फिलिप्‍पी 1:28 - Sunuwar Bible

²⁸ इन कली श्‍येत गेब आन कली तशा काइ महिनीन। मेकोन मेको आन कली ब्रुतीक चिनु बाक्‍ब। इन कली चहिं ब्रोंइतीक चिनु दुम्‍ब। मेको परमप्रभु यावे रे दुम्‍ब। २थिस्‍सलोनिकी १:५

फिलिप्‍पी 1:28 Cross References

उत्पत्ती 49:18

परमप्रभु यावे, गे आं मरिम्‍शो पशो रे प्रोंइनीनी, दे रिम्‍शा बाक्‍ती। भजन संग्रह ११९:१६६; हबकुक २:३

भजन संग्रह 50:23

सु सुमी ‘गे रिम्‍शो पाइब बाक्‍नीनी’ देंनीमी, मेकोपुकीमी आं कली ठेयब सेल्‍नीम। मिनु गो मेको आन कली लां सेल्‍नुङ। गो मेको आन कली आं पाप रे प्रोंइतीके कोंइनुङमी” दे परमप्रभुमी देंत।

यसैया 12:2

थमा पा, परमप्रभु आं कली पाप रे प्रोंइब बाक्‍ब। गो मेको कली थमा सुइश्‍शा महिंनुङ। मारदे हना परमप्रभु यावे आं कली सक्ति नु बोल गेब बाक्‍ब। मेको आं कली श्‍येत रे प्रोंइब बाक्‍ब” दे कुम्‍सो पाइनीनी। प्रस्‍थान १५:२

यसैया 51:12

परमप्रभुमी “गो इन कली थुं बारपाइक्‍ब नङ। गे मुर तशा, मारदे हिंनीनी? मुरपुकी घांस खोदेंशो पा बेक्‍नीम। भजन संग्रह ५६:५; मत्ती १०:२८; यसैया ४०:१,६

यसैया 51:7

गे ठीक पतीके तुइक्‍बपुकी आं लोव़ नेनीन। आं शेंशो थुंमी वोइक्‍ब मुर आं लोव़ नेनीन। मुर आन शुक्‍शी पशो नेंशा महिनीन। मेको आन तोक्‍शा पशो लोव़ नेंशा सुर्ता मपने। यसैया मत्ती ५:११

मत्ती 10:28

इन रां कली साइक्‍ने चाप्‍ब। तन्‍न इन सोक्‍ती कली साइक्‍ने मचाप्‍बपुकी आन कली तशा महिनीन। रां नु सोक्‍त निम्‍फा नरकमी खतम पने चाप्‍ब कली तशा चहिं हिनीन। हिब्रू १०:३१; याकूब ४:१२

मर्कूस 3:3

मिनु येसुमी गुइ सोव़शो मुर कली “एक पिवो” दे मदा बाक्‍त।

लूका 3:6

मिनु मुर नेल्‍लेमी परमप्रभु यावेमी दोपा पाप रे प्रोंइबा मेको तुइक्‍नीम” दे ब्रेक्‍शो बाक्‍माक्‍त। यसैया ४०:३-५

यूहन्‍ना 16:8

मिनु मेको जाक्‍शा, रागी ङा मुर आन कली पाप आ पर्बम नु परमप्रभु यावे आ ङोंइती मार ठीक बाक्‍ब नु परमप्रभु यावे आ निसाफ पतीक दोदेंशो बाक्‍बा, दे शेंब।

प्रेरित 28:28

परमप्रभु यावेमी अर्को रागी ङा मुर आन, कली आ लोव़ नेंपाइक्‍ब। मेकोपुकीमी नोफा दाइश्‍शा नेंशा टीनीम, दे तुइक्‍तीन” दे माइक्‍तीमी।

रोमी 8:17

परमप्रभु यावे आ तमी तौ दुम्‍शा, येसु ख्रीस्‍त नु काथा बाक्‍शा, अङस ताइब दुम्‍तय। मेको अङस तचा ङोंइती येसु ख्रीस्‍त आ नेंमी श्‍येत जाइनय। नोले आ राज्‍य तांइसेनु, येसु ख्रीस्‍त नु काथा बाक्‍शा अङस ताइनय। गलाती ४:१७; प्रकाश २१:७

१ थिस्‍सलोनिकी 2:2

गोपुकी ङोंइती फिलिप्‍पी सहरमी श्‍येत जशा, मुरपुकीमी आंइ कली शुक्‍शी पाम्‍तेक्‍म, दे तुइक्‍नीनी। शुश शुक्‍शी पाम्‍तेक्‍म हना यो, परमप्रभु यावेमी आंइ कली वारच पाइब, दे थमा सुइश्‍शा, परमप्रभु यावे आ ग्‍येरपाइक्‍ब लोव़ इन कली शेंताक्‍क। प्रेरित १६:२०-२४; प्रेरित १७:१-५

हिब्रू 13:6

प्रभु आ देंशो तुइश्‍शा “प्रभुमी आं कली कोव़शा, वारच पाइब। मुरपुकीमी मार पने चाप्‍नीमी ङा? मारेइ पने मचाप्‍नीम। मोपतीके महिंथु बाक्‍ती” दे ठेयब थुं पा बाक्‍य। भजन संग्रह ११८:६

प्रकाश 2:10

मिनु मुल इन कली श्‍येत दुम्‍चाप्‍तु। तन्‍न महिनीने। नेनीन, मुल दियाबलस सैतानमी गे का निक्‍शी इन कली थुं थाम्‍चा कली जेल्‍खानम चोक्‍पाइक्‍ब। गे १० नाक्‍त सम्‍म ला श्‍येत जाइनीनी। साइक्‍चाम्‍तेक्‍म हना यो, फाल्‍शा थमा सुइक्‍चा मप्रोनीन। मो पाइतीनी हना, गो इन कली गेना हना यो ब्रोंइशा बाक्‍तीक सिरपेच गेनुङ। मत्ती १०:१९,२८; प्रकाश ३:११; २तिमोथी ४:८