फिलिप्‍पी 2:17 - Sunuwar Bible

¹⁷ गो इन थमा सुइक्‍चा आ पर्बम गेय पा, साइक्‍चा पुंइसाक्‍यी हना यो, ग्‍येरसीनुङ। गे नेल्‍ल नु ग्‍येरशा बाक्‍नुङ। २तिमोथी ४:६

फिलिप्‍पी 2:17 Cross References

गन्‍ती 28:6

एको परमप्रभु यावे कली गेना हना यो मीम चोशा चढ़ेतीके बाक्‍ब। मेको आ दाक्‍शो ब्रोव़शो रिना पाइश्‍शो सीनै डांडाम देंशो खोदेंशो पा चढ़ेतीके बाक्‍ब।

गन्‍ती 28:7

मेको नु तूचा थोव़क चढ़ेतीके पाठा का कली हिन का ङा ४ भाग ङा भाग का अङगुर शांबु चढ़ेचा माल्‍नीनी। मेको परमप्रभु यावे आ बाक्‍तीकेम परमप्रभु यावे आ ङोंइती मोइक्‍चा माल्‍नीनी।

प्रेरित 20:24

गो साइक्‍चा पुंइसाक्‍ङ हना यो, एको आं गिंम मारेइ ममिम्‍नुङ। प्रभु येसुमी आं कली पपाइश्‍शो लोव़ ‘परमप्रभु यावेमी मुर आन कली शिशी पाइब’ आ ग्‍येरपाइक्‍ब लोव़ कली तुइक्‍पाइक्‍‍नुङ। प्रेरित २१:१३; २तिमोथी ४:७

प्रेरित 21:13

पावलमी चहिं “मारदे ङाक्‍शा ब्रेश्‍शा, आं थुं खाइक्‍पाइक्‍नीनी? मलथु मप्रोंइनुङ। यरूसलेम जाक्‍दीश्‍शा, प्रभु येसु आ नेंमी फ्रेंसीचा ला ममाइ, बेक्‍चा माल्‍ती हना यो, बेक्‍नुङ” देंत। प्रेरित २०:२४

रोमी 12:1

आं लोक्‍बपुकी, इन कली मुल यो शुश शेंचा दाक्‍ताक्‍ङ। परमप्रभु यावेमी इन कली शिशी पा आ मुर सेल्‍तु। मोपतीके आ मुर दुम्‍शा, इन रां, थुं, गिंम नेल्‍ल, सेसीन परमप्रभु यावे आ दाक्‍शो चढ़ेतीक खोदेंशो पा जिम्‍मा गेंसीन। मेको इन परमप्रभु यावे कली रिम्‍शो पशो गेय बाक्‍ब। रोमी ६:१३

रोमी 15:16

गो रागी रागी ङा मुर आन कली ख्रीस्‍त येसु आ गेय पाइब दुम्‍ती। गो चढ़ेब खोदेंशो पा परमप्रभु यावे आ गेय पाइनुङ। परमप्रभु यावे आ सोक्‍त आ पतीकेमी रागी ङा मुर नेल्‍ल आ दाक्‍शो चढे़तीक खोदेंशो दुम्‍मल। रोमी ११:३३

२ कोरिन्‍थी 12:15

गो दोपा इन कली वारच पा रिम्‍शो थुं सेल्‍चा कली ग्‍येरसीशा, आं थुं गेनन्‍नी, मोपा इन कली दाक्‍चा ङा गेय पाता। मिनु गो चहिं इच्‍का ला दाक्‍चा पुंइसीनुङा ङा? फिलिप्‍पी २:१७

२ कोरिन्‍थी 4:12

आंइ रांमी बेक्‍चा ङा श्‍येत जशा, इन कली ख्रीस्‍त आ लोव़ शेंताक्‍क। आंइ गेय रे पा गे ब्रोंइचा ताइतीनी।

२ कोरिन्‍थी 6:10

सुर्ता पशो, तन्‍न गेना हना यो ग्‍येरसीशो बाक्‍नीकी। प्रुङग दुम्‍शो, तन्‍न शुश आन कली शोंप सेल्‍नीकी। मारेइ मथीब दुम्‍शो, तन्‍न मारेइ मारेइमी गाप्‍शो बाक्‍नीकी। फिलिप्‍पी ४:१२-१३

