ZAKINIU 8:3 - Sumi Naga CL (Re-edited) Bible (BSI)

³ Pa no nongu kuchuni no müzüthive pe, eno manna pesü lojie. Nongu eno no puasüqo mu ti ye kiu keno mthae, ikemu nongu pelo timi ye achuqupu vecheo likhino xülu chemo ikemu Ampeu tsa vecheo xülu nani kepi ithi peniye Pa no hi shike.

BAIBEL (BSI)

³ Pano nongu pelo muzuthive peke eno tishieno nongu pelo chupenike mana sho tsuke nongu eno nopuasuqono khilemu chuju mphikeu chuqupu tsuke. Pano hipau shikeuye timiye xu anike achuqupu shou likhi bepe masake kumoe, ikemu thwokha kumtsulo AMPEU no pikeu shou bepe ani kepi nongu shikapiye niyeke.

ZAKINIU 8:3 Cross References

LESHELE 105:40

Panongu no khu kelo Pa no atsüngü puwu tsü, eno kungugha lono achuqupu kupukuno shi panoqo tsü.

LESHELE 37:3

Ampeu pükhü lo, eno akivi mla lo; no yeghi lo küghüna no pükhükulu sasü shou-pau shilo.

MATTHEW 4:4

Ikemu pa no khochile, ishi yepüani, “Timi ye achuqupu vecheo likhino xülumo nani, ikemu Alhou kichi lono atsa ipeghi keu vecheo ke.”

Luke 4:4

Jisü no khochile, “Ishi yepüani, ‘Timi ye achuqupu likhi no xülu chemoe.’”

1 Kor. 10:3

kümtsü no aghungu lo chuqupu chu,

ZAKINIU 29:5

I no asayeqha lo ampe lhobidi nongu sasü ighivae, ikemu nongu phimini ngo apukhuqho ye puxüve mphie.

ZAKINIU 29:6

Nongu ye asho chumphi, atsaizü momu aji kümka shomphi, tishikeu lono nongu no Ni ye Ampeu nongu Lhou kepi ithi peniye ke.

ZAKINIU 32:47

Kughengu atsa hipaqo ye abokümsa kumoe, ikemu hi ye nongu küxü, eno hipau vecheo nongu no Jordan katha iku ngoniye akeu yeghi lo axükushu shilu nani.”

ZAKINIU 9:9

Kughou Ampeu no nongu sasü puloshoqhi shikeu tupha kini lunike I no iqho keno, ni ye tilau atsala lhobidi kiumu chusho mono ngove.