फिलिप्‍पी 1:20 - Sunuwar Bible

²⁰ गो काइ मुने मदोक्‍नुङ, दे तुइश्‍शा, आस पाइनुङ। मिनु काइ महिंब दुम्‍शा, ब्रोंइती हना यो, साइक्‍तीमी हना यो, मुरपुकीमी गेना हना यो ख्रीस्‍त कली ठेयब सेल्‍मेक्‍ल, देंनुङ।

फिलिप्‍पी 1:20 Cross References

भजन संग्रह 119:116

इन थोक्‍शा पशो लोव़ खोदेंशो पा आं कली ब्रोंइचा गेयीनी। मिनु गो इन लां कोव़शा, मुने मदोक्‍ङल।

भजन संग्रह 119:80

गो इन फुल्‍लुम मुशा ब्रेक्‍शो लोव़ पशा दोस मतङल। मोपा मुने मदोक्‍ङ‍ल।

भजन संग्रह 25:2

आं परमप्रभु, गो इन कली मिम्‍शा, महिंथु बाक्‍शो बाक्‍नुङ। गो मुने मदोक्‍ङल। आं जोरी सत्रु आं क्‍येङा मग्रामल।

भजन संग्रह 62:5

आं थुंम सिक्‍सी पा परमप्रभु कली ला रिम्‍ब। मारदे हना गो मेको कली आस पाइनुङ।

हितोपदेस 10:28

ठीक पाइब आन आस पतीके तशा ग्‍येरसीनीम। तन्‍न परमप्रभु यावे आ अरेशो मटीब आन आस पतीके जाम्‍शा लाइब। भजन संग्रह ९:१९; अय्‍युब ८:१३

हितोपदेस 23:18

मो पाप्‍तीवी हना, इ ब्रोंइतीक नु इ मिम्‍शो नेल्‍ल जाक्‍दीप्‍ब।

यसैया 45:17

तन्‍न परमप्रभु यावेमी इस्राएल कली श्‍येत रे प्रोंइब। मेको गेना हना यो लीब श्‍येत रे प्रोंइतीकेमी बाक्‍ब। गे गेना हना यो मुने मदोक्‍थु, इन कुल मकिक्‍पाइक्‍नीनी।

यसैया 50:7

तन्‍न परमप्रभु, परमप्रभु यावेमी आं कली वारच पाइक्‍ती। मोपतीके गो शिशी मताइब मदुम्‍ङ। आं कुल शेरा‍ल फुल्‍लु खोदेंशो सेल्‍ता। गो मुने मदोक्‍नुङ, दे तुइश्‍शो नङ। इजीकीएल ३:८-९

यसैया 54:4

गे महिनो। मारदे हना गे मुने मदोक्‍नेवे। इ थुं लुक्‍च लचा मगेवो। गे शिशी ताइनेवे। गे इ ठिटी बाक्‍ङे ना ङा मुने प्रेंनेवे। इ वोंइश बेक्‍शो ना ङा श्‍येत लेंशा ममिम्‍नेवे। भजन संग्रह २५:७; येरमीया ५१:५

यूहन्‍ना 21:19

येसुमी पत्रुस दोपा परमप्रभु यावे आ सक्ति कोंइशा, साइक्‍चा पुंइसीबा, दे मोदेंशो देंत। मिनु येसुमी “आं नोले खोइय्‍यी” देंत। यूहन्‍ना १३:३६

प्रेरित 20:24

गो साइक्‍चा पुंइसाक्‍ङ हना यो, एको आं गिंम मारेइ ममिम्‍नुङ। प्रभु येसुमी आं कली पपाइश्‍शो लोव़ ‘परमप्रभु यावेमी मुर आन कली शिशी पाइब’ आ ग्‍येरपाइक्‍ब लोव़ कली तुइक्‍पाइक्‍‍नुङ। प्रेरित २१:१३; २तिमोथी ४:७

प्रेरित 21:13

पावलमी चहिं “मारदे ङाक्‍शा ब्रेश्‍शा, आं थुं खाइक्‍पाइक्‍नीनी? मलथु मप्रोंइनुङ। यरूसलेम जाक्‍दीश्‍शा, प्रभु येसु आ नेंमी फ्रेंसीचा ला ममाइ, बेक्‍चा माल्‍ती हना यो, बेक्‍नुङ” देंत। प्रेरित २०:२४

