो लोव़ पाइनीम। आम आफ कली मटिथु “गे रिम्‍शो पाइतीनी” गेनायो मदेंथु, पापम ग्रुम्‍शा बाक्‍नीम।

२ तिमोथी 4:10

मारदे हना डेमासमी रागी ङा गेय दाक्‍शा, आं कली प्रोंइती। मिनु थिस्‍सलोनिकी सहर लत। क्रेसेन्‍स गलातीया नु तीतस डाल्‍मातीया रागी लाम्‍ताक्‍स। कलस्‍सी ४:७,१०,१४

२ तिमोथी 4:16

ङोंइती ङा आं मुददाम सुइमी आं कली वारच मपाम। नेल्‍लेमी प्रोंइतीमी। परमप्रभु यावेमी मेको आन कली सजाइ मगेवल। २तिमोथी १:१५