फिलिप्‍पी 2:12 - Sunuwar Bible

¹² आं दाक्‍शो लोक्‍बपुकी, गेपुकीमी नेल्‍ल नाक्‍त आं देंशो टीतीनी। गो बाक्‍ङानु ला ममाइ, गो मबाक्‍ङानु यो मेको क्‍येङा शुश रिम्‍शो पने। गेपुकी हिंशा ख्रिंख्रि पा इन पाप रे ब्रोंइतीक गेय पने। १पत्रुस १:१७

फिलिप्‍पी 2:12 Cross References

एज्रा 10:3

मोपतीके मुल आंइ परमप्रभु नु कबल का पय। आ प्रभु नु परमप्रभु आ शेंतीक मान पा हिंशा टी‍ब आन देंशो खोदेंशो पा एको मीश मुर नु आन आल नेल्‍ल आन कली प्रोंइशा सोइक्‍चा कली लोव़ थोक्‍तय। मिनु परमप्रभु आ अरेशो लोव़म देंशो खोदेंशो पय।

भजन संग्रह 119:120

गो इन कली मान पा हिंशा ख्रिंख्रि पाइ‍नुङ। मिनु गो इन निसाफ पतीक मिम्‍शा हिंनुङ।

भजन संग्रह 2:11

परमप्रभु यावे कली मान पा हिंशा, मेको आ देंशो गेय पने। हिंशा ख्रिंख्रि पा मेको आ ङोंइती ग्‍येरशा बाप्‍पीन। फिलिप्‍पी २:१२; हिब्रू १२:२८

हितोपदेस 10:16

ठीक पाइब मुर आन गेय पतीकेमी ब्रोंइनीम। परमप्रभु यावे आ अरेशो मटीब आन चेम्‍शो नेल्‍ल मरिम्‍शो गेय पा नुप्‍शा लाइब।

हितोपदेस 13:4

अल्‍सेपुकी वाल्‍नीमी। मिनु मारेइ मताइनीम। तन्‍न शुश गेय पाइब मुरपुकीमी मारेइ मारेइ ताइनीम।

यसैया 66:2

मारेइ मारेइ आं सेल्‍शो मनमी ङा? मोपतीके मेको नेल्‍ल आं के नम” दे परमप्रभु यावेम देंत। मिनु लेंशा “मो हना यो गो आं लोव़ नेंशा, हिंशा, ख्रिंख्रि पा श्‍येत जाइब नु आ थुं जिक्‍‍शो मुर आन कली कोव़नुङ।

यसैया 66:5

परमप्रभु यावे आ लोव़ क्‍येङा हिंशा, ख्रिंख्रि पाइबपुकीम “आं लोव़ नेनीन। इन लोक्‍बपुकीमी गेपुकी आं मुर दुम्तीके इन कली काइ मदाक्‍थु, तिल्‍नीम। मेकोपुकीमी ‘परमप्रभु यावे कली ठेयब सेलल। मिनु गो इन ग्‍येरशा बाक्‍शो तकल’ देंनीम। तन्‍न मेकोपुकी मुने दोक्‍नीम। लूका ६:२२

मत्ती 11:12

यूहन्‍नामी मुर आन कली शेंशा, ब्‍वाक्‍कुम ख्रुम्‍शा ग्रुंइदा रे मुल सम्‍म स्‍वर्ग ङा राज्‍य ओव़शा, आन के सेल्‍चा, दे दाम पा मुना मुन बाक्‍नीम। लूका १६:१६

मत्ती 11:29

आं जवा लाम्‍सीशा, गो नु शेंसीने। मारदे हना गो शिशी पाइब नु ब्रेम्‍शो थुं ङा नङ। मिनु गे इन थुं नाइक्‍चा ताइनीनी। यसैया २८:१२; येरमीया ६:१६

प्रेरित 16:29

मिनु बत्ती दाशा गेयीनी देंशा, चोक्‍शो आन बाक्‍तीके पावल नु सिलास आस ङोंइती लशा, ख्रिंख्रि पा बाम्‍माक्‍त।

