फिलिप्‍पी 2:13 - Sunuwar Bible

¹³ मारदे हना परमप्रभु यावेमी इन थुंमी गेय पाइब। मार गेय पाइब देंशा हना, आ दाक्‍शो पचा, दे इन कली दाक्‍ब थुं गेशा, गेय पपाइक्‍ब। फिलिप्‍पी १:६

फिलिप्‍पी 2:13 Cross References

१ राजा 8:58

मेकोमी इं किकी पिपी आन कली शेंशो लोव़, आ फुल्‍लुम मुशा ब्रेक्‍शो लोव़ नु आ ठीक पतीक लोव़ पना पन, इन थुं नेल्‍लेमी मेको आ लांम गाक्‍कीन।

२ इतिहास 30:12

परमप्रभु यावेमी यहूदा ङा मुर यो थुं का दुम्‍पदा बाक्‍त। मिनु मेकोपुकीमी पिप नु सरकार ङा ठेयब मुर आन कली देंशो, परमप्रभु यावे आ लोव़ खोदेंशो पा पामे बाक्‍त।

एज्रा 1:1

पारसी रागीमी पिप कोरेस आ ङोंइती ङा बर्समी परमप्रभु यावेमी येरमीया रे पा देंशो लोव़ खाप्‍चा कली पिप कोरेस आ थुं क्‍युक्‍गा बाक्‍त। मिनु मेको पिपमी आ राज्‍य नेल्‍लेमी मेको लोव़ नेंपाइक्‍चा कली ब्रेक्‍पदा बाक्‍त। यसैया ४५:१; यसैया ४४:२८

एज्रा 1:5

मिनु नोले यरूसलेम सहरमी परमप्रभु यावे आ खिं लेंशा सेल्‍चा कली परमप्रभुमी मुर आन थुं पोक्‍चा पुंइसीशो यहूदा नु बेन्‍यामीन आस खिं खिं ङा ठेयब मुरपुकी, चढ़ेबपुकी नु लेवी नेल्‍ल मेकेर लचा कली सास‍मा बाक्‍त।

एज्रा 7:27

मिनु एज्रामी “परमप्रभु यावे, आंइ किकी पिपी आन परमप्रभु, गे ठेयब बाक्‍नीनी। यरूसलेममी बाक्‍शो परमप्रभु यावे, इन खिं आ मान नु छेङछेङ बारपाइक्‍चा कली पिप आ थुंमी मोदेंशो रिम्‍शो पतीके कुर पाइतीनी।

नेहेम्‍याह 2:4

मिनु पिपमी “गे मार माल्‍नेवे?” दे हिल्‍लो पती। मिनु गो आं थुंमी स्‍वर्गम बाक्‍ब परमप्रभु कली लोव़ पाता।

अय्‍युब 33:29

परमप्रभुमी एको नेल्‍ल बेक्‍शा लाइब मुर आन पर्बम पाइब। खेयप निक्‍शी, खेयप सां सम्‍म मो पाइब।

भजन संग्रह 110:3

गे लडाइ पनी नाक्‍ती इन मुर आन थुंम ग्‍येरशा इन नोले खोइक्‍नीम। सुनी ङा सीत खोदेंशो पा इन रागी ङा ठिटापुकी खुम्‍सीशा इन नेक्‍था जाक्‍नीम।

भजन संग्रह 119:36

आं थुं कली इन देंशो ला मिम्‍पतीन। शुश क्‍येट चेम्‍तीके ममिम्‍पतीन।

भजन संग्रह 141:4

आं थुं कली मरिम्‍शो मिम्‍चा मगेने। मरिम्‍शो पाइब नु गारशा, इन मदाक्‍शो गेय पचा मगेने। मिनु गो मेको आन ब्रोव़शो जचा थोव़क जचा मदाक्‍नुङ।

हितोपदेस 21:1

पिप आ थुं परमप्रभु यावे आ गुइमी खोला ङा ब्‍वाक्‍कु खोदेंशो बाक्‍ब। दोथ गे लाइक्‍चा दाक्‍ता, मोथ गे लाइक्‍ब। भजन संग्रह ३३:१५

