YETSAPIU 5:4 - Sumi Naga CL (Re-edited) Bible (BSI)

⁴ Kughou nono Alhou lau tushoqhini keno, ti shikupu nike süpushu kevilo. Pa ye anikhami shou amlo kiqi kühae. Nono piqhive keu shikupu lo.

BAIBEL (BSI)

⁴ Ike nono Alhou lau tsuni keushi piqhikeulo tipau pelu nike papashi tsulo, paye anikhami shou amlo kiqi kuhae. Nono kiu tsuniepi piqhivekeno tipau shilo.

YETSAPIU 5:4 Cross References

BOTHUBO 28:20

Tishino Jacob no ashoqhi shino pi, “Tsala Alhou no I gholo aye eno I no wu chekeu laghi hipau lo I süsho, eno achuqupu ngo aphimini pepu kepu I tsü aye,

BOTHUBO 35:1

Alhou no Jacob vilo pi, “Ithulo, Bethel lo iqholo eno tilau küghünauve lo. Nono o mu Esau launo poche kelo Alhou khuu o lau ipeghi keno, Pa lau akümlla-khache shiqhe lo.”

BOTHUBO 35:3

Tishino ningu ithu no Bethel lo iqhoni nolo, tishianguno Alhou khuu no I veküsa tsala lo I khochile tsü eno khile khilemu I gholo acheni keno, I no Pa lau akümlla-khache shiqheni.”

LESHELE 116:14

Paw timiqo kümtsü zülono I no I shoqhi Ampeu lau shikupuni.

LESHELE 119:106

O mikucho pimheye pape nike I no ashoqhi lakhi shino tipau shikupu luvae.

LESHELE 22:25

Ahoho kije lo Iw shekiqhe ye O launo ighie; Pa sümsa chekemi zülono I no I shoqhi shikupuni.

LESHELE 50:14

Shikimthikütsü ghakishi pesü Alhou mlla lo, eno Akughushuu lau o shoqhi shikeu shikupu lo,

LESHELE 76:11

Ampeu O Lhou vilo kiu shinie pi püani keno shilo; akupunu lo akeqo pelo khuu sümsa masa keno Pa lau agho süghi pelo,

AHOLE 20:25

Chokilhe shi “Hi ye akimthe ke” ipive no ashoqhi kümsü kutoju akeu ye alichhe ke.

ISAIAH 19:21

Ampeu ampi no Egyptmi lau pephe piye nani, tipa ghuloki lono panongu no Pa ithi no aghakishi ngo akümllagho pesü mlla nani, eno Pa lau ashoqhi shino ti pape nani.

JONAH 2:9

Ikemu I no shikimthikütsü sütsa pesü O lau aghakishi shini; I no kiu tushoqhive akeno ti tsüni. Xakulupu ye AMPEUw ke!”

MALAKI 1:10

O nongu gholo timi lakhi ahukikhaqo khave peni kemi aghi ke aye I kümlla khache-a lo akulu adou lono küiqü pemoni cheke! Ni ye nongu lau alokiqipu kühae, aqokitikhi Mpeu no pi, eno nongu u lo akümllagho ye I no ikhilu tsümo nani.

AKIKIHI 30:2

Kughou timi lakhi no Ampeu lau ashoqhi shini, momu pa ampi lau akütsügha shoqhi shini keno, pa ye pa shoqhi kubove moni, ikemu pa kichi lono pikeu kiqi lono thokha papeni.

MATTHEW 5:33

“Itaghi khaghi lomi vilo pikeu nongu no chiluvae, ‘No ye akumou lono tushoqhi kevilo, ikemu Ampeu lau nono kiu tushoqhi püani keno athoshi papelo.’

IBRIMI 10:6

No ye akipti kümllagho eno axine kümllagho lo O züküvü kühae.

XAKUTHAMI 11:35

Pa no li ithulu kemtsa pa phi süxüve no pi, “Oishe, I nga! Nono I mlo hephove tsüae, nono I mlo ghimepu shive tsüae. Kughengu ni ye Ampeu lau I kichi xükhovae, eno Iw tushokiqhi ikhichile lumoae.”