फिलिप्‍पी 1:3 - Sunuwar Bible

³ गो इन कली मिम्‍शा, आं परमप्रभु यावे कली “गे रिम्‍शो पाइतीनी” देंनुङ। रोमी १:८; १कोरिन्‍थी १:४

फिलिप्‍पी 1:3 Cross References

रोमी 6:17

इन पर्बम परमप्रभु यावे कली “मेको आन कली रिम्‍शो पाइतीनी” दे ठेयब सेल्‍नुङ। मारदे हना ङोंइती गेपुकी पाप आ वाइल बाक्‍तीनी। मुल चहिं इन थुं रे पा परमप्रभु यावे आ शेंशो दाक्‍शा टीतीनी।

१ कोरिन्‍थी 1:4

गो इन पर्बम परमप्रभु यावे कली “गे रिम्‍शो पाइब ननी” दे ठेयब सेल्‍नुङ, मारदे हना इन कली शिशी पा येसु ख्रीस्‍तमी तुइक्‍पाइक्‍तु।

१ थिस्‍सलोनिकी 3:9

गो परमप्रभु यावे आ ङोंइती “गे थिस्‍सलोनिकी सहर ङा थमा सुइक्‍ब आन कली रिम्‍शो पाइतीनी” दे शुश ग्‍येरशा, परमप्रभु यावे कली ठेयब सेल्‍नीकी।

२ थिस्‍सलोनिकी 1:3

आंइ लोक्‍बपुकी, इन कली मिम्‍शा, परमप्रभु यावे कली “गे रिम्‍शो पाइब बाक्‍नीनी” देंचा ठीक बाक्‍ब। मारदे हना इन थमा सुइक्‍तीके हु बारशा, इन दाक्‍मुतीक यो बारना बारन लाइब। १थिस्‍सलोनिकी १:२-३

२ तिमोथी 1:3

गो परमप्रभु यावे कली “गे रिम्‍शो पाइब बाक्‍नीनी” दे गेय पाइनुङ। आं के किकी पिपी यो मोदेंशो पशो बाक्‍तेक्‍म। आं प्रार्थनामी इ कली गेना हना यो मिम्‍नुङ। फिलिप्‍पी ३:५; प्रेरित २३:१; प्रेरित २४:१६