प्रेरित 9:6

मुल छुल बोक्‍शा दमस्‍कस सहर लावो। मिनु मेकेर जाक्‍दीश्‍शा, गे मार गेय पचा माल्‍नेवे तुइक्‍पाइक्‍चा पुंइसीनेवे” देंशो लोव़ नेंना बाक्‍त।

रोमी 2:7

सुमी परमप्रभु यावे आ राज्‍य माल्‍शा, रिम्‍शो गेय पना पन बाक्‍नीमी नु गेना हना यो ब्रोंइचा माल्‍नीमी, मेको गेना हना यो परमप्रभु यावे नु बाक्‍चा ताइनीम।

१ कोरिन्‍थी 15:58

मोपतीके आं दाक्‍शो लोक्‍बपुकी, इन खोइली थेक्‍शा, दल्‍गीर मपथु, प्रभु आ गेय पना पन बाक्‍कीन। प्रभु आ नेंमी पशो गेय गेनायो मोशीन मलाइब, दे तुइक्‍तीन।

१ कोरिन्‍थी 2:3

मिनु इन कली शेंदन्‍नीनु, आं रांमी बल मबाक्‍थु, हिंना हिंन, ख्रिंख्रि पा शेंताक्‍न्‍नी। गलाती ४:१३; प्रेरित १८:९; २कोरिन्‍थी १०:३

१ कोरिन्‍थी 4:14

गो इन कली मुने तोक्‍चा कली एको मब्रेक्‍तु। गे आं दाक्‍शो तमी तौ इन कली रिम्‍शो अरेचा कली एको ब्रेक्‍ताक्‍ङ।

२ कोरिन्‍थी 7:15

तीतसमी इन टिशो तशा, ग्‍येरसाक्‍व। गे हिंशा, ख्रिंख्रि पा मेको कली ब्राइतीनी। मिनु इन कली शुश दाक्‍ताक्‍व।

एफिसी 6:5

गे वाइलीम वाइलपुकी, इन रागी ङा होव़प कली टिने। दोपा टिचा माल्‍नीनी देंशा हना, गेपुकी ख्रीस्‍त कली टिशो खोदेंशो पा, मेको आन क्‍येङा हिंशा ख्रिंख्रि पा, थुं का पा रिम्‍शो गेय पने। तिमोथी ६:१२; तीतस २:९-१०; १पत्रुस २:१८

फिलिप्‍पी 1:27

गे इन नाक्‍त किंत किंत ङा पतीकेमी ख्रीस्‍त आ ग्‍येरपाइक्‍ब लोव़ कली शिरशो दुम्‍शा बाक्‍कीन। गो गेपुकी नु बाक्‍ती हना यो, मबाक्‍ती हना यो, इन सोक्‍त का दुम्‍शा, इन थुं का दुम्‍शा, ग्‍येरपाइक्‍ब लोव़ ङा थमा सुइक्‍तीके गेय पा वारच पमुने।

फिलिप्‍पी 1:29

ख्रीस्‍त कली थमा सुइक्‍चा ला इन कली गेशो ममाइ, तन्‍न मेको आ पर्बम श्‍येत जचा यो गेशो बाक्‍ब।

फिलिप्‍पी 1:5

ङोंइती रे मुल सम्‍म ग्‍येरपाइक्‍ब लोव़ पचा कली आं कली वारच पाइतीनी।

फिलिप्‍पी 1:6

इन आगामी रिम्‍शो गेय गोइबमी येसु ख्रीस्‍त आ जाक्‍ची ना सम्‍म थुम्‍ब, दे तुइक्‍नुङ। फिलिप्‍पी २:१३; १कोरिन्‍थी १:८

फिलिप्‍पी 2:19

प्रभु येसुमी तिमोथी कली इन कली ग्रुम्‍थ सोइक्‍चा गेप्‍तु हना, ब्रा सोइक्‍नुङ। इन पर्बम लोव़ नेंशा, गो यो ग्‍येरसीनुङ।