यसैया 26:12

परमप्रभु यावे, गे आंइ कली थुं नाइक्‍चा गेनीनी। मारदे हना मार रिम्‍शो पका, मेको नेल्‍ल इन रे पा पिशो बाक्‍ब। यसैया ९:६

येरमीया 31:33

तन्‍न इस्राएल आ खिं ङा मुर नोले ङा नाक्‍ती ङा कबल मार बाक्‍त देंशा हना, गो आं अरेशो मेको आन थुंम वोइक्‍नुङ। मिनु आन थुंम मेको ब्रेक्‍शा गेनुङमी। मिनु गो मेको आन परमप्रभु दुम्‍नुङ। मिनु मेकोपुकी आं मुर दुम्‍नीम। इजीकीएल ११:१९; हिब्रू १०:१६-१७; येरमीया ७:२३

येरमीया 32:38

मिनु मेकोपुकी आं मुर दुम्‍नीम। मिनु गो मेको आन परमप्रभु दुम्‍नुङ। येरमीया ७:२३

लूका 12:32

गे आइक्‍च बगाल, महिनीन। मारदे हना इन आफोमी इन कली आ राज्‍यम वोइक्‍चा दाक्‍ब। लूका २२:२९

लूका 2:14

“नेल्‍ल क्‍येङा इर ङा परमप्रभु यावे नेल्‍ल क्‍येङा ठेयब बाक्‍ब। आ दाक्‍शो मुर आन कली थुं नाइश्‍शा बाक्‍चा गेब” दे कुम्‍सो पामे बाक्‍त। लूका १९:३८; गन्‍ती ६:२६; एफिसी २:१४,१७

यूहन्‍ना 3:27

मिनु यूहन्‍नामी “परमप्रभु यावेमी गेशो गेय ङा लाक्‍शा, सुइमी मारेइ गेय पने मचाप्‍नीम। हिब्रू ५:४

यूहन्‍ना 6:45

मिनु परमप्रभु यावे आ लोव़ पाइब आन किताबमी ‘परमप्रभु यावेमी नेल्‍ल आन कली शेंब’ दे ब्रेक्‍शो बाक्‍त। तेकोमी आं आफ आ लोव़ नेंशा शेंसीबा, मेको आं गे पीब। यसैया ५४:१३

यूहन्‍ना 6:65

मिनु येसुमी “आं आफोमी आं कली गेशो मुर ला आं गे पिने चाप्‍नीम, दे ङोंइती रे माइक्‍तन्‍नी” देंत।

प्रेरित 11:21

मोदेंशो शेंब आन कली प्रभुमी सक्ति गेवा बाक्‍त। मिनु मेको आन लोव़ नेंशा, शुश मुरुमी थमा सुइश्‍शा, आन थुं प्रभु गे हिरदमे बाक्‍त। प्रेरित २:४७

रोमी 12:3

परमप्रभु यावेमी आं कली शिशी गेशा, शेंब सेल्‍ती। इन दातेमी सुइ आंम कली ठेयब मसेल्‍सीन। परमप्रभु यावेमी इन कली दोदेंशो थमा सुइक्‍तीक गेवा, मेको मिम्‍शा ब्रेम्‍शो दुम्‍शा बाक्‍कीन। मत्ती २०:२६; १कोरिन्‍थी ४:६; १कोरिन्‍थी

रोमी 9:11

मेको आल निम्‍फामी रिम्‍शो मरिम्‍शो मारेइ मतुइक्‍थु, आस जरमेचा ङोंइती परमप्रभु यावेमी का कली योव़ङा बाक्‍त। आल आ पशो तशा, योव़शो ममाइ। परमप्रभु यावे आ दाक्‍शो पा ब्रेश्‍शो बाक्‍त।

रोमी 9:16

मारेइ मारेइ पशोमी परमप्रभु यावे आ शिशी पाइक्‍‍चा मपुंइसीब। परमप्रभु यावेमी शिशी पचा दाक्‍ताक्‍व हना, शिशी पाइ‍ब। एफिसी २:८

१ कोरिन्‍थी 12:6

मेकेर शुश गेयपुकी बाक्‍नीमी। मिनु परमप्रभु यावेमी मुर नेल्‍ल आन कली का का पा मेको गेय पतीके थुं गेब।

