YETSAPIU 4:4 - Sumi Naga CL (Re-edited) Bible (BSI)

⁴ Itaghi I no ithulu keu no timi lakhi no akaghashi mlakeu eno akümla lo shitsa shikeu kümtsü pa kisüghüu jumine kelau noke. Hi ghi adou eno amülhü küghaju püha keu paphie.

BAIBEL (BSI)

⁴ Itaghi ino ithulukeuno timino tokulu shiniaye aghime eno aka aveshi mlacheni, tiye pano kisughumi juminekeu ghengunoke. Ikemu hiye adouke. Hiye amlhu kughahaju puhakeu paphi ke.

YETSAPIU 4:4 Cross References

BOTHUBO 26:14

Pa ye atsü-aqu eno lhoxü loji ngo aqemi kutomo pighi luve, ikehu Philistiami ye pa ju anheshuve.

BOTHUBO 31:1

Laban nuliqo no ishi pi aghikeu Jacob no chilu, “Jacob no I puw kümtsü luve tsüae, eno kiu no ningu papuw keno tipau lono pa no akini hi kümtsü ala shiluvae.”

AHOLE 27:4

Aloghu ye ayiküsa, eno amlo kighide ye kütsakungo keu, ikemu khuu no anhekushu zülo puthugho luni kea?

YETSAPIU 1:14

Ayeghi lo shiakeu kümtsü I no ithulu khavae, eno hi ye amülhü küghaju püha cheke toi eno kümtsü adou ke.

YETSAPIU 1:17

I no I mlo kuchopu tsü püzü alokütsü ngo mbomzü eno anikha dolo kütüqü keu ithini ye pükapütsa. Ikemu I no phulu keu no highi amülhü küghaju pühake toike.

YETSAPIU 2:21

kughengu khaniloye timi khuu no alokütsü ngo akighithi eno shitsa peitha no akaghashi mlache keno, pa ye ti kümtsü pesü imemo kemi pelo alokughuno shi peitha penike qhivetsü masave cheni. Hi ghi adou eno amhekiqipu kije ke.

YETSAPIU 2:26

Kughengu khuu no Pa pulou shi keno Alhou no alokütsü, akighithi, eno alokiqi pesü tsü cheni, ikemu Pa no axinemi pelo hekütsü eno kikepe qhino Alhou lopushi chekemi tsüvepe cheni. Hi ghi adou eno amülhü küghaju püha chekeu ke.

YETSAPIU 4:16

Pa no timi kihikhakümla sapheche. Ikeghi khunono pa thiuno ighi nani keno, tipaqo ye pa kümla jupe alovini chemoe. Mtsüqheino hi ghi adou eno amülhü küghaju püha keu paphike.

YETSAPIU 6:11

Atsa khije alau pi keno tijehi adoue, tino kiu timi la shitsü ani kea?

YETSAPIU 6:9

Anhethi no ithulu akeu no aposünhei niye itsü chekeu nguno akiviu ke. Hi ghi adou eno amülhü küghaju püha keu paphi ke.

MATTHEW 27:18

Panongu ye Jisü ju anheshu kelauno ikhiphepe tsüvae pi Pilate ye ithi ae.

Apostolmi 7:9

“Apuasüqo no Joseph ju anheshu püzü Egypt lo pa jepuwuve; ikemu Alhou no pa gholo ae,

James 4:5

Ikeo Kuchoyesü lo, “Alhou ye Pa nheshu qhiyi ni lolo aghungu sütsü keu kümsükütü acheni,” ipikeu ye akiqi kühano pi küghashi cheni kea?

1 John 3:12

Ningu ye Cain toi kepu kumo, pa ye alhoksau laumi eno pa thiküzüu Abel heqhi pithive. Pa ye kushiye pa thiküzüu heqhi pithive kea? Kughengu pa kümla ye alhoksa likhi eno pa thiküzüu kümla no amikucho kehue.