फिलिप्‍पी 1:7 - Sunuwar Bible

⁷ नेल्‍ल इन पर्बम मोदेंशो मिम्‍चा ठीक बाक्‍ब। मारदे हना गो इन कली शुश दाक्‍नुङ। आं जेल्‍खानमी चोक्‍चा पुंइसीशो, निसाफ पची ना नु ग्‍येरपाइक्‍ब लोव़ शेंची ना गो इन कली मिम्‍नुङ। गो नेल्‍ल खाल का ङा शिशी ताइब बाक्‍नय।

फिलिप्‍पी 1:7 Cross References

प्रेरित 20:23

लोव़ का ला तुइक्‍नुङ। मारदे हना सहर गाउं तेइ तेइ हिरशा गाक्‍ङानु, परमप्रभु यावे आ सोक्‍त रे पा लोव़ पाइबमी ‘यरूसलेम जाक्‍दीश्‍शा, शुश श्‍येत जाइनेवे। जेल्‍खानमी चोक्‍चा पुंइसीनेवे’ दे नेंपाइक्‍तीमी। प्रेरित ९:१६; प्रेरित २१:४,११

प्रेरित 21:33

मिनु लडाइ पाइब आन ठेयब मुरुम पावल कली ग्‍याइक्‍पाइश्‍शा, साङलो निक्‍शी लिक्‍तीने देंशा लिक्‍पाइश्‍शा आ ङोंइती राप्‍पदा बाक्‍त। मिनु “एको मुर ते ङा बाक्‍मे? मार पवा?” दे मुर आन कली हिल्‍लो पचा गोवा बाक्‍त। प्रेरित २०:२३

१ कोरिन्‍थी 13:7

दाक्‍तीकेमी मारेइ मारेइ सुम्‍ब, मारेइ मारेइ थमा सुइक्‍ब, मारेइ मारेइ आस पाइब नु नेल्‍ल फाल्‍ने चाप्‍ब। हितोपदेस १०:११; मत्ती १८:२१-२२; रोमी १५:१

१ कोरिन्‍थी 9:23

प्रभु आ ग्‍येरपाइक्‍ब लोव़ रागीम ब्रचा आ पर्बम मेको गेय पाइनुङ। मिनु शुश मुरपुकीमी एको लोव़ रुप्‍शो तशा, आसीक तशा ग्‍येरसाक्‍यी।

२ कोरिन्‍थी 3:2

मोदेंशो आंइ कागज चहिं गेपुकी दुम्‍तीनी। गे आंइ थुंमी ब्रेक्‍शो बाक्‍नीनी। मिनु मुर नेल्‍लेमी इन पर्बम तुइक्‍ने चाप्‍नीम। १कोरिन्‍थी ९:२

२ कोरिन्‍थी 7:3

मेको इन कली दोस गेचा कली मदेंक। मारदे हना ङोंइती देंशो आं लोव़ लेंशा देंनुङ, इन कली दाक्‍नीकी। बेक्‍चा माल्‍तय हना यो, काथा बेक्‍य। ब्रोंइचा ताइतय हना यो, काथा ब्रोंइय। २कोरिन्‍थी ६:११-१३; रोमी ६:८

गलाती 5:6

ख्रीस्‍त येसु नु थुं का दुम्‍शा, ख्रोइक्‍तीक चिनु ख्रोइश्‍शो, मख्रोइश्‍शो आन कली मतिल्‍थु, थमा सुइक्‍तीकेमी दुशा गारशा दाक्‍मुशा बाक्‍शोम सक्ति बाक्‍ब। गलाती ६:१५; रोमी २:२६; १कोरिन्‍थी ७:१९

एफिसी 3:1

मिनु गो पावल अर्को रागी ङा मुर इन कली ख्रीस्‍त येसु आ लोव़ शेंतीके साङलोम पाइक्‍‍साक्‍यी। फिलिप्‍पी १:७,१३