१ कोरिन्‍थी 15:10

तन्‍न परमप्रभु यावेमी शिशी पा आ सोइश्‍शो नु आ लोव़ शेंब सेल्‍ती। आ शिशी पशो यो मो मबाक्‍ब। मिनु गो नेल्‍ल आन क्‍येङा शुश गेय पाता। मेको नेल्‍ल आं पशो ममाइ, तन्‍न परमप्रभु यावे आ पपाइश्‍शो बाक्‍ब। २कोरिन्‍थी ११:५,२३

२ कोरिन्‍थी 3:5

गो शेंदकानु, आंम जोक्‍तीक तुइक्‍तीक मकोंइनीकी। आंइ लोव़ शेंतीके परमप्रभु यावेमी पपाइश्‍शो बाक्‍ब, दे तुइक्‍नीकी। २कोरिन्‍थी २:१६

एफिसी 1:11

परमप्रभु यावेमी ख्रीस्‍त रे पा आ आल सेल्‍शा, इं कली योव़तु। मारदे हना ङोंइती रे योव़नुङमी, दे मिम्‍शो बाक्‍माक्‍त। मेकोन पाप्‍तु। कलस्‍सी १:१२

एफिसी 1:5

मिनु परमप्रभु यावेमी इं कली दाक्‍शा “येसु ख्रीस्‍त कली थमा सुइक्‍ब दुम्‍नीम” दे आंम आ तमी तौ सेल्‍तु। मेकोन परमप्रभु यावे आ दाक्‍शो बाक्‍त।

एफिसी 1:9

परमप्रभु यावेमी इं कली ङोंइती ख्रीस्‍त रे आ थुंमी ख्रुइश्‍शा वोइश्‍शो लोव़ तुइक्‍पाइक्‍चा दाक्‍ताक्‍व।

एफिसी 2:8

मिनु गेपुकी परमप्रभु यावे आ शिशी तशा, थमा सुइक्‍तीके पाप रे ब्रोंइतीनी। मेको इन पतीके ममाइ, परमप्रभु यावेमी मोशा गेशो बाक्‍ब। रोमी ३:२३-२४; गलाती २:१६

२ थिस्‍सलोनिकी 1:11

मोपतीके गो इन पर्बम प्रार्थना पना पन बाक्‍नीकी। परमप्रभु यावेमी इन कली ब्रेश्‍शा, आ ब्रेश्‍शो शिरशो सेलल, दे गोपुकीमी गेना हना यो, पुंइना पुंइन बाक्‍नीकी। इन रिम्‍शो पतीके नु इन थमा सुइश्‍शो ङा गेय आ सक्तिमी पपदल।

२ तिमोथी 1:9

परमप्रभु यावेमी सैतान रे प्रोंइशा “आं मुर नम” दे ब्रेत्‍ताक्‍व। इं रिम्‍शो पतीके कोव़शा ममाइ, आ माल्‍शो नु शुश ङोंइती रे ख्रीस्‍त येसुमी इं कली गेशो दाक्‍तीके आ पर्बम ब्रेत्‍ताक्‍व। तीतस ३:५

हिब्रू 13:21

परमप्रभु यावेमी येसु ख्रीस्‍त रे पा इन थुं रिम्‍शो सेलल, आ दाक्‍शो गेय पपदल, आ कली ग्‍येरपाइक्‍ब सेलल। येसु ख्रीस्‍त कली गेना हना यो ठेयब सेल्‍य। आमेन। आमेन आ अर्थ “गो यो मेकोन मिम्‍नुङ” बाक्‍ब।

१ पत्रुस 1:3

इं प्रभु येसु ख्रीस्‍त आ आफ नेल्‍ल आसीक पाइश्‍शो बाक्‍ब, दे गो मान पय। मेको आ शुश शिशी पतीके नु येसु ख्रीस्‍त बेक्‍शो रे सेंसीशोमी इं कली ब्रोंइशा बाक्‍तीक आस गेशा, नक जरमेशो मुर सेल्‍तु। कलस्‍सी १:५