२ कोरिन्‍थी 7:4

मिनु इन कली तशा, ग्‍येरसीशा, आं थुं बोरनुङ। आं थुं नाइक्‍सीशा बारना बारन लत। श्‍येत जाता हना यो, इन कली तशा गो ग्‍येरस ङा ग्‍येरस बाक्‍ती।

फिलिप्‍पी 1:20

गो काइ मुने मदोक्‍नुङ, दे तुइश्‍शा, आस पाइनुङ। मिनु काइ महिंब दुम्‍शा, ब्रोंइती हना यो, साइक्‍तीमी हना यो, मुरपुकीमी गेना हना यो ख्रीस्‍त कली ठेयब सेल्‍मेक्‍ल, देंनुङ।

फिलिप्‍पी 2:18

मोपा गेपुकी यो ग्‍येरसीने। मिनु गो नेल्‍ल ग्‍येरसय। फिलिप्‍पी ४:४

फिलिप्‍पी 2:30

मेकोमी ख्रीस्‍त आ गेय पशा, आंम कली ममिम्‍थु, इन पा ङा आं कली वारच पथ जाक्‍मेनु, रोइ पा हेरा बेक्‍त।

फिलिप्‍पी 4:18

गो मार मार माल्‍ङा, आं माल्‍शो क्‍येङा शुश ताता। इपाफ्रोडीटसमी इन सोइश्‍शो क्‍येट गेती। मेको ब्रोव़शो रिना पाइश्‍शो परमप्रभु यावे कली चढ़ेशो खोदेंशो बाक्‍ब। परमप्रभु यावे इन मो पशो तशा ग्‍येरसाक्‍व। फिलिप्‍पी २:२५

कलस्‍सी 1:24

मुल गो इन पर्बम श्‍येत जाता हना यो, ग्‍येरसाक्‍यी। मारदे हना आं रांमी ख्रीस्‍त आ लीशो श्‍येत थुम्‍पाइक्‍नुङ। ख्रीस्‍त आ लीशो श्‍येत थमा सुइक्‍ब आन पर्बम बाक्‍ब। मेकोपुकी ख्रीस्‍त आ रां बाक्‍नीम। एफिसी ३:१३; २तिमोथी २:१०

१ थिस्‍सलोनिकी 2:8

गोपुकीमी इन कली शुश दाक्‍शा, परमप्रभु यावे आ ग्‍येरपाइक्‍ब लोव़ शेंचा ला ममाइ, तन्‍न शेंचा आ पर्बम बेक्‍चा माल्‍तक हना यो, बेक्‍नीकी। २कोरिन्‍थी १२:१५

२ तिमोथी 4:6

मारदे हना गो चढ़ेशो खोदेंशो दुम्‍शा, आं लची ना जाक्‍त। फि‍लिप्‍पी २:१७

१ पत्रुस 2:5

मिनु गे यो ब्रोंइचा गेब फुल्‍लु खोदेंशो बाक्‍नीनी। मोपतीके परमप्रभु यावे आ सोक्‍तीम सेल्‍शो खिं ङा फुल्‍लु दुमीन। परमप्रभु यावे आ ङोंइती राप्‍ब मुर दुमीन। आ सोक्‍त ङा चढ़ेतीक गेय पा बाक्‍कीन। येसु ख्रीस्‍त आ पतीके परमप्रभु यावेमी इन पशो ताक्‍ब। एफिसी २:२१-२२; हिब्रू ३:६; रोमी १२:१

१ यूहन्‍ना 3:16

मिनु लोक्‍ब आन कली दाक्‍चा, दोपा तुंइ‍सीब देंशा हना, येसु ख्रीस्‍त इं कली दाक्‍शा, साइक्‍चा पुंइसाक्‍व। मिनु गोपुकीमी यो लोक्‍ब आन कली दाक्‍चा माल्‍नय। थमा सुइक्‍ब लोक्‍ब आन कली मबेक्या सम्‍म वारच पचा माल्‍नय। यूहन्‍ना १५:१३