एफिसी 4:1

गो प्रभु आ पर्बम ग्‍याइक्‍चा पुंइसीब, इन कली अरेनुङ। गेपुकी परमप्रभु यावे आ ब्रेश्‍शो दुम्‍शो बाक्‍नीनी। मोपतीके परमप्रभु यावे कली शिरशो गेय पने।

एफिसी 6:20

गो मेको लोव़ शेंचा कली साङलोम फ्रेंशा सोइश्‍शो मुर दुम्‍ती। गेपुकीमी आं पर्बम “महिंथु शेंदल” दे परमप्रभु यावे कली पुनीने। मोपा महिंथु, लोव़ पचा परमप्रभु यावे आ दाक्‍शो बाक्‍ब। २कोरिन्‍थी ५:२०; प्रेरित २८:३१

फिलिप्‍पी 1:12

आं लोक्‍बपुकी, आं कली दुम्‍शो श्‍येतमी ग्‍येरपाइक्‍ब लोव़ ब्रपाइक्‍तु। १तिमोथी २:९

फिलिप्‍पी 1:13

हुकुम पाइब आ खिं ङा मुर नु अरु नेल्‍लेमी गो ख्रीस्‍त कली थमा सुइश्‍शो आ पर्बम जेल्‍खानम बाक्‍ती, दे तुइक्‍ताक्‍म। फिलिप्‍पी ४:२२

फिलिप्‍पी 1:14

मिनु प्रभु कली थमा सुइक्‍ब लोक्‍ब शुशेमी आं कली जेल्‍खानमी बाक्‍शो तशा, प्रभु कली थमा सुइक्‍तीक बारपा महिंथु, परमप्रभु यावे आ लोव़ पाइनीम।

फिलिप्‍पी 1:5

ङोंइती रे मुल सम्‍म ग्‍येरपाइक्‍ब लोव़ पचा कली आं कली वारच पाइतीनी।

फिलिप्‍पी 2:22

गेपुकीमी तिमोथी कली तुइक्‍नीनी। दोपा तौमी आ आफ नु गेय पाइबा, मोपा मेको गो नु परमप्रभु यावे आ ग्‍येरपाइक्‍ब लोव़ शेंथ गाक्‍त।

फिलिप्‍पी 4:14

दोदेंब दुम्‍त हना यो, गेपुकीम आं कली वारच पशा रिम्‍शो पाइतीनी।

फिलिप्‍पी 4:15

ग्‍येरपाइक्‍ब लोव़ शेंचा ङोंइती मासीडोनीया रागी प्रोंइशा लङा नोले, सुइमी आं कली वारच मपामे, गे फिलिप्‍पीपुकीम ला पाइतीनी। गेपुकीम आं शेंशो ताइतीनी, मिनु इन वारच पशो गो ताता। २कोरिन्‍थी ११:९

फिलिप्‍पी 4:3

मिनु गो नु गेय पाइब वारच, इ कली “मेको मीश मुर निक्‍शी आस कली वारच पावो” देंती। मारदे हना मेको निक्‍शीमी गो नु काथ काथा ग्‍येरपाइक्‍ब लोव़ शेंतीक गेय पाम्‍ताक्‍से। क्‍लेमेन्‍त नु अर्को वारच आन कली यो वारच पाम्‍ताक्‍से। मेको नेल्‍ल आन नें ब्रोंइतीक किताबमी ब्रेक्‍शो बाक्‍ब। लूका १०:२०

कलस्‍सी 4:18

गो पावलमी इन कली “रिम्‍शो बाक्‍कीन” दे आंमा ब्रेक्‍ताक्‍ङ। गो ग्‍याइक्‍चा पुंइसीशो बाक्‍नुङ, दे मप्रेंदीन। परमप्रभु यावे आ शिशी गे नु लील। १कोरिन्‍थी १६:२१; गलाती ६:११; २थिस्‍सलोनिकी ३:१७