प्रेरित 4:31

मोदेंशो प्रार्थना पने थुम्‍मे चोटीन ख्रिनु कुशो खोदेंशो पा आन बुक्‍शा बाक्‍तीके एर ओंथ नेल्‍ल हिम्‍से बाक्‍त। मिनु नेल्‍ले परमप्रभु यावे आ सोक्‍तीम प्रिंचा पुंइसमा बाक्‍त। मिनु महिंथु ठेयब थुं पा परमप्रभु आ लोव़ शेंना शेंन गाक्‍बाक्‍मा बाक्‍त।

रोमी 12:1

आं लोक्‍बपुकी, इन कली मुल यो शुश शेंचा दाक्‍ताक्‍ङ। परमप्रभु यावेमी इन कली शिशी पा आ मुर सेल्‍तु। मोपतीके आ मुर दुम्‍शा, इन रां, थुं, गिंम नेल्‍ल, सेसीन परमप्रभु यावे आ दाक्‍शो चढ़ेतीक खोदेंशो पा जिम्‍मा गेंसीन। मेको इन परमप्रभु यावे कली रिम्‍शो पशो गेय बाक्‍ब। रोमी ६:१३

रोमी 5:5

मिनु मोदेंशो आस पतीकेम मुर आन कली बोल्‍यो सेल्‍ब। मारदे हना परमप्रभु यावे आ सोक्‍त आ पतीकेमी परमप्रभु यावे आ दाक्‍तीके इं थुंम मोइश्‍शो बाक्‍त। भजन संग्रह २२:६; भजन संग्रह २५:३,२०; हिब्रू ६:१८-१९

रोमी 6:13

इन गुइ खोइली, मिक्‍च, शोव़, रां नेल्‍ल कली मरिम्‍शो मपपतीन। तन्‍न बेक्‍शो रे सेंसीशो मुर खोदेंशो पा, परमप्रभु यावे कली जिम्‍मा गेंसीशा, आ रिम्‍शो गेय पने। रोमी १२:१

रोमी 6:19

इन कली रुप्‍पाइक्‍चा कली चिनु लेंशा शेंनन्‍नी। दोपा गेपुकीमी इन गुइ खोइल, मिक्‍च, शोव़, रां नेल्‍लेमी ग्रांग्रा दिशो गेय पशा, अरेशो लोव़ मटिनी, मोपा मुल इन थुं, रां नेल्‍ल ठीक पतीक आ वाइल दुम्‍चा कली परमप्रभु यावे आ गेय पाइब मुर दुमीन।

रोमी 8:19

परमप्रभु यावे आ सेल्‍शो नेल्‍लेमी “परमप्रभु यावे आ तमी तौ दोदेंशो बाक्‍नीमी” दे कोव़चा दाक्‍नीम। कलस्‍सी ३:४; १यूहन्‍ना ३:२

रोमी 9:33

मिनु “गो सियोनम फुल्‍लु का वोइक्‍नुङ। मेको फुल्‍लुमी मुर आन कली दाइल पपाइक्‍ब। मिनु शुश मुर मेको फुल्‍लुम थोक्‍सीशा राम्‍सीनीम। सुमी मेको कली थमा सुइक्‍बा, मेको खतम मदुम्‍ब” दे ब्रेक्‍शो बाक्‍ब। यसैया ८:१४; यसैया २८:१६

१ कोरिन्‍थी 15:31

आं लोक्‍बपुकी, येसु ख्रीस्‍त, इं प्रभु आ मुर दुम्‍तीनी। मिनु इन कली तशा, आं नें बोरपाइक्‍नुङ। तन्‍न शेंना शेंन गाक्‍शा, नाक्‍त किंत किंत बेक्‍चा ङा खोदेंशो दुम्‍नुङ। २कोरिन्‍थी ४:१०

१ कोरिन्‍थी 6:20

गे ग्‍याप्‍शो मुर बाक्‍नीनी। मोपतीके इन रांमी परमप्रभु यावे कली ठेयब सेलीने। १कोरिन्‍थी ७:२३; १पत्रुस १:१८-१९; फिलिप्‍पी १:२८

१ कोरिन्‍थी 7:34

मोपा गे निक्‍शी मिम्‍शो बाक्नीनी। ग्‍युंबे मपशो मीश मुर नु मीश आलपुकीमी प्रभु आ दाक्‍शो पा थुं नु रां नेल्‍ले प्रभु कली जिम्‍मा गेचा कली मिम्‍‍नीम। तन्‍न ग्‍युंबे पशो मीश मुरपुकीम चहिं रागी ङा गेय पा, दोपा आंम वोंइश कली ग्‍येरपाइक्‍चा, दे मिम्‍शा बाक्‍नीम।

