YETSAPIU 2:23 - Sumi Naga CL (Re-edited) Bible (BSI)

²³ Kughengu pa küxü tivilo amlo ghuju likhi eno pa kümla kümtsü lo aveküsapu likhie. Putho lo ghi pa kükümsü ye akulho qhimlae. Hi ghi adou ke.

BAIBEL (BSI)

²³ Nono xuake kupujulo nono shikeu kumtsu kumu kuhae ikemu amlo kusa eno amlo ghujupu likhike. Putholo thotsu okukumsu akulho qhimlae. Hi kumtsu adouke.

YETSAPIU 2:23 Cross References

BOTHUBO 3:17

Adam vilo Pa no pi, “Nono o nipu tsau inive no asübo khikhi, ‘No ye hipau lono chu kevilo,’ ipi I no azah o tsü keno, tipau xathi chuveke ghenguno, ayeghi ye o ghenguno müsüinivae; o küxü kupuju no ye aghime shi mlano chuniae;

BOTHUBO 47:9

Jacob no Pharaoh vilo pi, “I küxü lo kachena shi ighikeu hi ampe 130 shivae. Ampe aghulo likhi aphi ikemu shilusake pachi, eno I puasüqo küxü mpe qhemi kumoe.”

ESTHER 6:1

Tipa ji akükau ye zühu mlave. Ikehu pa no kümsüma mlakeu kümla yekikithi kaku peighi penike azah tsüno pa zülono tipaqo phisüpe.

JOB 14:1

“Totimi no punu kemi thaqhü ye aveküsa eno alho ikhoke pachie.

JOB 5:7

ikemu ami no kunguu mpa iku ketoi timi ye aveküsa lo punusü cheni.

LESHELE 127:2

Nono inaqhe itheno ithuve eno munu akulhoqhi no ghichheghime shi mlakeu lono chusho akeu ye adou ke; kughengu Pa no qhuivü kemi pelo zühu lupe cheni.

LESHELE 32:4

Kughengu putho pucho I shou O u mishishei ikughi; mütsü lo khetsünhe no pügha pühave ketoi I küka ye qhaivae.

LESHELE 90:15

Nono ningu shikighime keu tsala qhemi, eno alhoksa ni pelo ithulupe keu mpe qhemi ni lopivi tsülo.

YETSAPIU 1:13

Eno I no alokütsü shi atsütsü qholo kiu shive ani keno kümtsü phukide juke. Alhou no timi nuliqo pelo mighimghai ape keu ye alokivipu vehu kumoe.

YETSAPIU 1:18

Kughengu alokütsü alau shikeu lo amloksa alau ani, khuu no akighithi alau ani keno amlo ghime alau ani.

YETSAPIU 2:11

Tishino I no I u no mlaqhilu keqo ngo akaghashi mlakeu kümsükuto jukelo, ti kümtsü adou shi aghi eno amülhü küghaju püha ketoive. Khetsünhe qholo kiumu ala shilu kepu kühae.

YETSAPIU 5:12

Akümlau ye aghulo chuna kutomo chunamu akivishi zühulu cheni, ikemu kinimi ye akive chhitoi chupusü zühulu chemoe.

YETSAPIU 5:17

Tinguno alau pa küxü tivilo pa ye aküzü lono amlo ime, küsükini shi, eno amloide ghi chucheni.

YETSAPIU 8:16

Kughou I no alokütsü ithi nike, ayeghi lo kiu shiani keno ithi nike, eno kishi putho pucho lomu timi no zühu chemo keno ithi nike pükapütsa keno,

DANIEL 6:18

Tishino akükau ye pa kükaki lo wuve no kümvü ghi putho tsala puwove; pa vekhave kepu kiumu pa lau peighimo, eno pa ye zühu mlave.

Apostolmi 14:22

Hi kümtsü lo akhopemi mlo shikumto tsüno aküpülü lo cheche penike pama no pi, “Aghime kitikhi kutomo vechesü ningu ye Alhou yekipe lo ilo masae.”