ZAKINIU 8:8 - Sumi Naga CL (Re-edited) Bible (BSI)

⁸ ti ye ashothi, barleythi, atsaibo, mububo, khaghatu bo, olive, eno akhingozü ipeghi chekeu yeghi ke.

BAIBEL (BSI)

⁸ ayeghi tipaulo ashothi, barlithi, atsayithi, khughuthi, khaghatu, Oliv eno akhi ngozu ipeghi chekeu ke.

ZAKINIU 8:8 Cross References

BOTHUBO 49:11

Paw khurhati atsaibo lo tshü eno khurhali atsaibo akiviu lo tshüpe qhino pa no atsaizü lono pa phimini ishile eno atsaizü kuhu lono alouphi ishie.

SAMUEL AKINIU 4:6

Eno pama no ashothi luniye ighi akeu ghola shi aki mta lo iloghive eno pama no pa polo jisüve tsü. Tithiu Rekhab ngo pa thiküzüu Baanah pama ye pove.

KUKAMI ATUGHIU 5:11

eno Solomon ghi ampe lo ashothi ahu ton 6,000 eno tsüghüve keu thazü liter 8,000 pesü Hiram tsüe.

KUKAMI AKINIU 18:32

I no ighi no nongu sasü no yeghi toike-a lo qhimoke kuto tishi ape nani, ayeghi ti ye athi ngo atsaizü, asho ngo atsailu, olive sübo ngo akhingozü yeghi ke. Akithi kumono aküxü kishelu lo. Hezekiah no nongu vilo, “Ampeu no ni xaphelu nani,” ipikeu tsa ini kevilo.

LESHELE 147:14

Pa no no yeghi lughi lo külashi tsü; Pa no athi akiviu pesü O shepichhi tsüke.

LESHELE 81:16

Ikemu Pa no athi akiviu pesü nongu loji nani, eno atuki lo akhingozü pesü I no nongu ghapiqi tsü nani.”

ISAIAH 7:23

Tipa ghuloki lo ghükayi qhethonhe me qhemi atsaibo qhethonhe piqi ache keqo ye aghüsahu eno asahuli ilhouve nani.

JEREMIYA 2:7

I no kupukuno shi akeu yeghi lo axathiqo eno thime kivi chulu penike nongu saghi ke. Ikemu nongu no iloghi kelo, I yeghi shipixive eno I mheghi pesü aphikümqhüpu shivetsü.

JEREMIYA 5:17

Panongu no nongu chuqupu chukhave tsü nani; no pu-angaqo kütsave tsü nani; no mishi eno ane chuve tsü nani; no tsaibo eno mubuthi chukhave tsü nani; nongu no pükhübe chekeu aliwo kumto phughiqo azütakikihi no kütsave tsü nani.”

EZEKEL 27:17

Judah ngo Israel yeghi no o sasü lhidi shiche; panongu no Minnith shothi, achuqupu, akhingozü, thazü eno nukümtshau pesü ow tinhemgha kilhisho che.

HOSIYA 2:22

eno ayeghi no athi, atsaiji eno thazü khochile nani, tipaqo no Jezreel khochile nani,

HOSIYA 2:8

Athi, aji eno thazü ngo Baal mlla chekeu ghükayi eno ameshoyi pesü li pipe keu ye I no kepi li ye mthae.

MICAH 4:4

ikemu kümtsü no pütüta tsaibo eno mububo qholo nani, eno khunomu panongu shikümsa monani, kughengu aqokitikhi Mpeu kichi lono piqhivae.

HABAKUK 3:17

Mububo no pumove namu, atsaibo lo axathi kühave namu, olivebo no pithi move na, aluza lo achuqupu ipeghi move namu, ambeloji no aqo gholono kühave, amishi kilo lhoxü kühave namu,

AKIKIHI 13:23

Panongu no Eshcol Khila lo ighi no tile atsaithi pho lakhi akeu loka michepe asü chuxusü no mikini no kuhope; eno khaghatu ngo mubuthi ghi hami xope ighi.

John 6:13

Ikehu timiqo no ashopa pungu lono chu püzü chukhamo no qhive keu panongu no kichekütsü kelo ashoghi chighikini chhitoi shilu.

John 6:9

“Hilau itimi lakhi no barleythi shopa pungu eno akha kini ani, ikemu hijeje gholo ye tino kiu shiluni kea?”

ZAKINIU 32:13

Panoqo pelo qhemghai keu yeghi shou chewupe, alu lo pekighiqo chulupe, atuqu lono akhingozü chupe, eno atu yeghi lono thazü tsüe.

ZAKINIU 32:14

Atsüaqu kichhizüchi ngo akichhizü tsü, ambeti, Bashan netsü eno ambeti tha tsüe, ashothi akiviu eno atsaithi kivi no mlakeu tsaizü shoke.

ZAKINIU 6:3

Tighenguno, O Israel, inilo, eno pükapütsa pelulo, tino nongu kivipu shilu nani, eno Ampeu ni puasü Lhou no tushoqhive ketoi, nongu ye akichhizü ngo akhingozü no qole akeu yeghi lo shishe ikowolu nani.

ZAKINIU 8:7

Kughengu Ampeu nongu Lhou no aghüma yeghi lo nongu sailoni cheni, ayeghi tipau ye aghoki eno azüpuki akeu eno ayeghi qhou züpuki no akhila ngo naghuto lono ipeghi anie;

ZAKINIU 8:9

Tile nongu ye asho luzüla mono chulu nani, eno athokha shimo nani. Tipa yeghi loye atuqo no ayi eno tile naghutoqo lono aküsayi chhuphelu nani.