YETSAPIU 12:7 - Sumi Naga CL (Re-edited) Bible (BSI)

⁷ Ayeghimkhu no atüghü lo toi ayeghi lo idewove nani, eno aghungu no Alhou lau idewove nani.

BAIBEL (BSI)

⁷ Niphimpiye ayeghi mukhulo idewove nani eno akuxupu tuthuye Alhou lau idewove nani tiye pano ningu tsu puanike.

YETSAPIU 12:7 Cross References

BOTHUBO 18:27

Abraham no khochile no pi, “Julo, ni ayeghimkhu eno ayevu huno Ampeu pütsa ayae.

BOTHUBO 2:7

tileno Ampeu Alhou no achhigha lono ayeghimkhu pesü timi kughulho eno pa nigipe lo aküxüpu tuthu shesü tsü, eno timi huno aküxüküa lhoxü shive.

BOTHUBO 3:19

Nono ayeghi lo idewo moke kutolo o tsünhizü o gi lono ijiqi ghi no ye achuqupu chuni, kughengu tipau lono o lhophe; kughengu no ye ayeghimkhu eno ayeghimkhu lo idewove nani.”

JOB 20:11

Pa ghi-anhü no alhothe lo küka xapu anamu pa gholono ayeghimkhu ilhouve nani.

JOB 7:21

No ye kushiye I kutokumo eno I kipimi qhive tsümla kea? Kughengu itehi ni ye ayeghi lo züuve niae, nono I phuche namu ni ye aghi moae.

LESHELE 103:14

Kughengu Pa no kishi ningu lhopüani keno ithi ani; ningu ye ayeghimkhu kepi Pa no kümsülu ani.

LESHELE 104:29

Kughou Nono O gi küsüveni keno, panongu ye aghüthisüve cheni; kughou Nono panoqo tuthu ikhiluveni keno, panongu ye thive cheni eno ayeghimkhu shive cheni.

LESHELE 146:4

Kughou pa tuthu kühaveni keno, pa ye ayeghi lo idewove cheni; Tipa tsala lono pa kukughu ye pühave cheni.

LESHELE 31:6

Khunono ameküküha julho mlla cheni keno I no mithie, ikemu ni ye Ampeu pükhü cheni.

LESHELE 90:3

Nono timi pelo ayeghimkhu lo idewove pecheni eno, “Idewove lo, O timi nuliqo,” ipi cheni!

ISAIAH 57:16

Ni ye alhokupuju panoqo nguku auvemo nani, momu alhokuthu panoqo shou amloide monani; kughengu tishive aye, I no lhokeu tuthu ngo angulho no I nhethe lono qeinaive nani.

JEREMIYA 38:16

Akükau Zedekiah no tuqhou shi Jeremiah lau ashoqhi shi, “Ampeu xü akeu no ningu ngulho lhoke, ni ye o pithimo momu o küghape o küxü phuche kemi u lo süvetsü monani.”

DANIEL 12:2

Eno ayeghimkhu lo zü akemi kutomo ithughive nani, khami ye lhokta küxü lo eno khami ye akukujo ngo shekhaha küthakügha lo auve nani.

ZEKHARIA 12:1

Israel ghenguno Ampeu tsa: Ampeu khuu atsütsü xachhope qhino ayeghi lhophe eno timi lolo aghungu sütsü keno Pa no hitoi sheshu ani:

AKIKIHI 16:22

Ikemu pama no ayeghi lo pishiqho ghi itsaqi no pi, “O Alhou, timi ghungu kümtsü shou Alhou, timi lakhi xine ghenguno no ye ahohomi kuchopu shou agha ideni keshea?”

AKIKIHI 27:16

“Ampeu, aküxüküa ghungu kümtsü Lhou no aqoaho sakipheu lakhi kishe tsülo

Luke 23:46

Jisü no asütsa kuloghi lono pi, “I puo, O u lo I ghungu kulhuqhive tsüae!” Tishino pa tuthu kishekhave.

Apostolmi 7:59

Panongu no atu pesü Stephen veqhi akelo, Stephen no pi, “Ampeu, I ghungu ikhilu tsülo.”

IBRIMI 12:23

Nongu ye Alhou nuli anoghimi khunoqo je kungugha lo yepüani keno tipaqo mqo lo, kümtsü shou Küghaküthau Alhou lau, eno Alhou zülo kupukülaive kemi amikuchomi ghungu lau ighivae.

IBRIMI 12:9

Itaghi, ayeghilo ningu papuqo no ni sakiyi qoputhu no nino panoqo qhoqhü cheni. Tishiaye, ningu ye tinguno alau anguaghalo Papu qhoqhü moni keshea?