YETSAPIU 11:8 - Sumi Naga CL (Re-edited) Bible (BSI)

⁸ Timi lakhi no ampe kutomo xülu aye, pa ye amlo kiqishi amasae; ikemu aküzü tsala no tinguno akushuu kepi ithi pelo. Tithiu ye kümtsü adoue.

BAIBEL (BSI)

⁸ Ampe atsutsulo nono xuaghikeu ghenguno amlo kiqishi alo. Nono ampe khitotohi axushu namu thive kethiu do pashu kepi kumsululo. Azuu jupuwo juakepu kiumu kuhake.

YETSAPIU 11:8 Cross References

JOB 10:21

I no aküzü eno akuthoku yeghi lo wumphi lono alopiqi luni, kughengu ni ye ideighimo ake.

JOB 10:22

Tipau yeghi ye züchiyi aküzü no nhape kübangü keu-a ake, tile ye aküvü ghi aküzü paphie.”

JOB 14:10

Ikemu timi ye thive no ayeghi qhou shiqhove cheni; pa tuthu kishekhave kelo pa ye khile acheni kea?

JOB 14:12

timi no züuve kethiu ye ithughi kithe move cheni; atsütsü no haumoke kutolo pa ye ithughi momu küdaputhu moae.

JOB 15:23

Pa no akuaqha lo achuqupu phuwu cheni, Aküzü tsala ye pa milepe ngovae pi pa no ithi ani;

JOB 18:18

Aküvü lono aküzü lo pa hasüve no ayeghi lono hapheve nani.

LESHELE 49:20

Milakhi no akini tule-pele anamu alokütsü küha kelo tüghashi toi pühave nani.

YETSAPIU 11:2

Ayeghi lo kiu nguküsa tsala ighini keno mtha kehu o chuqupu saje pesü timi tsüni momu tache mu tsülo.

YETSAPIU 2:15

I no I mlo pütsa, “Anikhau lau kiu shive keno, ti atho I lau ghi shi nani. Imaye ni ye kushiye ighono alokütsü shi ani kea?” I mlo lono I no pike, highi adou kena.

YETSAPIU 2:17

Ikehu ni ye aküxü azüzüve, kughengu khetsünhe qholo kiu shi ani keno aveküsapu ke. Hi kümtsü adou eno amülhü küghaju püha aketoi ke.

YETSAPIU 2:19

pa ye alokütsümi momu anikhami shiaghi luvike khuu no ithi ani kea? Ikeghi I no I lokütsü lono mlaqhi keu kümtsü shou pa no ampeu shive nani. Hi ghi adoue.

YETSAPIU 2:26

Kughengu khuu no Pa pulou shi keno Alhou no alokütsü, akighithi, eno alokiqi pesü tsü cheni, ikemu Pa no axinemi pelo hekütsü eno kikepe qhino Alhou lopushi chekemi tsüvepe cheni. Hi ghi adou eno amülhü küghaju püha chekeu ke.

YETSAPIU 4:16

Pa no timi kihikhakümla sapheche. Ikeghi khunono pa thiuno ighi nani keno, tipaqo ye pa kümla jupe alovini chemoe. Mtsüqheino hi ghi adou eno amülhü küghaju püha keu paphike.

YETSAPIU 4:8

thilimi lakhi anu mu athiküzümi mu kühano ache, ikeghi tamono akaghashi mlache eno pa ye küakini jupe aghaqimo kelau ishi pijumoe “Ni ye khuu ghenguno akaghashi mla eno I lopivini keu milive acheni kea?” Hi ghi adou eno alokivi vehu kumoe.

YETSAPIU 6:11

Atsa khije alau pi keno tijehi adoue, tino kiu timi la shitsü ani kea?

YETSAPIU 6:6

Ikehu pa no ampe 2,000 kutolo xükepu shi namu, akivi kiumu ithulumo aye, kiu ala ania, timi kümtsü a-a aphiphi lo wuve nanike kumo keshea?

YETSAPIU 7:14

Kinikülü shilu ake ghuloki lo alovi alo, eno shiluküsa tsala lo kümsülu lo: Alhou no alokivi eno shiluküsa ghi puwue, tishianguno timi pelo pa thiu kiu ighi nani keno ithi pemo niye ke.

YETSAPIU 8:12

Kixikilami no ghuthu 100 kutolo alhoksa mlano xüaghi namu, I no ithi anike khuu no Alhou msani keno, pau pavi nani, kughengu pa no Alhou msaighü acheni.

YETSAPIU 8:15

Ikehu alovi alopi I no piani, kughengu khetsünhe qholo timi ye chusho eno alovini keu nguno akiviu ye kiumu kühae. Alhou no aküxü pa tsüke tivilo alokivi huno pa ghime kupuju lo pa gholo anani.

YETSAPIU 9:7

Wulo, alokivi shi o chuqupu chulo, eno aloqiqhiyi o tsaizü yelo, kughengu nono kiu shi ani keno Alhou no kihithape qhivae.

JEREMIYA 13:16

Pa no aküzü süghi mphi züuno, zümoive keu naghutoqo lo nongu pukhu no küpxa mphi lono, eno nongu no aküvü laju akelo Pa no züchiyive tsüno aküzü kutho shivetsü mphi lono, Ampeu o Lhou sheqhelo.

JOYIL 2:2

aküzü eno züchiyi keu tsala, akimhi eno aküzü kutho tsala! Akumtomi kütsasa no aküzü kutho toi naghutoqo nhakhape ani, titoi keu ye khilemu shiju mphi, itaghi panoqo thiumu tiqheli kupuju lo khilemu ithulumo nani.

MATTHEW 22:13

Tileno akükau no jukükütsümi vilo pi, ‘Pa phiau pheve no khalau aküzü lo vepheve lo, tile ahu tsüghü bubushi qa nani.’

John 12:35

Tile Jisü no panoqo vilo pi, “Aküvü ye ado hami likhi nongu sasü aniae. Aküvü aphi lono chelulo, tikumo aye aküzü no nongu züthave nosae. Khunono aküzü lo checheni keno pa ye khila wucheni keno mthae.

ZAKINIU 32:29

Panongu no alokütsü aghike aye hi vethaluni cheke; panongu ye ashekha vehu kimchi luni cheke!

Jude 1:18

Panongu no nongu vilo pi ke, “Ashekha tsala loye jukünatha kemi ipeghi no Alhou sümo keu ngosükümla lhoaye pape nani.”