ZAKINIU 4:2 - Sumi Naga CL (Re-edited) Bible (BSI)

² I no nongu lau kiu azah tsüve akeno tipau shou kiumu küpha momu ikhive kevilo, ikemu Ampeu nongu Lhou zakütsü khikhi I no nongu tsüve akeno papelo.

BAIBEL (BSI)

² Ino nongu lau kiu yezah tsuve akeno tipau shou kiumu kupha momu ikhive kevilo. AMPEU nongu Lhou zah kutsu ino nongu tsuvekeu gholulo.

ZAKINIU 4:2 Cross References

LESHELE 78:7

Tileno panongu no panow pükhükibe Alhou lau qhilu nani Alhou kümla kümsüma monani, eno Pa zakütsüqo papelu nani;

AHOLE 30:6

Pa tsa nguno alau süküpha kevilo, tikumo aye Pa no o sakiyi nani eno no ye kimkimi shi phuluve nani.

YETSAPIU 12:13

Avehu kümtsü chiluve kethiu ashekha lo hi ani: Alhou msa lo eno Pa zakütsüqo pelulo, kughengu hi no timi kümtsü kümlapu ke.

JEREMIYA 26:2

“Ampeu no ishi piani: Ampeu kikhala lo puthugho lo, Ampeu kilo mlla nike ighi kemi Judah lo mishighüna kümtsü vilo I no o pelo pi penike azah tsükeu pesü pilo, atsathi lakhimu süchile kevilo.

MATTHEW 5:18

Kughengu mtsüqheino I no nongu vilo piani, atsütsü eno ayeghi no hauve moke kutolo, Ayezah lo kiyethi akulotiu, momu choküsü lakhimu shikupu khamoke kutolo hauvemo nani.

MATTHEW 5:43

“Ishi pikeu nongu no chiluvae, ‘O kisüghümi kimiyelo eno o ghümi ye mithilo.’

Galatiami 3:15

Athiküzümiqo, timi küxü lono I no kimghi piyeni: timi dolo puloshoqhi thotsü mlave kethiu ye nuxave mla momu süküqha mlae.

ZAKINIU 1:3

Egypt qhiveke mpe lhoabidiu, aqhi chighiaqhaqhiu atsala atüghüni, Ampeu no Israelmi azah tsülo pikeu kiqi lono Moses no timiqo pütsa.

ZAKINIU 12:32

“I no azah nongu tsü akeu thokha shilo; tile kiumu süküpha kevi momu ikhive kevilo.

ZAKINIU 13:1

“Tungkupu momu asamo vecheo piche kemi nongu dolo ipeghi no amchipu momu akümzapu mla aye,

ZAKINIU 33:4

Moses no Jacob laghami pelo amheghi shi peche peniye Ayezah ningu tsüke.

ZAKINIU 4:14

Tileno nongu no ilo niye akeu yeghi lo pape kepu khuaye ngo pimheye nongu shika lopi azah I tsüe.

ZAKINIU 4:40

Tighenguno ishi tsala lo I no nongu tsü akeu khuaye eno zakütsü kümtsü pelulo, tishianguno nongu eno no polo kughukomi kümtsü akivi shilu peni, eno Ampeu nongu Lhou no alhokuthu ghenguno nongu tsü akeu yeghi lo axüshulu penie.”

ZAKINIU 4:5

Julo, nongu no ilo niye akeu yeghi lo pelu peniye Ampeu I Lhou no azah I tsüke toi I no akhuaye ngo pimheyeqo nongu shikavae.

ZAKINIU 5:29

O panongu no I sümsa eno I zakütsü papeni ke pülhapuju hitoi keu mlo aghike aye, panongu eno pano kughukomi ghenguno akivipu shiniche!

ZAKINIU 5:32

Tighenguno Ampeu no Lhou no azah tsükeu papeni ke jukuto lo. Nongu ye tipau lono ajeu mu piyiu mu wuve kevilo.

JOSHUA 1:7

Qeti akumto shilo eno shishe amlo kuloghi shilo, eno I qeu Moses no azah tsükeu kümtsü kutokupui shi pekupu lo. Tipau lono ajeu momu piyiu tsüghüwu kevilo, tishikeu lono nono khila khila wumu, no ye akivishi tokulu shinani.

JOSHUA 8:35

Ahoho lo Israelmi akemi, totimi eno itimi ngo kachenami kümtsü lau Moses no azah tsükeu lakhimu qhimono Joshua no kümtsü phisüe.