फिलिप्‍पी 4:1

मोपतीके आं दाक्‍शो लोक्‍बपुकी, प्रभु कली थमा सुइश्‍शा, खोइल थेक्‍शा बाक्‍कीन। गो इन कली दाक्‍शा शुश मिम्‍नुङ। गेपुकीम आं कली ग्‍येरपाइश्‍शा, आं ग्रातीक सिरपेच खोदेंशो दुम्‍तीनी। २कोरिन्‍थी १:१४; १थिस्‍सलोनिकी २:१९-२०

फिलिप्‍पी 4:15

ग्‍येरपाइक्‍ब लोव़ शेंचा ङोंइती मासीडोनीया रागी प्रोंइशा लङा नोले, सुइमी आं कली वारच मपामे, गे फिलिप्‍पीपुकीम ला पाइतीनी। गेपुकीम आं शेंशो ताइतीनी, मिनु इन वारच पशो गो ताता। २कोरिन्‍थी ११:९

१ थिस्‍सलोनिकी 1:3

गोपुकी इं आफ परमप्रभु यावे आ ङोंइती इन थमा सुइक्‍तीके ङा गेय, दाक्‍चा ङा गेय नु इं प्रभु येसु ख्रीस्‍त कली आस पतीके मिम्‍ना मिम्‍न बाक्‍नीकी। १कोरिन्‍थी १३:१३

२ तिमोथी 2:10

मोपतीके गो योव़शो मुर आन कली मिम्‍शा, श्‍येत नेल्‍ल फाल्‍नुङ। मोपा मेकोपुकीमी ख्रीस्‍त येसुमी पाप रे प्रोंइशो दुम्‍शा, गेना हना यो परमप्रभु यावे आ छेङछेङमी ब्रोंइशा बाक्‍चा तामेक्‍ल। कलस्‍सी १:२४

हिब्रू 12:1

साइ थमा सुइक्‍बपुकी शुश बाक्‍मा बाक्‍त। मेकोपुकीमी इं कली कोव़ना कोव़न बाक्‍नीम। मोपतीके दोरब मुर खोदेंशो पा, इं कली तेक्‍ब नु खोल्‍ने चाप्‍बपुकी तिल्‍शा, पापमी इं खोइली फ्रेंचा मगेथु, दोरय। १कोरिन्‍थी ९:२४

हिब्रू 4:1

मोपतीके होस पांइसय, थुं नाइक्‍चा ताइनीनी देंशो लोव़ मुल यो लीशो बाक्‍तीके, होस पा बाक्‍य। मारदे हना सु सुमी आ लोव़ मटीमे, मेको ओव़चा मताइनीम।

हिब्रू 4:11

मोपतीके सुइमी परमप्रभु यावे आ लोव़ मटिथु जाम्‍शा मलमल। गो नेल्‍ले नाइक्‍चा ततीकेमी ओव़चा माल्‍य। हिब्रू ३:१६-१९

हिब्रू 5:9

मेको पाको दुम नोले आ कली टीब आन कली गेना हना यो श्‍येत रे प्रोंइशा बाक्‍चा गेब दुम्‍माक्‍त।

१ पत्रुस 2:11

आं दाक्‍शो लोक्‍बपुकी, गो इन कली इन थुं बारपाइक्‍तीक लोव़ पाइनुङ। गो रागीम बाक्‍यानु, रागी ङा पौना खोदेंशो बाक्‍नय। मोपतीके इन दला दाक्‍स पा रागी ङा मुर खोदेंशो मपने। ग्रांग्रा दिचा ङा गेय रे ङोन बाक्‍कीन। मारदे हना मोदेंशो गेय इन थमा सुइक्‍तीक थुं नु जीब। भजन संग्रह ३९:१३

२ पत्रुस 3:18

तन्‍न इं प्रभु, इं कली पाप रे प्रोंइब येसु ख्रीस्‍त आ शिशी नु मेको कली तुइक्‍तीकेम बारना बारन लल। मेको कली मुल नु गेना हना यो ठेयब सेल्‍य। आमेन।