ZAKINIU 7:3 - Sumi Naga CL (Re-edited) Bible (BSI)

³ Panongu sasü külakupu shimoni; nonga pesü pano nuli tsümoni eno pano nga sawo no nuli tsümoni,

BAIBEL (BSI)

³ Panoqo sasu kulakupu shikevilo momu no tianuliqo pelo panoqo sasu lakhimu kulukile pekevilo.

ZAKINIU 7:3 Cross References

BOTHUBO 24:3

tishianguno I no o pelo Ampeu, atsütsü Lhou eno ayeghi Lhou vecheo tushoqhi peni, ti ye Canaanmi khuno dolo I no xüani keno panongu ngaqo pesü no ye I nu nipu lutsü moni,

KUKAMI ATUGHIU 11:2

shiye hipaqo ghenguno Ampeu no Israelmi vilo ishi pi püake, “Nongu ye panongu sasü külakupu shimoni, panongu ghi nongu sasü küla moni, kughengu panongu no mtsüqheino nongu mlo züiza pano lhou lau wuve nani.” Solomon no hipaqo kimiyeuve.

KUKAMI ATUGHIU 16:31

Nebat nu Jeroboam toi xükeu ye züla ketoi pa no Sidon kükau Ethbaal nonga Jezebel luve no Baal mlla eno huthuuve.

EZRA 10:3

Ikehu I mpeu no kichemije tsükeu eno khunono ni Lhou zakütsü lo msa khokhoshi cheni keno, tipaqo kükümsü kiqi lono nino anipu eno atianuli hi kümtsü pheveni ke ni Lhou sasü puloshoqhi shini nolo, eno ti ye Ayezah kiqi lono shinie.

EZRA 9:12

Tighenguno nongu ngaqo pesü pano puqo tsü kevi, momu pano ngaqo pesü nopuqo tsü kevilo, eno khilemu pano lokughuno momu küakini phu kevilo, tishianguno nongu ye mtotoi luno ayeghi lo akivi chulu nani eno pülhapuju no tianuli ghenguno amheghi lakhi shi qhitsülu nani.’

NEHEMIA 10:30

Ningu ye ni yeghi lo ashiayeqo lau ningaqo küla puwumo momu panow ilimi pesü ni nuli nipu shipemoe.

XAKUTHAMI 14:3

Ikemu papu ngo paza pama no pi, “Ni limi dolo momu ni shiaye dolo totimi kühave akesheno kushiye no ye aphighüyiko ghamo kemi Philistiami lau o nipu phuwu ani kea?” Ikemu Samson no papu vilo pi, “Li ye I ghenguno achipi shi anike li lu saghi tsülo.”