YETSAPIU 7:16 - Sumi Naga CL (Re-edited) Bible (BSI)

¹⁶ Ihulo amikucho shikevi momu alotsülo kevilo; Kushiye o likhi o kütsaveni kea?

BAIBEL (BSI)

¹⁶ Ikehu, ihulo akivipu shike vilo momu ihulo alotsu kevilo; noye kushiye olikhi okutsave anikya?

YETSAPIU 7:16 Cross References

BOTHUBO 3:6

Ikehu kughou atotiu no asübo huye achuqupu kivi, anhethi lo jukighilepu, eno alokütsü shilu kepu anie pi ithulu keno, li no tipau xathi ikhipe chuve, eno hami ikhipe li kimi, khuu ghi li gholo ngo akeno tsü, eno pa no chuve.

JOB 11:12

Ikemu mbomzümi ye aghasa lo küa khurha no timi pitive kethiu likhino vethakulu lokütsü ithulu nani!

JOB 28:28

Pa no timi vilo pi, ‘Ampeu sükümsa no alokütsüe, eno alhoksa lono tsüghüve keu no vethakulu ke.’”

AHOLE 23:4

Küakini phuniye akumou shi o küxü pepuzüve no kulhokugho shimoni ke alotsülo.

AHOLE 25:16

Nono akhingozü ithulu kelo chukulupu qhemi thono kiyeve ghi chusüve keu ye mughuve nani.

YETSAPIU 12:12

I nu, hipaqo nguno alau ye kiukiu aghi namu kutokupui lo. Kaku kutomo yepheni keu ye ashekha kühae, eno chilo phikutho keu ghi aphimpi ghenguno akulho kishie.

MATTHEW 23:29

“Nongu Ayezah shikükami ngo Phariseemi hasapue, keghilishi chekeqo! Nongu no tungkupmi kumona mlatsü cheni, eno amikuchomi thigho jukivipu shitsü

MATTHEW 23:38

Julo, o phughi ye küghüvae.

MATTHEW 23:5

Pano kümla kümtsü timi pelo ithulu peniye shicheni. Tigheno akishe lo ashiyiko bohu khapu chekeu ghi panow paje, eno aphimini lo akighikipili ghi panow no akushuu shicheni,

MATTHEW 9:14

Tithiu Baptiz kishiu John khopemi no Jisü lau ighi no ighiju, “Kushiye niqomi ngo Phariseemi ye kümvü cheni püzü o khopemi ye kümvü chemo kea?”

Luke 18:12

Ni ye apinedo lo ghuthu kini kümvü cheni; I no ithulu keu kümtsü lo chighi saje tsü cheni.’

Rommi 10:2

Kughengu I no panongu shepe shilu anike panongu no Alhou lau amlo tsükeu ye thonhei, ikemu ti ye kuchou kighithi kiqi lono kumoe.

Rommi 11:25

Athiküzümiqo, mthamini nongu lotsüu papeve nosa kehu ni ye nongu pelo küsü püakeu tuqhou hipau ithi mono apenishi amoe: itehi Israelmi mlo shikümka püakeu ye Jewkumomi kümtsü no ighi kuloqu lumoke dolo ghengu likhino ke.

Rommi 12:3

Kughengu Alhouw küpükini I tsükeu vecheo I no nongu lakhikhi vilo pi anike khumu aqü kiyeve ghi ampi pesü qhemghai kümsü kepu kumoe, ikemu tsükhüi shino Alhou no pütüta küpülü qhemi lono akümlapu piche keu vethalu kepue.

1 Kor. 3:18

Timi khumu alikhi ampi pishiqhi kevilo. Nongu gholo khuana no pa ye hipa yeghi lo alokütsümi kepi aghi aye, pa ye alokütsümi shinike ghenguno mbomzümi shive masae.

1 Kor. 3:20

eno itaghi, “Alhou no alokütsümi kükümsü ye abokümsa kepi ithi ani.”

FILIPIAMI 3:6

achineye lo amlotsü keu tsa loye, akukuhou kijiküpsau; eno Ayezah qholono amikucho shikeu loye tukutiye kühae.

Kolosiami 2:18

Khunomu nongu kideqhive pekevilo, panongu no alikhi ampi milive no kungumi mlla, kungunhetsü ithukulu, eno akiqi küha keu ashi lo kimne kükümsü küdau hakite sawu cheni,

Kolosiami 2:23

Hipaqo ye akutoshi no iqükeu chine thuwu peni keu lokütsü lono ipeghi ani, eno alikhi ampi milive no aphimpi ghime chekeu, ikemu ashi lo pishikiqhi hipaqo ye kiumu ame kühae.

1 Tim. 4:3

Panongu no külakupu lakha cheni eno achuqupu khikhi pülü luve no kuchou ithi kemi pelo shikimthikütsü lono ikhipe chu peniye Alhou no lhosü keno, tipaqo chukevilo picheni.

Piyeküsü 18:19

Panongu no mloqa keu michishi ayeghimkhu pesü pano kütsü lo vepuku no ighamku, “Oishe, akiqheu mishighüna ghenguno ahaküsapu ghi lae! Li küakini pesü zükilu pighimi no kinimi shilu khaveno li ye asüchedo lakhi lono pükhülevae.