२ कोरिन्‍थी 10:8

गो आंइ अधिकार आ पर्बम बोरती हना यो, मुने मदोक्‍नुङ। मारदे हना मेको इन कली खतम सेल्‍चा कली ममाइ। तन्‍न इन कली रिम्‍शो सेल्‍चा कली प्रभुम गेती। २कोरिन्‍थी १३:१०; १कोरिन्‍थी ५:४-५

२ कोरिन्‍थी 3:12

मोदेंशो आस पतीके गो काइ महिंब दुम्‍शो बाक्‍नीकी।

२ कोरिन्‍थी 4:10

येसु आ लोव़ शेंना शेंन गाक्‍कानु, येसु बेक्‍चा ङा श्‍येत जशो खोदेंशो पा, गो यो बेक्‍चा ङा श्‍येत जाइनीकी। तन्‍न येसु बेक्‍शो रे सेंचा पुंइसीशो खोदेंशो पा, सक्ति पाइश्‍शो दुम्‍नीकी। १कोरिन्‍थी १५:३१; गलाती ६:१७

२ कोरिन्‍थी 5:15

मिनु मेको नेल्‍ल आन पर्बम बेक्‍त। मिनु ब्रोंइशोपुकी मुल रे आंम पर्बम मब्रोंइमल। तन्‍न येसु कली ब्रोंइमल। मारदे हना मेको आन पर्बम साइश्‍‍शा, सेंसीचा पुंइसाक्‍व। रोमी १४:७-८

२ कोरिन्‍थी 7:14

मोदेंशो पा तीतस कली यो “कोरिन्‍थीपुकीमी आं लोव़ टीनीमी, रिम्‍शो पाइनीम” दे थमा लोव़ पशो नङ। मुल तीतसमी इन कली आं लोव़ टिशो तशा, थमा बाक्‍माक्‍त, दे तुइक्‍ताक्‍व। मोपा आं कली मुने मतोक्‍नी। मोपतीके आं नें बोरपा बाक्‍ती।

२ कोरिन्‍थी 7:4

मिनु इन कली तशा, ग्‍येरसीशा, आं थुं बोरनुङ। आं थुं नाइक्‍सीशा बारना बारन लत। श्‍येत जाता हना यो, इन कली तशा गो ग्‍येरस ङा ग्‍येरस बाक्‍ती।

फिलिप्‍पी 1:14

मिनु प्रभु कली थमा सुइक्‍ब लोक्‍ब शुशेमी आं कली जेल्‍खानमी बाक्‍शो तशा, प्रभु कली थमा सुइक्‍तीक बारपा महिंथु, परमप्रभु यावे आ लोव़ पाइनीम।

फिलिप्‍पी 2:17

गो इन थमा सुइक्‍चा आ पर्बम गेय पा, साइक्‍चा पुंइसाक्‍यी हना यो, ग्‍येरसीनुङ। गे नेल्‍ल नु ग्‍येरशा बाक्‍नुङ। २तिमोथी ४:६

कलस्‍सी 1:24

मुल गो इन पर्बम श्‍येत जाता हना यो, ग्‍येरसाक्‍यी। मारदे हना आं रांमी ख्रीस्‍त आ लीशो श्‍येत थुम्‍पाइक्‍नुङ। ख्रीस्‍त आ लीशो श्‍येत थमा सुइक्‍ब आन पर्बम बाक्‍ब। मेकोपुकी ख्रीस्‍त आ रां बाक्‍नीम। एफिसी ३:१३; २तिमोथी २:१०

१ थिस्‍सलोनिकी 5:23

थुं नाइक्‍पाइक्‍ब परमप्रभु यावेमी इन कली थम रिम्‍शो सेलल। इन सोक्‍त, थुं नु रां इं प्रभु येसु ख्रीस्‍त मयिम सम्‍म रिम्‍शो नु दोस मताइब दुम्‍शा बाक्‍मल।

१ पत्रुस 4:16

तन्‍न गे थमा सुइक्‍ब दुम्‍शा, श्‍येत जाइतीनी हना, मुने मपने। येसु ख्रीस्‍त आ नेंमी परमप्रभु यावे कली ठेयब सेलीन। फिलिप्‍पी १:२०

१ यूहन्‍ना 2:28

आं तमी तौपुकी, येसु ख्रीस्‍त नु थुं का ङा दुम्‍शा बाक्‍कीन। मेको यिमेनु, गोपुकी महिंब दुम्‍ने चाप्‍यल। मेको आ ङोंइती मुने मदोक्‍यल।