कलस्‍सी 4:3

गेपुकीमी आंइ कली यो मिम्‍शा प्रार्थना पने। परमप्रभु यावेमी आंइ कली ख्रीस्‍त आ ख्रुइश्‍शो लोव़ शुश मुर आन ङोंइती शेंने चाप्‍मेक्‍ल, दे पुनीन। मेको लोव़ शेंतीके गो ग्‍याइक्‍चा पुंइसाक्‍यी। रोमी १५:३०; एफिसी ६:१९; २थिस्‍सलोनिकी ३:१; १कोरिन्‍थी १६:९; कलस्‍सी १:२६-२७

१ थिस्‍सलोनिकी 5:5

मारदे हना गे नेल्‍ल छेङछेङ नु नाक्‍त ङा मुर बाक्‍नीनी। गोपुकी नाक्‍दो नु छिङछिङ ङा मुर मनय। रोमी १३:१२; एफिसी ५:९

२ तिमोथी 1:8

इं प्रभु आ पर्बम लोव़ पचा मुने मपावो। गो प्रभु आ पर्बम जेल्‍खानम बाक्‍शो आं पर्बम यो मुने मपावो। तन्‍न ग्‍येरपाइक्‍ब लोव़ आ पर्बम परमप्रभु यावे आ सक्तिमी श्‍येत फलो। रोमी १:१६; पत्रुस ४:१६

२ तिमोथी 2:9

मेको ग्‍येरपाइक्‍ब लोव़ शेंतीके, गो मरिम्‍शो पाइब खोदेंशो पा साङलोम पाइक्‍चा पुंइसीशा श्‍येत जाइनुङ। तन्‍न परमप्रभु यावे आ लोव़ दा मपांइसीशो बाक्‍ब। फिलिप्‍पी १:१२-१४

फिलेमोन 1:13

ख्रीस्‍त आ लोव़ शेंशो आ पर्बम जेल्‍खानम चोक्‍सीशा बाक्‍ङानु, ओनेसीमस इ पा ङा आं वारच सेल्‍चा थुं पाता। फिलिप्‍पी २:३०

हिब्रू 3:1

मोपतीके परमप्रभु यावे आ मुर, आं लोक्‍बपुकी, गे यो स्‍वर्ग रे ब्रेत्‍चा पुंइसीशो बाक्‍नीनी। सोइश्‍शो, दे नें वोइक्‍चा पुंइसीशो नु इं थमा सुइक्‍तीक ङा नेल्‍ल क्‍येङा ठेयब चढ़ेब येसु कली मिम्‍तीने। हिब्रू ४:१४

१ पत्रुस 4:13

गे ख्रीस्‍त आ श्‍येत जशो खोदेंशो पा श्‍येत जाइतीनी हना, ग्‍येरसीने। मारदे हना आ छेङछेङ पा जाक्‍ची ना शुश ग्‍येरनीनी। प्रेरित ५:४१; याकूब १:२; रोमी ८:१७

१ पत्रुस 5:1

गो इन खोदेंशो खाल्‍पा नङ। गो थमा सुइक्‍ब आन दातेमी बाक्‍शो शेंब खाल्‍पा इन कली अर्ती गेनुङ। गो ख्रीस्‍त आ श्‍येत जशो तशो नङ। मुल गो जाक्‍चशो छेङछेङ ङा मुर यो दुम्‍ती। २यूहन्‍ना :१; मत्ती २६:३७,६९; रोमी ८:१७

२ पत्रुस 1:13

गो ब्रोंइङा सम्‍म इन कली मिम्‍पाइक्‍चा रिम्‍शो बाक्‍ब, दे मिम्‍नुङ। २कोरिन्‍थी ५:१

१ यूहन्‍ना 3:14

गोपुकी बेक्‍तीक राज्‍य रे पा, ब्रोंइतीक राज्‍यमी बाक्‍नय। दोपा तुइक्‍नय देंशा हना, थमा सुइक्‍ब लोक्‍ब आन कली दाक्‍नय। सुम चहिं मदाक्‍बा, मेको बेक्‍तीक राज्‍यमी बाक्‍ब। यूहन्‍ना ५:२४